Shan Missions

လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ

Chapter       ၁          ၂          ၃         ၄          ၅          ၆           ၇          ၈          ၉           ၁၀          ၁၁          ၁ ၂          ၁၃           ၁၄          ၁၅          ၁၆     

၄

ၸႂ်သၽေႃးဢူၼ်ႈဢွၼ်ႇၶျႃးတႅမ်ႇတမၢၼ်ႇၸဝ်ႈ

၁ ႁႂ်ႈပိူၼ်ႈတၢင်ႇၵေႃႉမၢတ်ႈႁဝ်းပဵၼ်ၵူၼ်းၸႂ်ႉၵူၼ်းသွႆၸဝ်ႈၶရိၸ်ႉၽၼ်ႇတႃႇၸူဝ်းဢၼ်ပႂ်ႉတၢင်းဢၼ်လိုၵ်ႉဢၼ်လမ်ႇၽြႃးပဵၼ်ၸဝ်ႈၼၼ်ႉသေၵမ်း။

၂ ၽၼ်ႇတႃႇၸူဝ်းဢၼ်ဝႃႈၼၼ်ႉတၵ်းလႆႈမီးသႅတ်ႈၸႃႇဢေႃႈ။

၃ ပဵၵ်ႉသမ်ႉသူဢိၵ်ႇတင်းပိူၼ်ႈတၢင်ႇၵေႃႉၸီႇယၢင်ႇၵဝ်သေၵေႃႈပဵၼ်ဢၼ်လဵၵ်ႉဢၼ်ဢွၼ်ႇပုၼ်ႈၵဝ်ၵူၺ်းဢေႃႈ။

၄ ၵဝ်ယင်းဢမ်ႇၸီႇယၢင်ႇတူဝ်ၸဝ်ႈၵဝ်ႇ။ၸႂ်တူဝ်ၸဝ်ႈၵဝ်ႇဢမ်ႇတၢင်ႇဢပျႅတ်ႈတီႈတူဝ်ၸဝ်ႈၵဝ်ႇ။ၼႂ်းဝႃႈၼၼ်သေၵေႃႈဢမ်ႇဝႃႈၵဝ်ၵၢင်းလွတ်ႈတင်းဢပျႅတ်ႈ။

၅ ၵေႃႉဢၼ်ၸီႇယၢင်ႇၵဝ်ၸမ်းပဵၼ်ထႃႇဝရႃႉၽြႃးဢေႃႈ။ၵွပ်ႈၼႆလႄႈၸူဝ်ႈဢၼ်ၸဝ်ႈၽြႃးဢမ်ႇပႆႇပေႃႇမႃးၼၼ်ႉၸိုင်ယႃႇပေၸီႇယၢင်ႇၵႃႈသင်။မၼ်းၸဝ်ႈတၵ်းႁႂ်ႈလွင်ႈတၢင်းဢၼ်သိူင်ႇဝႆႉမႅပ်းဝႆႉၵႃႈၼႂ်းဢၼ်လပ်းသိင်ႇၸိူဝ်းၼၼ်ႉပိုတ်ႇလႅင်းလႄႈတၢင်းၵျၢမ်ႇတၢင်းပွင်ႁူဝ်ၸႂ်တင်းလၢႆတၵ်းထၢင်ႇသႃးမႃးဢေႃႈ။

၆ မိူဝ်ႈၼၼ်ႉၵူႈၵေႃႉၵူႈၵူၼ်းႁင်းၽႂ်ႁင်းမၼ်းတၵ်းလႆႈၶၢမ်ႇတၢင်းဢၼ်ၽြႃးပဵၼ်ႈၸဝ်ႈယုၵ်ႉယွင်ႈဢေႃႈ။

ပီႈၼွင်ႉၶဝ်ဢိူၺ်း၊ထွၵ်ႈလူၺ်ႈဢၵျူဝ်းသူသေလႄႈၵဝ်တင်းဢႃႇပေႃးလုႁဵတ်းႁႂ်ႈပဵၼ်ပုင်ႇသၢၵ်ႈသေႇတီႈသူၼင်ႇႁိုဝ်သူတၵ်းထွၵ်ႈလူၺ်ႈႁဝ်းသေလႄႈႁူႉလွင်ႈဢၼ်ဝႃႈသူဢမ်ႇလႆႈပူၼ်ႉလႆႈလိူဝ်ၵျၢမ်းလိၵ်ႈဢမ်ႇလႆႈမီးႁူဝ်ၸႂ်မႃႇၼႃႉပႅၼ်သုင်၊ဢမ်ႇလႆႈဢိင်ၵေႃႉၼိုင်ႈသေယဝ်ႉသမ်ႉထဵင်ပႅတ်ႈၵေႃႉၼိုင်ႈၼၼ်ႉဢေႃႈ။

၇ လွင်ႈမၼ်းၸမ်းၽူႈလႂ်ႁဵတ်းႁႂ်ႈသူပႅၵ်ႇပိူင်ႈၵၼ်။ပေႃးသူယင်းဢမ်ႇၶၢမ်ႇဢမ်ႇဢဝ်ၸိုင်သူတၵ်းမီးဢီသင်။ပေႃးသူမီးၵွပ်ႈပိူဝ်ႈလႆႈၶၢမ်ႇဢဝ်ၸိုင်၊ႁဵတ်းသင်လႄႈသူႁဵတ်းၼင်ႇႁၢင်ႊဢမ်ႇလႆႈၶၢမ်ႇလႆႈဢဝ်သေလႄႈမီးတၢင်းဢၼ်ဢုပ်ႇဝၢဝ်းယူႇ။

တၢင်းဢၼ်ၸႅတ်ႈတူၺ်းတမၢၼ်ႇၸဝ်ႈ

၈ ယင်းဢမ်ႇပႃးႁဝ်းလႄႈတေႃႈလဵဝ်ၼႆႉသူဢိမ်ႇတဵမ်ဝႆႉယဝ်ႉ။ၸၢင်ႊမီးငိုၼ်းယဝ်ႉ။ၸၢမ်ႇၸႃးယူႇၸိူဝ်ႉၼင်ႇၶုၼ်ႁေႃၶမ်းယဝ်ႉ။ၼင်ႇႁိုဝ်ႁဝ်းတၵ်းမီးဢၶႂၢင်ႉဢၼ်လႆႈၸၢမ်ႇၸႃးလူၺ်ႈၵၼ်တင်းသူၸိုင်ႁဝ်းမီးဢလူဝ်ႇၶႂ်ႈႁႂ်ႈသူၸၢမ်ႇၸႃးဢမၢၼ်ႇၶၼ်ပဵၼ်ဢေႃႈ။

၉ လွင်ႈမၼ်းၸမ်းၵဝ်ထၢင်ႇၽြႃးပဵၼ်ၸဝ်ႈဢဝ်ႁဝ်းၸိူဝ်းဢၼ်ပဵၼ်တမၢၼ်ႇၸဝ်ႈၸိူဝ်းၼႆႉဢွၵ်ႇၼႄမိူၼ်ၸိူဝ်ႉၼင်ႇၵူၼ်းဢၼ်ၶၢၼ်းဝႆႉပုၼ်ႈဢၼ်တၵ်းလႆႈၶၢမ်ႇတၢႆလိုၼ်းပိူၼ်ႈၼၼ်ႉဢေႃႈ။ႁဝ်းပဵၼ်ၵေႃႉဢၼ်လႆႈၶၢမ်ႇတၢင်းဢၼ်ၼႄပျႃႉၼႂ်းပွႆးပုၼ်ႈဢၼ်ပိူၼ်ႈတၵ်းတူၺ်းၵႃႈတီႈၽၢႆႇၼႃႈၵူၼ်းလေႃးၵီႇဢိၵ်ႇတင်းၽၢႆႇၼႃႈတမၢၼ်ႇၵၢင်ႁၢဝ်တင်းလၢႆၼၼ်ႉဢေႃႈ။

၁၀ ႁဝ်းပဵၼ်ၵူၼ်းငိူဝ်ႈပူၼ်ႈၸဝ်ႈၶရိၸ်ႉဢေႃႈ။သူၸမ်းပဵၼ်ၵေႃႉဢၼ်မီးပိင်ႇၺႃႇၼႂ်းၸဝ်ႈၶရိၸ်ႉဢေႃႈ။ႁဝ်းပဵၼ်ၵေႃႉဢၼ်ႁႅင်းလဵၵ်ႉႁႅင်းၵေႇဢေႃႈ။သူၸမ်းပဵၼ်ၵေႃႉဢၼ်ႁႅင်းယႂ်ႇႁႅင်းၼမ်ဢေႃႈ။သူပဵၼ်ၵေႃႉဢၼ်မီးသရေႇဢေႃႈ။ႁဝ်းၸမ်းပဵၼ်ၵေႃႉဢၼ်လႆႈၶၢမ်ႇတၢင်းဢၼ်ဢူၵ်းဢၢႆဢေႃႈ။တေႃႇထိုင်ႁွတ်ႈမိူဝ်ႈလဵဝ်ၼႆႉႁဝ်းလႆႈဢိုပ်းယၢၵ်ႈတၢင်းၵိၼ်တၢင်းၶူပ်းယူႇဢေႃႈ။လႆႈတွင်ႉမႆႈယူႇဢေႃႈ။

၁၁ လႆႈမီးတၢင်းဢၼ်ဢမ်ႇမီးၶူဝ်းမီးလဵင်းယူႇဢေႃႈ။လႆႈၶၢမ်ႇတၢင်းဢၼ်ပိူၼ်ႈၼိၵ်ႈၸၢၵ်ႈငႅၼ်းသေးယႅၼ်ႉထုပ်ႉယူႇဢေႃႈ။

၁၂ ပဵၼ်ၵေႃႉဢၼ်ဢမ်ႇထူပ်းဢမ်ႇႁၼ်တီႈယူႇတီႈသဝ်းဢေႃႈ။ပဵၼ်ၵေႃႉဢၼ်လႆႈဢဝ်မိုဝ်းတူဝ်ၸဝ်ႈၵဝ်ႇႁဵတ်းဢၼ်ယၢပ်ႇဢၼ်ၽိုတ်ႇယူႇဢေႃႈ။မိူဝ်ႈဢၼ်လႆႈၶၢမ်ႇတၢင်းဢၼ်သေႉသွမ်းၸိုင်ႁဵတ်းမႅတ်ႈတႃႇဢေႃႈ။မိူဝ်ႈဢၼ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးၸိုင်ယိူၼ်ႉၶၢမ်ႇဢေႃႈ။

၁၃ မိူဝ်ႈဢၼ်လႆႈၶၢမ်ႇတၢင်းဢၼ်ယႃႉသရေႇၸိုင်တွင်းပၢၼ်ႇဢေႃႈ။ႁဝ်းလႆႈပဵၼ်ၸိူဝ်ႉၼင်ႇဢၼ်ၵူဝ်ႈၵိူၵ်ႇၵႃႈၼႂ်းလေႃးၵႃႉၼႆႉလႄႈလႆႈၶၢမ်ႇၸိူဝ်ႉၼင်ႇမုၼ်ႈဢၼ်ဢဝ်ယူးပတ်းဢွၵ်ႇၵူႈတီႈၵူႈလႅၼ်ၼၼ်ႉတေႃႇထိုင်ႁွတ်ႈမိူဝ်ႈလဵဝ်ၼႆႉဢေႃႈ။

၁၄ ၵဝ်တႅမ်ႈၸိူဝ်ႉၼင်ႇၼႆႁႂ်ႈသူဢူၵ်းဢၢႆဢမ်ႇၸႂ်ႈ။ၵဝ်မၢတ်ႈသူပဵၼ်ၸိူဝ်ႉၼင်ႇလုၵ်ႈႁၵ်ႉၵဝ်လႄႈၵဝ်ပၼ်သတိဢေႃႈ။

၁၅ ပဵၵ်ႉသမ်ႉသူမီးသြႃႇမုၼ်ႇၼိုင်ႈဢၼ်သွၼ်ပၼ်သူလွင်ႈၸဝ်ႈၶရိၸ်ႉသေၵေႃႈ၊သူဢမ်ႇမီးပေႃႈၼမ်ၼႃႇထၼ်ႇၼၼ်ႉ။ၵွပ်ႈပိူဝ်ႈတြႃးသတၢင်းသိူဝ်းပျေႃႇလႄႈၵဝ်ႁႂ်ႈသူၵိူတ်ႇလဵင်ႉပဵၼ်မႃးၼႂ်းၸဝ်ႈၶရိၸ်ႉယဝ်ႉ။

၁၆ ပိူဝ်ႈၼႆလႄႈလွင်ႈၼင်ႇႁိုဝ်သူတၵ်းၵမ်ၵျၢင်ႉၸိူဝ်ႉၼင်ႇဢၼ်ၵဝ်ၵမ်ၵျၢင်ႉၼၼ်ႉၸိုင်ၵဝ်တိုၵ်းယူင်းတွင်းပၢၼ်ႇသူဢေႃႈ။ၵွပ်ႈပိူဝ်ႈၼႆလႄႈၵဝ်ပွႆႇၸႂ်ႉတိမေႃးသေႇ၊လုၵ်ႈႁၵ်ႉၵဝ်ဢၼ်မီးသႅတ်ႈၸႃႇၼႂ်းၸဝ်ႈၽြႃးၼၼ်ႉၵႂႃႇတီႈသူဢေႃႈ။

၁ရမၼ်းတၵ်းႁႂ်ႈသူၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းၵမ်တၢင်းၵျၢင်ႉဢၼ်ၵဝ်ၵမ်ၵျၢင်ႉၵႃႈၼႂ်းၸဝ်ႈၶရိၸ်ႉၸွမ်းၵႃႈၼင်ႇဢၼ်ၵဝ်သင်ႇသွၼ်ၵူႈတီႈၵူႈလႅၼ်ၼႂ်းၸိူဝ်းၸဝ်ႈၵႃႈမီးတင်းသဵင်ႈတင်းလူင်ၼၼ်ႉဢေႃႈ။

၁၈ ၵွပ်ႈပိူဝ်ႈၵမ်ႈၽွင်ႈထၢင်ႇၵဝ်တၵ်းဢမ်ႇမႃးတီႈသူယဝ်ႉလႄႈၶဝ်မီးမႃႇၼႃႉတၢင်းဢၼ်ၸႂ်သုင်ယူႇဢေႃႈ။ၵူၺ်းၵႃႈပေႃးၸဝ်ႈၽြႃးမီးဢလူဝ်ႇၸိုင်ၵဝ်တၵ်း

ၸဵဝ်းမႃးဢေႃႈ။

၁၉ ၶိင်ႇဢၼ်ၵဝ်မႃးၼၼ်ႉၸိုင်ၵဝ်တၵ်းႁႂ်ႈလႆႈႁူႉၸႅင်ႈၵႂၢမ်းၶဝ်ၸိူဝ်းဢၼ်မႃႇၼႃႉသုင်ၼၼ်ႉၵူၺ်းဢမ်ႇၵႃးႁႂ်ႈလႆႈႁူႉၶဝ်မီးတၼ်းၶူဝ်းဢီသင်ၼၼ်ႉဢေႃႈ။

၂၀ လွင်ႈမၼ်းၸမ်း၊မိူင်းၽြႃးပဵၼ်ၸဝ်ႈတႄႇပဵၼ်ၼႂ်းၵႂၢမ်းဢမ်ႇၸႂ်ႈ။

၂၁ တႄႇပဵၼ်ၼႂ်းတၼ်းၶူဝ်းဢေႃႈ။သူမီးဢလူဝ်ႇၸိူဝ်ႉၼင်ႇႁိုဝ်။ၵဝ်တၵ်းလႆႈဢဝ်တင်းၶွၼ်ႉႁဵဝ်းမႃးၵႃႈတီႈသူႁိုဝ်။ဢမ်ႇၼၼ်တၵ်းလႆႈဢဝ်တင်းမႅတ်ႈတႃႇဢိၵ်ႇတင်းၸႂ်ဢၼ်ၶျႃးတႅမ်ႇၼၼ်ႉမႃးႁိုဝ်။