Shan Missions

လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ

Chapter          ၁           ၂           ၃           ၄           ၅           ၆         

၄

တၢင်းသင်ႇသွၼ်ဢၼ်ၽိတ်းပိူင်ႈ

၁ ဝိၺိၺ်ႇမူတ်းၸၢင်ႇၸဝ်ႈပၼ်ဝႆႉပျႃႇတိၵ်ႈလႅင်းလႅင်းၸမ်းၼႂ်းၶိင်ႇၵႃႇလႃႉၵမ်းလိုၼ်းပုၼ်ႉၵူၼ်းၵမ်ႈၽွင်ႈတၵ်းပႅတ်ႈဝႆႉတၢင်းယုမ်ႇမၢတ်ႈသေလႄႈဢိင်ပိုင်ႈၶွၼ်ဝိၺိၺ်ႇဢၼ်ၸၢင်ႊပႅတ်ႉၸၢင်ႊလႅၼ်၊

၂ ဢေႃးဝႃႇတႃႉဢၼ်ၸၢပ်ႈသႅင်ႇၵၼ်တင်းၽီၵႂၢမ်းမူႉသႃႇဢၼ်ၸၢင်ႊထိမ်ႇၸၢင်ႊမႅပ်းဢၼ်ဢဝ်တင်းလဵၵ်းမႆႈၸမ်ႈသႂ်ႇႁူဝ်ၸႂ်ၶဝ်ၼၼ်ႉဢေႃႈ။

၃ ၶဝ်တၵ်းဝႆႉပိင်းၺၢပ်ႈလႄႈဝႃႈ၊-ဢမ်ႇလႆႈႁဵတ်းတၢင်းဢၼ်သွင်ႇမင်ႇၵလႃႇ၊ဢမ်ႇလႆႈၵိၼ်တၢင်းၵိၼ်ဢၼ်ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်ဝႆႉဢၼ်ၵူၼ်းယုမ်ႇမၢတ်ႈၶဝ်မီးၸႂ်ဢၼ်တၢင်ႇၵျေးၸူးၸဝ်ႈသေလႄႈၵိၼ်ၼၼ်ႉဢေႃႈ။

၄ၵႃႈ ဢၼ်ၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်ဝႆႉတင်းသဵင်ႈတင်းလူင်ၼၼ်ႉပဵၼ်ဢၼ်လီဢေႃႈ။ပေႃးမီးတင်းၸႂ်ဢၼ်တၢင်ႇၵျေးၸူးၸဝ်ႈသေလႄႈၵိၼ်ၸိုင်ဢမ်ႇထုၵ်ႇလီဝေႈလီၵမ်သေမဵဝ်း။

၅ လွင်ႈမၼ်းၸမ်းၵႃႈမီးတင်းသဵင်ႈတင်းမူတ်းပဵၼ်ဢၼ်မူတ်းၸၢင်ႇၵွပ်ႈပိူဝ်ႈၼုၵ်ႉၵပၢတ်ႈတြႃးၽြႃးပဵၼ်ၸဝ်ႈဢိၵ်ႇတင်းတၢင်းဢၼ်သူးတွင်းၼၼ်ႉဢေႃႈ။

တၵ်းလႆႈမီးၸူဝ်ႈတႃႇဢသၢၵ်ႈဢၼ်မူတ်းသႂ်

၆ ပေႃးမႂ်းမွၵ်ႇလၢတ်ႈၵႂၢမ်းၸိူဝ်ႉၼင်ႇၼႆတီႈပီႈၼွင်ႉတင်းလၢႆၸိုင်မႂ်းတၵ်းပဵၼ်ထမ်ႇမႃႉသြႃႇဢၼ်လီၸဝ်ႈယေႇသုၶရိၸ်ႉလႄႈလႆႈၶၢမ်ႇတၢင်းဢၼ်လဵင်ႉၸႂ်လူၺ်ႈၵႂၢမ်းတၢင်းဢၼ်ယုမ်ႇမၢတ်ႈဢိၵ်ႇတင်းၵႂၢမ်းသမ်ႇမႃႇဢေႃးဝႃႇတႃႉဢၼ်တူဝ်ၸဝ်ႈၵဝ်ႇၸပ်းၸွမ်းယူႇၼၼ်ႉဢေႃႈ။

၇ ဝေႈပႅတ်ႈၵႂၢမ်းတၼ်ႇတႃႇရီႇဢၼ်ဢမ်ႇၶဝ်ႈပႃးၼႂ်းတြႃးဢိၵ်ႇတင်းၵႂၢမ်းဢၼ်မေႈယိင်းထဝ်ႈၸၢင်ႊဢုပ်ႇၼၼ်ႉသေလႄႈၽိုၵ်းၵျၢင်ႉၼႂ်းဝၢတ်ႈၽြႃးတႃႉ။

၈ တၢင်းၽိုၵ်းၵျၢင်ႉတူဝ်ၵႃႇယႃႉၼၼ်ႉၸၢင်ႊပၼ်ဢၵျူဝ်းတူဝ်ၵႃႇယႃႉယူႇလႄႈတၢင်းဢၼ်ၽိုၵ်းၵျၢင်ႉၼႂ်းဝၢတ်ႈၽြႃးၸမ်းပၼ်ဢၵျူဝ်းၼႂ်းလွင်ႈတၢင်းၵူႈၸိူဝ်ႉၵူႈမဵဝ်းလႄႈၵမ်ဝႆႉၵတိဢၼ်ၸၢပ်ႈသႅင်ႇၵၼ်တင်းၸၢတ်ႈၼႆႉၸၢတ်ႈၼႃႈၼၼ်ႉဢေႃႈ။

၉ ၵႂၢမ်းဢၼ်ဝႃႈၸိူဝ်ႉၼင်ႇၼႆၼၼ်ႉပဵၼ်ၵႂၢမ်းသႅတ်ႈၸႃႇၵႂၢမ်းဢၼ်ထုၵ်ႇလီႁပ်ႉတုင်းဢဝ်သဵင်ႈသဵင်ႈဢေႃႈ။

၁၀ ၵွပ်ႈႁွႆးၼႆႉလႄႈႁဝ်းပွင်ႁဵတ်းဢမူႉလွင်ႈတၢင်းဢၼ်ယၢပ်ႇၽိုတ်ႇၼႃႇလူင်လၢင်ၵွပ်ႈပိူဝ်ႈဢၼ်ႁဝ်းဢိင်ပိုင်ႈၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇလႄႈပဵၼ်ၸဝ်ႈဢၼ်ၵႄႇၶျွတ်ႈဢဝ်ၵူၼ်းတင်းသဵင်ႈတင်းလူင်ဢမ်ႇၵႃးပဵၼ်ၸဝ်ႈဢၼ်ယဵင်ႈၶႅၼ်းၵႄႇၶျွတ်ႈဢဝ်ၶဝ်ၸိူဝ်းဢၼ်ယုမ်ႇမၢတ်ႈၼၼ်ႉဢေႃႈ။တၢင်းဢၼ်သေႉသွမ်းၵေႃႈႁဝ်းလႆႈၶၢမ်ႇဢေႃႈ။

သြႃႇဢုပ်ႉၸိူဝ်းၸဝ်ႈပဵၼ်ပုင်ႇသၢၵ်ႈသေႇဢၼ်လီ

၁၁ ဢဝ်လွင်ႈတၢင်းၸိူဝ်းၼႆႉဝႆႉပိင်းၺၢပ်ႈလႄႈသင်ႇသွၼ်သုင်းမႃႉပၼ်တႃႉ။ယႃႇပေႁႂ်ႈၽူႈလႂ်ႁဵတ်းဢမ်ႇပေႃးၼင်ႇႁိုဝ်တီႈလွင်ႈတၢင်းဢၼ်ဢသၢၵ်ႈမႂ်းယင်းၼုမ်ႇယင်းၵမ်ယူႇၼၼ်ႉ။

၁၂ ၼႄပျႃႉပုင်ႇသၢၵ်ႈသေႇၼႂ်းတၢင်းဢၼ်လၢတ်ႈၵႂၢမ်း၊ၼႂ်းတၢင်းဢၼ်သၢင်ႈႁဵတ်းၵမ်ၵျၢင်ႉ၊ၼႂ်းတၢင်းဢၼ်ႁၵ်ႉပိူၼ်ႈ၊ၼႂ်းတၢင်းဢၼ်ယုမ်ႇမၢတ်ႈ၊ၼႂ်းတၢင်းဢၼ်ၶၢဝ်ၸၢင်ႇၼၼ်ႉတီႈၶဝ်ၸိူဝ်းဢၼ်ယုမ်ႇမၢတ်ႈၼၼ်ႉတႃႉ။

၁၃ တေႃႇထိုင်ႁွတ်ႈၸူဝ်ႈဢၼ်ၵဝ်ဢမ်ႇပႆႇမႃးၼၼ်ႉၸိုင်ၵျူဝ်းၸႃးလႄႈႁဵတ်းတၢင်းဢၼ်ၽတ်းၵျၢမ်းလိၵ်ႈ၊တၢင်းဢၼ်တိုၵ်းယူင်းပၼ်ႁႅင်း၊တၢင်းဢၼ်သင်ႇသွၼ်သုင်းမႃႉၼၼ်ႉတႃႉ။

၁၄ ယႃႇပလေိုမ်းသူႉၵျေးၸူးဢၼ်မီးၼႂ်းမႂ်းဢၼ်ဢၢပ်ႈပၼ်တီႈမႂ်းၼႂ်းတၢင်းဢၼ်မႂ်းလႆႈၶၢမ်ႇပျႃႇတိၵ်ႈၸဝ်ႈဢိၵ်ႇတင်းတၢင်းဢၼ်သြႃႇဢုပ်ႉၸိူဝ်းၸဝ်ႈတင်းလၢႆဢဝ်မိုဝ်းတၢင်ႇၼိူဝ်မႂ်းလႄႈပၼ်မင်ႇၵလႃႇၼိူဝ်မႂ်းၼၼ်ႉ။

၁၅ မီးၸႂ်ၸပ်းၸွႆးၼႂ်းလွင်ႈတၢင်းၸိူဝ်းၼႆႉလႄႈဢဝ်ႁႅင်းၶတ်းၸႂ်ႁဵတ်းႁႂ်ႈတၢင်းဢၼ်မႂ်းတိူဝ်းတွၼ်းမႃးၼၼ်ႉလႆႈထၢင်ႇသႃးၵႃႈတီႈၵူၼ်းတင်းသဵင်ႈတင်းလူင်တႃႉ။

၁၆ ႁဵတ်းသတိတီႈတူဝ်ၸဝ်ႈၵဝ်ႇဢိၵ်ႇတင်းလွင်ႈတၢင်းဢၼ်တူဝ်ၸဝ်ႈၵဝ်ႇသင်ႇသွၼ်သုင်းမႃႉၸိူဝ်းၼၼ်ႉသေလႄႈတႄႇယူႇမၼ်ႈမၼ်ႈၶိူင်ႇၶိူင်ႇတႃႉ။ပေႃးႁဵတ်းၸိူဝ်ႉၼင်ႇၼၼ်ၸိုင်တၵ်းပဵၼ်တၢင်းၵႄႇၶျွတ်ႈဢဝ်တူဝ်ၸဝ်ႈၵဝ်ႇဢိၵ်ႇတင်းၶဝ်ၸိူဝ်းဢၼ်လႆႈထွမ်ႇလႆႈငိၼ်းၵႂၢမ်းမႂ်းၼၼ်ႉဢေႃႈ။