Shan Missions

လိၵ်ႈဢေႃးဝႃႇတႃ့ပေႇတရုၽိုၼ်တုတိယ

Chapter          ၁           ၂          ၃         

၃

ၵတိၸဝ်ႈၽြႃးဢၼ်တၵ်းၵျွႃးမႃးပွၵ်ႈတုတိယ

၁ ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ၵဝ်တႅမ်ႈလိၵ်ႈဢေႃးဝႃႇတႃႉၽိုၼ်တုတိယၼႆႉပၼ်ၵႂႃႇတီႈသူဢေႃႈ။ၼႂ်းလိၵ်ႈတင်းသွင်ၽိုၼ်ၼၼ်ႉပဵၼ်တၢင်းဢၼ်ၵဝ်ပၼ်သတိလႄႈၸူဝ်းဢဝ်ၸႂ်ဝိၺိၺ်ႇသူ

၂ ႁႂ်ႈသူၶုၵ်းၸႂ်လႆႈၶႆႈၸႂ်ထူပ်းၵႂၢမ်းဢၼ်ပရေႃးၽႅတ်ႈဢၼ်မူတ်းၸၢင်ႇတင်းလၢႆႁေႃးလၢတ်ႈမိူဝ်ႈဢွၼ်ၼႆႉၼၼ်ႉဢမ်ႇၵႃးပိင်းၺၢပ်ႈၽြႃးၸဝ်ႈၵႄႇၶျွတ်ႈဢၼ်တမၢၼ်ႇၸဝ်ႈတင်းလၢႆႁေႃးလၢတ်ႈဝႆႉၸိူဝ်းၼၼ်ႉဢေႃႈ။

၃ လွင်ႈတၢင်းဢၼ်တၵ်းလႆႈမၢတ်ႈတွင်းဝႆႉဢွၼ်တၢင်းၸမ်းၼႂ်းၶိင်ႇၵႃႇလႃႉၵမ်းလိုၼ်းၼၼ်ႉၶဝ်ၸိူဝ်းဢၼ်ၸၢင်ႊႁဵတ်းပျၢၵ်ႈႁဵတ်းၶူဝ်သေႉသွမ်းၼၼ်ႉတၵ်းပေႃႇမႃးလႄႈႁဵတ်းၸွမ်းတၢင်းဢၼ်ၶဝ်ၸွႆးၸပ်းၼၼ်ႉလႄႈဝႃႈ၊-ၵတိၸဝ်ႈဢၼ်ဝႃႈ၊-ၸဝ်ႈၽြႃးတၵ်းမႃးဢေႃႈ၊ဝႃႈၼင်ႇၼႆၼၼ်ႉ၊မီးၵႃႈလႂ်။

၄ လိုၼ်းသေပူႇမွၼ်ႇႁဝ်းတင်းလၢႆၼွၼ်းလပ်းၵႂႃႇယဝ်ႉလွင်ႈတၢင်းၵႃႈမီးတင်းသဵင်ႈတင်းလူင်ၸိူဝ်းၼႆႉယင်းပဵၼ်ယူႇမိူၼ်ၸိူဝ်ႉၼင်ႇမိူဝ်ႈဢၼ်တႄႇၸႃႉၽၢၼ်ႇသၢင်းႁဵတ်းပဵၼ်ဝႆႉၼၼ်ႉဢေႃႈ၊ဝႃႈၼင်ႇၼႆဢေႃႈ။

၅ ၶဝ်ၼၼ်ႉဢမ်ႇမီးၸႂ်ဢၼ်ၶႂ်ႈမၢတ်ႈၶႂ်ႈတွင်းလွင်ႈဢၼ်ဝႃႈၸွမ်းလူၺ်ႈၼုၵ်ႉၵပၢတ်ႈၽြႃးပဵၼ်ၸဝ်ႈလႄႈ

၆ ၽႃႉၵၢင်ႁၢဝ်ပေႃႇပဵၼ်မႃးၸဵမ်မိူဝ်ႈဢွၼ်တၢင်းၼႆႉၼၼ်ႉဢိၵ်ႇတင်းလိၼ်မိူင်းပေႃႇပဵၼ်မႃးၼႂ်းၼမ်ႉဢိၵ်ႇတင်းလွင်ႈဢၼ်ဢဝ်တင်းၼမ်ႉထုမ်ႈလိၼ်မိူင်းၼၼ်ႉဢေႃႈ။

၇ ၽႃႉၵၢင်ႁၢဝ်တင်းလိၼ်မိူင်းဢၼ်မီးယူႇတေႃႈလဵဝ်ၼႆႉၸမ်းၵွပ်ႈပိူဝ်ႈၼုၵ်ႉၵပၢတ်ႈၸဝ်ႈၼၼ်ႉလႄႈသိမ်းဝႆႉမီးယူႇတေႃႇထိုင်ႁွတ်ႈဝၼ်းဢၼ်တၵ်းၸီႇယၢင်ႇတြႃးဢၼ်တၵ်းဢဝ်တင်းၽႆးယႃႉပႅတ်ႈႁႂ်ႈၵူၼ်းဢႃႉထမ်ႇမႃႉဢၼ်ၵိုတ်းဢၼ်ၵျၢၼ်ႇဝႆႉတင်းလၢႆၼၼ်ႉလူႉလႅဝ်ဢေႃႈ။

ၶိင်ႇဢၼ်တၵ်းၵျွႃးမႃးပွၵ်ႈတုတိယ

၈ ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ယႃႇပေလူင်ပေလိုမ်းလွင်ႈဢၼ်ဝႃႈၵႃႈတီႈထႃႇဝရႃႉၽြႃးၼၼ်ႉၶိင်ႇၵႃႇလႃႉဝၼ်းၼိုင်ႈၸမ်းပဵၼ်ၸိူဝ်ႉၼင်ႇပီႊမိူင်းႁဵင်ၼိုင်ႈဢိၵ်ႇတင်းလွင်ႈဢၼ်ဝႃႈပီႊမိူင်းႁဵင်ၼိုင်ႈၸမ်းပဵၼ်ၸိူဝ်ႉၼင်ႇဝၼ်းၼိုင်ႈၼၼ်ႉတႃႉ။

၉ ထႃႇဝရႃႉၽြႃးဢမ်ႇထိူင်းဢမ်ႇၼၢၼ်းၼႂ်းတၢင်းဢၼ်ၸၢပ်ႈသႅင်ႇၵၼ်တင်းၵတိမၼ်းၸဝ်ႈၼၼ်ႉမိူၼ်ၸိူဝ်ႉၼင်ႇၵူၼ်းၵမ်ႈၽွင်ႈထၢင်ႇပဵၼ်တၢင်းဢၼ်ထိူင်းၼၢၼ်းၼၼ်ႉ။မၼ်းၸဝ်ႈဢမ်ႇမီးဢလူဝ်ႇၶႂ်ႈႁႂ်ႈၽူႈလႂ်သေၵေႃႉသေၵူၼ်းလႆႈလူႉလႆႈသုမ်း။မၼ်းၸဝ်ႈမီးဢလူဝ်ႇၶႂ်ႈႁႂ်ႈၵူၼ်းၵႃႈမီးတင်းသဵင်ႈတင်းလူင်ၶုၵ်းၸႂ်လႆႈမႆႈၸႂ်ဢပျႅတ်ႈလႄႈမၼ်းၸဝ်ႈယိူၼ်ႉၶၢမ်ႇယူႇဢေႃႈ။

၁၀ ၶိင်ႇဝၼ်းဢၼ်ထႃႇဝရႃႉၽြႃးတၵ်းမႃးၼၼ်ႉမိူၼ်ၸိူဝ်ႉၼင်ႇၽူႈလၵ်ႉမႃးၶိင်ႇၵၢင်ၶိုၼ်းၼၼ်ႉဢေႃႈ။ၼႂ်းဝၼ်းၼၼ်ႉၽႃႉၵၢင်ႁၢဝ်ၼႆႉတၵ်းမီးတင်းသဵင်ဢၼ်ယႂ်ႇၼႃႇလႄႈႁၢႆလၢႆၵႂႃႇဢေႃႈ။လေႃးၵထၢတ်ႈၸိူဝ်းၼႆႉၵေႃႈတၵ်းမႆႈႁႅင်းၼႃႇလူင်လၢင်လႄႈလူႉလႅဝ်ၵႂႃႇဢေႃႈ။ၸႃႉၸဵမ်တူဝ်လိၼ်မိူင်းတင်းၶိူင်ႈပိူင်ၵႃႈဢၼ်ႁဵတ်းပဵၼ်ၵႃႈၼိူဝ်လိၼ်မိူင်းတင်းသဵင်ႈတင်းလူင်ၸိူဝ်းၼႆႉတၵ်းမႆႈသုတ်းၵႂႃႇဢေႃႈ။

၁၁ ၵွပ်ႈႁွႆးၼႆႉလႄႈပိူဝ်ႈဢၼ်ၶိူင်ႈပိူင်တင်းသဵင်ႈတင်းလူင်ၸိူဝ်းၼႆႉတၵ်းသဵင်ႈမူတ်းပႅတ်ႈဢမၢၼ်ႇၶၼ်ပဵၼ်လႄႈသူဢွၼ်ၵၼ်မုင်ႈထႃႈမွင်းထႃႈ

၁၂ ဝၼ်းဢၼ်ၽြႃးပဵၼ်ၸဝ်ႈတၵ်းႁွတ်ႈမႃးဢၼ်ပဵၼ်ဝၼ်းဢၼ်ၽႃႉၵၢင်ႁၢဝ်တၵ်းလူႉလႅဝ်လူၺ်ႈၽႆးလႄႈလေႃးၵထၢတ်ႈတင်းလၢႆၵေႃႈတၵ်းလႆႈမႆႈႁႅင်းၼႃႇလူင်လၢင်သေယဝ်ႉၶၢမ်ႇတၢင်းဢၼ်ဢွင်ႇၸိူမ်ႈၵႂႃႇလႄႈဢွၼ်ၵၼ်မီးတၢင်းၵမ်တၢင်းၵျၢင်ႉဢၼ်မူတ်းၸၢင်ႇဢိၵ်ႇတင်းတၢင်းဢၼ်မူၼ်ႈပျေႃႇၼႂ်းဝၢတ်ႈၽြႃးယူႇသေလႄႈမႄးႁႅၼ်းထုၵ်ႇလီပဵၼ်ၵူၼ်းၸိူဝ်ႉၼင်ႇႁိုဝ်ၼၼ်ႉတႃႉ။

၁၃ ၵူၺ်းၵႃႈႁဝ်းမုင်ႈထႃႈမွင်းထႃႈၽႃႉၵၢင်ႁၢဝ်ဢၼ်မႂ်ႇဢိၵ်ႇတင်းလိၼ်မိူင်းဢၼ်မႂ်ႇတီႈဢၼ်တြႃးတၢင်းသိုဝ်ႈတေႃႇတၵ်းတႄႇယူႇၸွမ်းၼင်ႇၵတိၸဝ်ႈၼၼ်ႉဢေႃႈ။

ၵႂၢမ်းၶေႃႈသင်ႇလိုၼ်းသုတ်း

၁၄ ပိူဝ်ႈဢၼ်မီးတၢင်းဢၼ်မုင်ႈထႃႈမွင်းထႃႈၸိူဝ်ႉၼင်ႇၼၼ်ၼၼ်ႉလႄႈၵေႃႉဢၼ်ၵဝ်ႁၵ်ႉၶဝ်ဢိူၺ်း၊ဢွၼ်ၵၼ်ဢဝ်ႁႅင်းၶတ်းၸႂ်ႁႂ်ႈလႆႈၵၢင်းလွတ်ႈတင်းတၢင်းဢၼ်ၵူဝ်ႈဢၼ်ၵိူၵ်ႇလႄႈယင်းဢမ်ႁႂ်ႈလႆႈပႃးဢပျႅတ်ႈၵႃႈသင်သေၸိူဝ်ႉသေပိူင်လႄႈႁႂ်ႈလႆႈႁွတ်ႈထိုင်ၵႃႈတီႈၽၢႆႇၼႃႈ

၁၅ ၽြႃးပဵၼ်ၸဝ်ႈၼိမ်ၼိမ်လီလီတႃႉ။ဢွၼ်ၵၼ်မၢတ်ႈတွင်းလွင်ႈတၢင်းဢၼ်ၸဝ်ႈၽြႃးႁဝ်းယိူၼ်ႉၶၢမ်ႇၼၼ်ႉပဵၼ်တၢင်းဢၼ်တၵ်းၵႄႇၶျွတ်ႈဢဝ်မႅၼ်ႈၼင်ႇဢၼ်ပႃးၵႃႈၼႂ်းလိၵ်ႈဢၼ်ပေႃးလုဢၼ်ပဵၼ်ၼွင်ႉဢၼ်ၵဝ်ႁၵ်ႉၼၼ်ႉတႅမ်ႈပၼ်ၵႂႃႇတီႈသူၵႃႈၼင်ႇၺၢၼ်ႇပိင်ႇၺႃႇဢၼ်မၼ်းလႆႈၶၢမ်ႇဢဝ်ဢိၵ်ႇတင်းၵႃႈၼႂ်းလိၵ်ႈဢေႃးဝႃႇတႃႉၵႃႈဢၼ်မၼ်းၸီႇယၢင်ႇလႄႈလၢတ်ႈဝႆႉလွင်ႈတၢင်းၸိူဝ်းၼၼ်ႉတႃႉ။

၁၆ ၼႂ်းလိၵ်ႈၸိူဝ်းၼၼ်ႉမီးလွင်ႈတၢင်းဢၼ်ယၢပ်ႇၼႃႇၵမ်ႈၽွင်ႈဢေႃႈ။ၶဝ်ၸိူဝ်းဢၼ်ဢမ်ႇမေႃဢမ်ႇၸၢင်ႊဢိၵ်ႇတင်းၶဝ်ၸိူဝ်းဢၼ်ဢမ်ႇမီးတၢင်းဢၼ်တႄႇမၼ်ႈၼၼ်ႉဢွၼ်ၵၼ်ၶွမ်ႈပိၼ်ႈပႅတ်ႈၸႃႉၸဵမ်လွင်ႈတၢင်းၸိူဝ်းၼၼ်ႉဢိၵ်ႇတင်းဢထိၵ်ႈပႄႇၵျၢမ်းလိၵ်ႈဢၼ်ယင်းၵိုတ်းယင်းၵျၢၼ်ႇၼၼ်ႉလႄႈၸၢင်ႊယႃႉတူဝ်ၸဝ်ႈၵဝ်ႇပႅတ်ႈဢေႃႈ။

၁၇ ပိူဝ်ႈဢၼ်ပဵၼ်ၸိူဝ်ႉၼင်ႇၼၼ်လႄႈၵေႃႉဢၼ်ၵဝ်ႁၵ်ႉၶဝ်ဢိူၺ်း၊လွင်ႈၼင်ႇႁိုဝ်သူၵေႃႈတၵ်းဢမ်ႇလႆႈၸွမ်းၵႂႃႇၼႂ်းတီႈဢၼ်ၸူဝ်းၵႂႃႇၸူဝ်းပႆၵွပ်ႈပိူဝ်ႈပရီႉယႄႇၶဝ်ၸိူဝ်းဢၼ်ဢမ်ႇတြႃးၼၼ်ႉလႄႈသုတ်ႈယွမ်းၵႂႃႇၵႃႈၼႂ်းတၢင်းဢၼ်သူတႄႇယူႇၼၼ်ႉၸိုင်ပိူဝ်ႈဢၼ်သူႁူႉလွင်ႈတၢင်းၸိူဝ်းၼၼ်ႉဝႆႉယဝ်ႉလႄႈဢွၼ်ၵၼ်ပႂ်ႉတူဝ်ၸဝ်ႈၵဝ်ႇယူႇတႃႉ။

၁၈ ဢွၼ်ၵၼ်ယႂ်ႇၵႂၢင်ႈမႃးၼႂ်းၵျေးၸူးၸဝ်ႈဢိၵ်ႇတင်းၼႂ်းတၢင်းဢၼ်ႁူႉၸၵ်းၸဝ်ႈယေႇသုၶရိၸ်ႉၸဝ်ႈဢၼ်ၵႄႇၶျွတ်ႈဢဝ်ႁဝ်းၼၼ်ႉတႃႉ။ႁႂ်ႈၸဝ်ႈၼၼ်ႉမီးမူၼ်သရေႇၸႃႉၸဵမ်မိူဝ်ႈလဵဝ်ၼႆႉတေႃႇထိုင်ႁွတ်ႈၶိင်ႇၵႃႇလႃႉဝၼ်းထႃႇဝရႃႉတဵမ်တဵမ်ၼၼ်ႉသေၵမ်းလူၺ်ႈ။ဢႃႈမိၼ်ႈ။