1 Tim 1

လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ

၁

တၢင်းသင်ႇသွၼ်ဢၼ်ဢမ်ႇၸႅတ်ႈဢမ်ႇမၢၼ်ႇ

၁ ၵဝ်၊ပေႃးလု၊ဢၼ်ပဵၼ်တမၢၼ်ႇၸဝ်ႈယေႇသုၶရိၸ်ႉမႅၼ်ႈၸွမ်းၼင်ႇပိင်းၺၢပ်ႈၽြႃးပဵၼ်ၸဝ်ႈ၊ဢိၵ်ႇတင်းၸဝ်ႈဢၼ်ၵႄႇၶျွတ်ႈဢဝ်ႁဝ်းၸဝ်ႈယေႇသုၶရိၸ်ႉ၊ဢၼ်ပဵၼ်လွင်ႈတၢင်းဢၼ်မုင်ႈထႃႈမွင်းထႃႈႁဝ်းၼၼ်ႉပၼ်ငိၼ်းၵႂႃႇတီႈတိမေႃးသေႇ၊ဢၼ်ပဵၼ်လုၵ်ႈၸၢႆးၵဝ်ၸႅတ်ႈၸႅတ်ႈၸွမ်းၼင်ႇတၢင်းယုမ်ႇမၢတ်ႈၼၼ်ႉဢေႃႈ။

၂ ႁႂ်ႈမီးသူႉၵျေးၸူးၵရူႉၼႃႇဢိၵ်ႇတင်းတၢင်းၼိမ်ဢၼ်ပဵၼ်မႃးၵႃႈတီႈၽြႃးပေႃႈၸဝ်ႈတင်းၸဝ်ႈႁဝ်းၸဝ်ႈယေႇသုၶရိၸ်ႉၼၼ်ႉသေၵမ်းလူၺ်ႈ။

၃ ၵႃႈၼင်ႇဢၼ်ၵဝ်လႆႈတွင်းပၢၼ်ႇဝႆႉတီႈမႂ်းၼႂ်းမိူဝ်ႈဢၼ်ၵဝ်ၵႂႃႇၵႃႈတီႈမိူင်းမႃႇၵေႇတေႃးၼိၼၼ်ႉႁႂ်ႈမႂ်းလႆႈၵိုတ်းသဝ်းယူႇၵႃႈၼႂ်းဝဵင်းဢေးၽႅတ်ႈလွင်ႈၼင်ႇႁိုဝ်မႂ်းတၵ်းပိင်းၺၢပ်ႈဝႆႉတီႈၵူၼ်းၵမ်ႈၽွင်ႈ၊

၄ လွင်ႈၼင်ႇႁိုဝ်ၶဝ်တၵ်းဢမ်ႇလႆႈသွၼ်ပၼ်ဢယူႇဝႃႇတႃႉဢၼ်မႂ်ႇဢၼ်ပႅၵ်ႇပိူင်ႈဢမ်ႇလႆႈႁဵတ်းပမႃႇၼႃႉထွမ်ႇဢဝ်ၵႂၢမ်းတၼ်ႇတႃႇရီႇ၊ဢိၵ်ႇတင်းၸရၢင်းၸိူဝ်ႉၶိူဝ်းသိုပ်ႇသိုပ်ႇတၢမ်ႈတၢမ်ႈဢၼ်မႄးႁဵတ်းဢမ်ႇသဵင်ႈလႆႈလႄႈပဵၼ်တၢင်းဢၼ်ႁဵတ်းႁႂ်ႈၵေႃႉၼိုင်ႈလႄႈၵေႃႉၼိုင်ႈတွပ်ႇၵၼ်ထဵင်ၵၼ်လႄႈဢမ်ႇပွင်ႁဵတ်းပွင်မႄးသႃႇသၼႃႇၽြႃးပဵၼ်ၸဝ်ႈဢၼ်တႄႇယူႇၼႂ်းတၢင်းယုမ်ႇမၢတ်ႈၼၼ်ႉ၊တေႃႈလဵဝ်ၼႆႉမႂ်းၵိုတ်းသဝ်းယူႇတီႈၼၼ်ႉတႃႉ။

၅ ဢၼ်ႁူမ်ႇလူမ်ႈပိင်းၺၢပ်ႈၸိူဝ်းၼၼ်ႉၸမ်းပဵၼ်တၢင်းႁၵ်ႉမႅတ်ႈတႃႇဢၼ်ၸၢပ်ႈသႅင်ႇၵၼ်တင်းႁူဝ်ၸႂ်ဢၼ်ၶၢဝ်ၸၢင်ႇဢိၵ်ႇတင်းၸႂ်ဢၼ်ႁူႉတူဝ်ၸဝ်ႈၵဝ်ႇဢၼ်လီဢၼ်ငၢမ်းတင်းတၢင်းဢၼ်ယုမ်ႇမၢတ်ႈဢၼ်မၢၼ်ႇဢၼ်မႅၼ်ႈၼၼ်ႉဢေႃႈ။

၆ လွင်ႈတၢင်းၸိူဝ်းၼၼ်ႉၸိုင်၊ၵူၼ်းၵမ်ႈၽွင်ႈဝေႈပႅတ်ႈသေလႄႈပိူင်ႈၵႂႃႇၸူးၵႃႈတီႈတၢင်းဢၼ်လၢတ်ႈၵႂၢမ်းဢၼ်လၢႆလၢႆဢမ်ႇပွင်ႇလွင်ႈၵႃႈသင်ၼၼ်ႉၵူၺ်းယဝ်ႉ။

၇ ၶဝ်ၼၼ်ႉယင်းဢမ်ႇႁူႉလွင်ႈပိင်းၺၢပ်ႇတြႃးလႄႈၶႂ်ႈႁဵတ်းသြႃႇဢၼ်သွၼ်ပၼ်ပိင်းၺၢပ်ႈတြႃးၼၼ်ႉလူင်ပေႇ။

၈ ၵူၺ်းၵႃႈႁဝ်းႁူႉလွင်ႈဢၼ်ပိင်းၺၢပ်ႈတြႃးၸၢင်ႊပၼ်ဢၵျူဝ်းတီႈၵေႃႉဢၼ်ဢဝ်ၸွမ်းၼၼ်ႉဢေႃႈ။ပိင်းၺၢပ်ႈတြႃးၼၼ်ႉမီးဝႆႉပုၼ်ႈၵေႃႉဢၼ်သိုဝ်ႈတေႃႇၼၼ်ႉဢမ်ႇၸႂ်ႈ။

၉ မီးဝႆႉပုၼ်ႈၵေႃႉဢၼ်ဢမ်ႇတြႃး၊ၵေႃႉဢၼ်ဢမ်ႇထွမ်ႇဢမ်ႇဢဝ်ၵေႃႉဢၼ်ဢမ်ႇၵူဝ်းၵႂၢႆႇၽြႃးၵေႃႉဢၼ်မီးဢပျႅတ်ႈၵေႃႉဢၼ်ဢမ်ႇမူတ်းၸၢင်ႇ၊ၵေႃႉဢၼ်ဢမ်ႇရူဝ်ႇသေႇၵူဝ်ယမ်ၽြႃး၊

၁၀ ၵေႃႉဢၼ်ပေႃႉယႅၼ်ႉပေႃႈမေႈ၊ၵေႃႉဢၼ်ဢဝ်ဢသၢၵ်ႈၵူၼ်းတၢႆၵေႃႉဢၼ်ႁဵတ်းမေႇထုင်ႇဢၼ်ဢမ်ႇတြႃးၵေႃႉဢၼ်ၽူႈၸၢႆးၼင်ႇၵၼ်ႁဵတ်းမေႇထုင်ႇၵၼ်၊ၵေႃႉဢၼ်လၵ်ႉဢဝ်ၵူၼ်း၊ၵေႃႉဢၼ်လၢတ်ႈၵႂၢမ်းမူႉသႃႇ၊ၵေႃႉဢၼ်ၵိၼ်ႇဝႃႈဢၼ်ဢမ်ႇၸိုဝ်ႈဢမ်ႇၸႂ်ႈဢိၵ်ႇတင်းၵေႃႉဢၼ်ၶတ်းၵၼ်တင်းဢေႃးဝႃႇတႃႉဢၼ်ၶၢဝ်ၸၢင်ႇၼၼ်ႉဢေႃႈ။

၁၁ မိူဝ်ႈဢၼ်ဝႃႈၸိူဝ်ႉၼင်ႇၼႆၸိုင်မႅၼ်ႈၸွမ်းၼင်ႇတြႃးသတၢင်းသိူဝ်းပျေႃႇမူၼ်ယႂ်ႇၽြႃးပဵၼ်ၸဝ်ႈဢၼ်မီးမင်ႇၵလႃႇဢၼ်မၼ်းၸဝ်ႈဢၢပ်ႈပၼ်တီႈၵဝ်ၼၼ်ႉဢေႃႈ။

တၢင်းဢၼ်ပေႃးလုၶၢမ်ႇသၢၵ်ႈသေႇ

၁၂ ၵဝ်ယွင်ႈယေႃးၵျေးၸူးၸဝ်ႈႁဝ်းၸဝ်ႈယေႇသုၶရိၸ်ႉဢၼ်ႁႂ်ႈၵဝ်တဵမ်ဝႆႉတင်းႁႅင်းၼၼ်ႉဢေႃႈ။လွင်ႈမၼ်းၸမ်း၊ပဵၵ်ႉသမ်ႉၵဝ်ယၢမ်ႈပဵၼ်ၵေႃႉဢၼ်သေႉသွမ်း၊ၵေႃႉဢၼ်ၼိၵ်ႈၸၢၵ်ႈငႅၼ်းသေးၵေႃႉဢၼ်ၵျၢမ်းၼႃႇၸွမ်းၵႃႈၼင်ႇဢၼ်ၵဝ်ဢမ်ႁူႉၵဝ်ဢမ်ႇယုမ်ႇၼၼ်ႉသေၵေႃႈမၼ်းၸဝ်ႈၼၼ်ႉမၢတ်ႈၵဝ်ပဵၼ်ၸိူဝ်ႉၼင်ႇၵေႃႉဢၼ်မီးသႅတ်ႈၸႃႇလႄႈၶၢၼ်းၵဝ်ဝႆႉၼႂ်းဢရႃႇထမ်ႇမႃႉသြႃႇဢေႃႈ။

၁၃ မိူဝ်ႈဢၼ်ၵဝ်ႁဵတ်းၸိူဝ်ႉၼင်ႇၼၼ်ၼၼ်ႉပိူဝ်ႈဢၼ်ၵဝ်ဢမ်ႇႁူႉဢၼ်ၸႅတ်ႈဢၼ်မၢၼ်ႇလႄႈႁဵတ်းၼၼ်ႉလႄႈၵဝ်လႆႈၶၢမ်ႇၵရူႉၼႃႇမၼ်းၸဝ်ႈယဝ်ႉ။

၁၄ ၵျေးၸူးၸဝ်ႈၽြႃးႁဝ်းၼၼ်ႉၵေႃႈတဵမ်ႈထူၼ်ႈလိူင်ႇၸႂ်လိူဝ်တွၼ်းၼႃႇလူင်လၢင်လူၺ်ႈၵၼ်တင်းတၢင်းယုမ်ႇမၢတ်ႈတၢင်းႁၵ်ႉမႅတ်ႈတႃႇဢၼ်မီးၼႂ်းၸဝ်ႈယေႇသုၶရိၸ်ႉၼၼ်ႉယဝ်ႉ။

၁၅ ၵႂၢမ်းဢၼ်ဝႃႈၸဝ်ႈယေႇသုၶရိၸ်ႉမႃးၼႂ်းလေႃးၵႃႉၼႆႉႁႂ်ႈလႆႈၵႄႇၶျွတ်ႈဢဝ်ၶဝ်ၸိူဝ်းဢၼ်မီးဢပျႅတ်ႈၼၼ်ႉဢေႃႈ၊ဝႃႈၼင်ႇၼႆၼၼ်ႉပဵၼ်ၵႂၢမ်းသႅတ်ႈၸႃႇဢေႃႈ။ၵႂၢမ်းဢၼ်ထုၵ်ႇလီႁပ်ႉတုင်းဢဝ်သဵင်ႈသဵင်ႈၵေႃႈပဵၼ်ဢေႃႈ။ၵဝ်ပဵၼ်ၵေႃႉဢၼ်မီးဢပျႅတ်ႈယႂ်ႇသေပိူၼ်ႈၼႂ်းၶဝ်ၸိူဝ်းဢၼ်မီးဢပျႅတ်ႈၼၼ်ႉဢေႃႈ။

၁၆ ၵူၺ်းၵႃႈမၼ်းၸဝ်ႈဢိတ်းလူၵဝ်လႄႈလွင်ႈၼင်ႇႁိုဝ်ၸဝ်ႈယေႇသုၶရိၸ်ႉတၵ်းလႆႈၼႄပျႃးတၢင်းဢၼ်မၼ်းၸဝ်ႈၶၼ်ႇထီႇယိူၼ်ႉၶၢမ်ႇၵႃႈမီးတင်းသဵင်ႈတင်းလူင်ၼႂ်းၵဝ်ဢၼ်မီးဢပျႅတ်ႈဢၼ်ယႂ်ႇၼႃႇသေပိူၼ်ႈၼႆႉလႄႈႁႂ်ႈၵဝ်လႆႈပဵၼ်ပုင်ႇသၢၵ်ႈသေႇပုၼ်ႈၶဝ်ၸိူဝ်းဢၼ်တၵ်းယုမ်ႇမၢတ်ႈတေႃႇထိုင်ႁွတ်ႈလႆႈထႃႇဝရႃႉဢသၢၵ်ႈၼၼ်ႉယဝ်ႉ။

၁၇ ႁႂ်ႈၶုၼ်ႁေႃၶမ်းလေႃးၵထၢတ်ႈဢၼ်ပဵၼ်ၽြႃးပဵၼ်ၸဝ်ႈသူႇလဵဝ်ဢၼ်ၵၢင်းလွတ်ႈတင်းတၢင်းဢၼ်ၽွၵ်ႈပျၢၼ်ႇလူႉလႅဝ်လႄႈပဵၼ်ဢႃႉရူႇပႃႉတၢင်းဢၼ်မၢၵ်ႇတႃဢမ်ႇႁၼ်လႆႈၼၼ်ႉမီးမူၼ်သရေႇဢိၵ်ႇတင်းမူၼ်ဢႃႇၼူႉၽေႃႇၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈသေၵမ်းလူၺ်ႈ။ဢႃႈမိၼ်ႈ။

တေလႆႈသူးတွင်း

၁၈ လုၵ်ႈၵဝ်တိမေႃးသေႇဢိူၺ်း၊ၵဝ်ဢဝ်ပိင်းၺၢပ်ႈၼႆႉဢၢပ်ႈပၼ်တီႈမႂ်းမႅၼ်ႈၼင်ႇၵႂၢမ်းပရေႃးၽႅတ်ႈဢၼ်ႁေႃးမႃးလွင်ႈမႂ်းယဝ်ႉၼၼ်ႉ၊ႁႂ်ႈမႂ်းလႆႈဢိင်ၵႂၢမ်းပရေႃးၽႅတ်ႈၼၼ်ႉသေလႄႈ၊ၸွႆးၸပ်းတၢင်းဢၼ်ယုမ်ႇမၢတ်ႈဢိၵ်ႇတင်းတၢင်းဢၼ်ႁူႉတူဝ်ၸႂ်ၸဝ်ႈၵဝ်ႇလီငၢမ်းသေယဝ်ႉ၊တိုၵ်းတေႃးလီလီငၢမ်းငၢမ်းတႃႉ။

၁၉ ၶဝ်ၵမ်ႈၽွင်ႈပႄႇပႅတ်ႈတၢင်းဢၼ်ယုမ်ႇမၢတ်ႈၶဝ်ၼၼ်ႉသေယဝ်ႉ၊ႁိူဝ်းသၢင်းၽေႃးတၢင်းဢၼ်ယုမ်ႇမၢတ်ႈၶဝ်လူႉလႅဝ်လႄႈသုမ်းယဝ်ႉ။

၂၀ ၼႂ်းၶဝ်ၼၼ်ႉပႃးႁူႉမေႇၼေႇဢိၵ်ႇတင်းဢႃႇလေႇၸၼ်ႇတြႃႇဢေႃႈ။ၶဝ်ၼၼ်ႉၵဝ်လႆႈဢဝ်ဢၢပ်ႈဝႆႉၼႂ်းမိုဝ်းၸႃႇတၢၼ်ႇမႃႇၼၢတ်ႈႁႂ်ႈၶဝ်လႆႈၶၢမ်ႇတၢင်းဢၼ်သွၼ်ဢဝ်လွင်ႈဢၼ်တၵ်းလႆႈဝေႈပႅတ်ႈၵႂၢမ်းဢၼ်သမ်ႇမုၵ်ႉသေႉသွမ်းၽြႃးၼၼ်ႉဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ