2 Tim 3

လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ

၃

ၶိင်ႇၵႃႇလႃႉဢၼ်ႁၢႆႉမိူၵ်ႈတၵ်းပဵၼ်မႃး

၁ ႁူႉလွင်ႈဢၼ်ၶိင်ႇၵႃႇလႃႉၵမ်းလိုၼ်းတၵ်းပဵၼ်ၶိင်ႇၵႃႇလႃႉဢၼ်ႁၢႆႉယုတ်ႈယၢပ်ႇၼႃႇလူင်လၢင်ၼၼ်ႉတႃႉ။

၂ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်း၊ၵူၼ်းတင်းလၢႆတၵ်းပဵၼ်ၵေႃႉဢၼ်ႁၵ်ႉပႅင်းတူဝ်ၸဝ်ႈၵဝ်ႇၵေႃႉဢၼ်ၸႂ်ၸပ်းၸႂ်ၸွႆးငိုၼ်း၊ၵေႃႉဢၼ်ဢုပ်ႇဝၢဝ်း၊ၵေႃႉဢၼ်ႁူဝ်ၸႂ်သုင်လႄႈႁဵတ်းဢမ်ႇပေႃးၼင်ႇႁိုဝ်တီႈပိူၼ်ႈ၊ၵေႃႉဢၼ်ယႃႉသရေႇပိူၼ်ႈ၊ၵေႃႉဢၼ်ဢမ်ႇထွမ်ႇဢမ်ႇဢဝ်ၵႂၢမ်းပေႃႈမေႈ၊

၃ ၵေႃႉဢၼ်ဢမ်ႇႁူႉၵျေးၸူး၊ၵေႃႉဢၼ်ဢမ်ႇမီးတၢင်းဢၼ်မူတ်းၸၢင်ႇ၊ၵေႃႉဢၼ်ဢမ်ႇမီးၸႂ်ဢၼ်ႁၵ်ႉၸူမ်းပႅင်း၊ၵေႃႉဢၼ်ႁွမ်ဝႆႉတၢင်းၽိတ်း၊ၵေႃႉဢၼ်ၸၢင်ႊၶျေႃးၸၢင်ႊဝွၼ်းပိူၼ်ႈၵိၼ်၊ၵေႃႉဢၼ်ဢမ်ႇၶျူၵ်ႈဢိင်ႇသရေႇတူဝ်ၸဝ်ႈၵဝ်ႇလႆႈၵေႃႉဢၼ်ၵျၢမ်းရိူင်း၊ၵေႃႉဢၼ်ၸင်းသူႇတေႃႇၵွင်း၊

၄ ၵေႃႉဢၼ်ၸၢင်ႊယႃႉသႅတ်ႈၸႃႇ၊ၵေႃႉဢၼ်ဢမ်ႇၶၢမ်ႇဢဝ်တၢင်းဢၼ်ပၼ်သတိ၊ၵေႃႉဢၼ်မဝ်းလဝ်ႈလူၺ်ႈမႃႇၼႃႉၸႂ်သုင်၊ၵေႃႉဢၼ်ယဵင်ႈၶႅၼ်းၵျိူၵ်ႈတၢင်းဢၼ်ၸၢမ်ႇၸႃးၵႃႇမၵုင်ႇၼႃႇသေၽြႃးပဵၼ်ၸဝ်ႈ၊

၅ ၵေႃႉဢၼ်ႁဵတ်းၸိူဝ်ႉၼင်ႇႁၢင်ႊမူၼ်ႈပျေႃႇၼႂ်းဝၢတ်ႈၽြႃးသေလႄႈထဵင်ပႅတ်ႈတၼ်းၶူဝ်းတၢင်းဢၼ်မူၼ်ႈပျေႃႇၼၼ်ႉဢေႃႈ။ဝေႈပႅတ်ႈၵူၼ်းၸိူဝ်ႉၼင်ႇၼၼ်ၼၼ်ႉတႃႉ။

၆ ၵေႃႉဢၼ်ၶဝ်ႈပႃးၼႂ်းၶဝ်ၼၼ်ႉပဵၼ်ၶဝ်ၸိူဝ်းဢၼ်ၶဝ်ႈၵႃႈၼႂ်းႁိူၼ်းလႄႈသုင်းၸႂ်ႉၽူႈယိင်းမိူၵ်ႈဢၼ်ႁၢပ်ႇၶူဝ်းတူႉၸရိူၵ်ႈဢပျႅတ်ႈလႄႈၸွမ်းတၢင်းဢၼ်ၵီႉလေႇသႃႇၸူဝ်းဢဝ်

၇ ၵူႈၸိူဝ်ႉၵူႈပိူင်၊ပဵၼ်ၶဝူ်ၸိဝ်းဢၼ်သွၼ်ဢဝ်ယူႇသေၵေႃႈဢမ်ႇယၢမ်ႈႁွတ်ႈထိုင်တၢင်းဢၼ်ႁူႉၸႅင်ႈသမ်ႇမႃႇတြႃးလႆႈၼၼ်ႉဢေႃႈ။

၈ ၶဝ်ၼၼ်ႉႁႄႉၶႅၼ်သမ်ႇမႃႇတြႃးယူႇမိူၼ်ၸိူဝ်ႉၼင်ႇယၢၼ်ႇၼေႇဢိၵ်ႇတင်းယၢမ်ႇပေႇဢၼ်ႁႄႉၶႅၼ်မုဝ်းသေႇၼၼ်ႉဢေႃႈ။

၉ ပဵၼ်ၵေႃႉဢၼ်မီးႁူဝ်ၸႂ်ဢၼ်တူႇၼဝ်ႈလႄႈတၢင်းယုမ်ႇမၢတ်ႈဢၼ်ႁဵတ်းယိူင်ၼၼ်ႉဢေႃႈ။ၵူၺ်းၵႃႈၶဝ်တၵ်းဢမ်ႇပူၼ်ႉၵႂႃႇပႅၼ်ၵႂႃႇလႆႈ။တၢင်းဢၼ်မိူၵ်ႈၶဝ်ၼၼ်ႉတၵ်းလႆႈထၢင်ႇသႃးမႃးၵႃႈတီႈၽၢႆႇၼႃႈၵူၼ်းတင်းသဵင်ႈတင်းလူင်မိူၼ်ၸိူဝ်ႉၼင်ႇတၢင်းမိူၵ်ႈသွင်ၵေႃႉထၢင်ႇသႃးၼၼ်ႉဢေႃႈ။

တၢင်းဢၼ်ႁႄႉၶႅၼ်တၢင်းယုမ်ႇမၢတ်ႈ

၁၀ မႂ်းလႆႈႁူႉလႆႈႁၼ်တၢင်းဢၼ်ၵဝ်ပၼ်သုင်းမႃႉဢေႃးဝႃႇတႃႉ၊တၢင်းဢၼ်ၵဝ်ၵမ်ၵျၢင်ႉ၊တၢင်းဢၼ်ၵဝ်ပႂ်ႉသႅတ်ႈၸႃႇ၊တၢင်းဢၼ်ၵဝ်ၸႂ်ယႂ်ႇၸႂ်ယၢဝ်း၊တၢင်းဢၼ်ၵဝ်ႁၵ်ႉပႅင်း၊တၢင်းဢၼ်ၵဝ်ယိူၼ်ႉၶၢမ်ႇ၊

၁၁ တၢင်းဢၼ်ၵဝ်လႆႈၶၢမ်ႇၼိၵ်ႈၸၢၵ်ႈငႅၼ်းသေးတုၵ်ႉၶႃႉတၢင်းၽၢၼ်တင်းလၢႆတၢင်းဢၼ်ၵဝ်လႆႈၶၢမ်ႇၼိၵ်ႈၸၢၵ်ႈငႅၼ်းသေးၵႃႈၼႂ်းဝဵင်းဢၢၼ်ႇတိဢုၵ်ႉဝဵင်းဢိၵေႃႇၼိဝဵင်းလုတ်ႉတရၸိူဝ်းၼၼ်ႉယဝ်ႉ။ပဵၵ်ႉသမ်ႉၵဝ်လႆႈထူပ်းလွင်ႈတၢင်းၸိူဝ်ႉၼင်ႇၼၼ်သေၵေႃႈ၊ၸဝ်ႈၽြႃးၼုၵ်ႈဢဝ်ၵဝ်ဢွၵ်ႇသေၵႃႈၼႂ်းဢၼ်ၵဝ်ထူပ်းၼၼ်ႉယဝ်ႉ။

၁၂ ၶဝ်ၸိူဝ်းဢၼ်မီးဢလူဝ်ႇၶႂ်ႈမူၼ်ႈပျေႃႇၼႂ်းဝၢတ်ႈၽြႃးၸွမ်းၼင်ႇတြႃးၸဝ်ႈယေႇသုၶရိၸ်ႉၵႃႈမီးတင်းသဵင်ႈတင်းလူင်ၼၼ်ႉတၵ်းလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးဢေႃႈ။

၁၃ ၶဝ်ၸိူဝ်းဢၼ်ႁၢႆႉမိူၵ်ႈဢိၵ်ႇတင်းၶဝ်ၸိူဝ်းဢၼ်ပႅတ်ႉလႅၼ်ၼၼ်ႉ၊တၵ်းပႅတ်ႉလႅၼ်တီႈပိူၼ်ႈတၢင်ႇၵေႃႉဢိၵ်ႇတင်းတီႈတူဝ်ၸဝ်ႈၵဝ်ႇသေလႄႈယႂ်ႇမႃးၼႂ်းတၢင်းဢၼ်ၵူဝ်ႈၵိူၵ်ႇၼၼ်ႉယူႇဢေႃႈ။

၁၄ ႁူႉမၢတ်ႈလွင်ႈဢၼ်ၸဵမ်မိူဝ်ႈမႂ်းယင်းလဵၵ်ႉၼၼ်ႉမႂ်းလႆႈၶၢမ်ႇဢဝ်ၼႄးတီႈၽူႈလႂ်ၸႃႉၸဵမ်မိူဝ်ႈဢၼ်မႂ်းႁူႉၸႅင်ႈထမ်ႇမႃႉၵျၢမ်းလိၵ်ႈ

၁၅ ဢၼ်ၸၢင်ႊပၼ်ပိင်ႇၺႃႇပုၼ်ႈတၢင်းဢၼ်ၵႄႇၶျွတ်ႈဢဝ်ၵွပ်ႈပိူဝ်ႈတၢင်းယုမ်ႇမၢတ်ႈၼႂ်းၸဝ်ႈယေႇသုၶရိၸ်ႉၼၼ်ႉသေယဝ်ႉတႄႇယူႇၼႂ်းဢယူႇဝႃႇတႃႉဢၼ်မႂ်းသွၼ်ဢဝ်ၼၼ်ႉသႂၢင်းသႂ်ႇဝႆႉၼႂ်းႁူဝ်ၸႂ်မႂ်းတႃႉ။

၁၆ ၵျၢမ်းလိၵ်ႈၵႃႈမီးၸိူဝ်းၼၼ်ႉပဵၼ်ၽြႃးပဵၼ်ၸဝ်ႈပဝ်ႇသႂၢင်းသႂ်ႇဝႆႉလႄႈၸၢင်ႊႁဵတ်းၵျေးၸူးတၢင်းဢၼ်ပၼ်သုင်းမႃႉဢေႃးဝႃႇတႃႉ၊တၢင်းဢၼ်ၽုၺ်ႇဢွၵ်ႇၼႄပျႃႉဢပျႅတ်ႈ၊တၢင်းဢၼ်မႄးႁဵတ်းဢၼ်သိုဝ်ႈတေႃႇ၊

၁၇ တၢင်းဢၼ်သင်ႇသွၼ်ၸွမ်းၼင်ႇတြႃးႁႂ်ႈၵူၼ်းၽြႃးပဵၼ်ၸဝ်ႈလႆႈပဵၼ်ၵေႃႉဢၼ်ၸေးၸုမ်ႇ၊ၵေႃႉဢၼ်မႄးႁႅၼ်းဝႆႉပုၼ်ႈဢၼ်တၵ်းပွင်ႁဵတ်းလွင်ႈတၢင်းဢၼ်လီဢၼ်ငၢမ်းၵူႈၸိူဝ်ႉၵူႈပိူင်ၼၼ်ႉဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ