Shan Missions

လိၵ်ႈဢေႃးဝႃႇတႃႉတိတု

Chapter          ၁           ၂            ၃         

၁

၁ ၵဝ်၊ပေႃးလု၊ဢၼ်ပဵၼ်ၵူၼ်းၸႂ်ႉၽြႃးပဵၼ်ၸဝ်ႈ၊ဢၼ်ပဵၼ်တမၢၼ်ႇၸဝ်ႈယေႇသုၶရိၸ်ႉ၊ဢၼ်ပဵၼ်ပုၼ်ႈတၢင်းယုမ်ႇမၢတ်ႈၶဝ်ၸိူဝ်းဢၼ်ၽြႃးပဵၼ်ၸဝ်ႈလိူၵ်ႈၵဵပ်းဝႆႉၼႂ်းတၢင်းဢၼ်ႁပ်ႉတုင်းဢဝ်သမ်ႇမႃႇတြႃးဢၼ်ၸၢပ်ႈသႅင်ႇၵၼ်တင်းတၢင်းဢၼ်မူၼ်ႈပျေႃႇ

၂ ၼႂ်းဝၢတ်ႈၽြႃးလႄႈမုင်ႈထႃႈမွင်းထႃႈထႃႇဝရႃႉဢသၢၵ်ႈဢၼ်ၽြႃးပဵၼ်ၸဝ်ႈဢၼ်ၵၢင်းလွတ်ႈတင်းမူႉသႃႇၼၼ်ႉဝႆႉၵတိဝႆႉၸူဝ်ႈဢၼ်ဢမ်ႇပႆႇႁွတ်ႈပႆႇထိုင်ၵၢပ်ႈၵႃႇလႃႉမိူဝ်ႈဢွၼ်ၼႆႉၼၼ်ႉ၊

၃ ၼႂ်းၶိင်ႇမိူဝ်ႈဢၼ်သၢင်ႇထုၵ်ႇၼႆႉၸင်ႇလႆႈဢဝ်တင်းဢၶႂၢင်ႉတၢင်းဢၼ်ႁေႃးလၢတ်ႈတြႃးၸဝ်ႈၵႄႇၶျွတ်ႈဢၼ်မၼ်းၸဝ်ႈဢၢပ်ႈဝႆႉတီႈၵဝ်ၸွမ်းၼင်ႇပိင်းၺၢပ်ႈၽြႃးပဵၼ်ၸဝ်ႈၼင်ႇႁိုဝ်တၵ်းႁႂ်ႈၼုၵ်ႉၵပၢတ်ႈတြႃးၸဝ်ႈထၢင်ႇသႃးၼၼ်ႉၸင်ႇလႆႈပၼ်ငိၼ်းၵႂႃႇတီႈတိတု၊ဢၼ်ပဵၼ်လုၵ်ႈၸၢႆးၵဝ်ၸႅတ်ႈၸႅတ်ႈၼႂ်းတၢင်းယုမ်ႇမၢတ်ႈၼၼ်ႉဢေႃႈ။ 

၄ ႁႂ်ႈၵျေးၸူးဢိၵ်ႇတင်းၵရူႉၼႃႇတင်းတၢင်းၼိမ်ဢၼ်ပဵၼ်မႃးၵႃႈတီႈၽြႃးပေႃႈၸဝ်ႈတင်းၸဝ်ႈယေႇသုၶရိၸ်ႉဢၼ်ၵႄႇၶျွတ်ႈဢဝ်ႁဝ်းၼၼ်ႉမီးၵႃႈၼိူဝ်မႂ်းသေၵမ်းလူၺ်ႈ။ 

တၢင်းဢၼ်ႁဵတ်းသြႃႇဢုပ်ႉၸိူဝ်းၸဝ်ႈ

၅ ၵဝ်ႁႂ်ႈမႂ်းၵိုတ်းဝႆႉၵႃႈၼႂ်းၵူၼ်းၵရေႇတေႇႁႂ်ႈမႂ်းလႆႈမႄးႁဵတ်းၵႃႈဢၼ်ဢမ်ႇၸေးဢမ်ႇၸုမ်ႇၵႃႈၼႂ်းၵူၼ်းၸိူဝ်းၼၼ်ႉလႄႈၶၢၼ်းဝႆႉၶဝ်ၸိူဝ်းဢၼ်ဢုပ်ႉၸိူဝ်းၸဝ်ႈၵႃႈၼႂ်းၵူႈဝၢၼ်ႈၵူႈဝဵင်းၵႃႈၼင်ႇဢၼ်ၵဝ်သင်ႇလၢတ်ႈဝႆႉတီႈမႂ်းၼၼ်ႉဢေႃႈ။ 

၆ ပေႃးပဵၼ်ၵေႃႉဢၼ်ၵၢင်းလွတ်ႈတင်းတီႈဢၼ်တၢင်ႇဢပျႅတ်ႈ၊ၵေႃႉဢၼ်မီးမေးၵေႃႉလဵဝ်၊ၵေႃႉဢၼ်မီးလုၵ်ႈလၢင်းဢၼ်ယုမ်ႇမၢတ်ႈလႄႈပဵၼ်ၵေႃႉဢၼ်ၵၢင်းလွတ်ႈတင်းတီႈဢၼ်ပိူၼ်ႈတၢင်ႇဢပျႅတ်ႈၼႂ်းၵႃႇမၵုင်ႇၼၼ်ႉၸိုင်ၶၢၼ်းမၼ်းဝႆႉႁႂ်ႈလႆႈပဵၼ်ၵူၼ်းဢုပ်ႉၸိူဝ်းၸဝ်ႈတႃႉ။ 

၇ လွင်ႈမၼ်းၸမ်းသြႃႇဢုပ်ႉၸိူဝ်းၸဝ်ႈၸိုင်တၵ်းလႆႈပဵၼ်ၵေႃႉဢၼ်ၵၢင်းလွတ်ႈတင်းတီႈဢၼ်တၢင်ႇဢပျႅတ်ႈၸိူဝ်ႉၼင်ႇၽၼ်ႇတႃႇၸူဝ်းၽြႃးပဵၼ်ၸဝ်ႈၼၼ်ႉဢေႃႈ။ ဢမ်ႇလႆႈပဵၼ်ၵေႃႉဢၼ်ၸၢင်ႊၸွမ်းၼင်ႇဢလူဝ်ႇတူဝ်ၸဝ်ႈၵဝ်ႇၵေႃႉဢၼ်ၸႂ်ပွတ်းၸႂ်လွတ်းၵေႃႉဢၼ်မဝ်းလဝ်ႈၵေႃႉဢၼ်ၸၢင်ႊပေႃႉၸၢင်ႊယႅၼ်ႉပိူၼ်ႈၵေႃႉဢၼ်ၸႂ်ၸပ်းၸႂ်ၸွႆးၸီးပွႃးဢၼ်ဢမ်ႇမူတ်းသႂ်ၼၼ်ႉလႄႈ

၈ တၵ်းလႆႈပဵၼ်ၵေႃႉဢၼ်ၸၢင်ႊႁဵတ်းဝၢတ်ႈၶႅၵ်ႇၵေႃႉဢၼ်ၸၢင်ႊႁဵတ်းၵေႃႉႁဵတ်းသေႈလူၺ်ႈၵၼ်တင်းသူႇတေႃႇၵွင်းၵေႃႉဢၼ်ပႂ်ႉဢိင်ႇသရေႇၵေႃႉဢၼ်သိုဝ်ႈတေႃႇၵေႃႉဢၼ်ၸၢင်ႊၶျုၵ်ႈၵႃႇမၵုင်ႇၼၼ်ႉဢေႃႈ။ 

၉ တၵ်းလႆႈပဵၼ်ၵေႃႉဢၼ်ၸပ်းၸွႆးၵႂၢမ်းသႅတ်ႈၸႃႇၸဝ်ႈၸွမ်းၵႃႈၼင်ႇဢၼ်မၼ်းလႆႈသွၼ်ဢဝ်ယဝ်ႉၼၼ်ႉသေႇသေႇလႄႈႁႂ်ႈလႆႈဢဝ်တင်းဢေႃးဝႃႇတႃႉဢၼ်ၶၢဝ်ၸၢင်ႇၼၼ်ႉၵႄႈလိတ်ႈၵႂၢမ်းၶဝ်ၸိူဝ်းဢၼတွပ်ႇထဵင်ၼၼ်ႉလႄႈသင်ႇသွၼ်သုင်းမႃႉၶဝ်ဢေႃႈ။ 

သြႃႇဢၼ်ဢမ်ႇၸႅတ်ႈဢမ်ႇမၢၼ်ႇ

၁၀ လွင်ႈမၼ်းၸမ်းၶဝ်ၸိူဝ်းဢၼ်ယင်းဢမ်ႇထွမ်ႇဢမ်ႇဢဝ်လႄႈၸၢင်ႊလၢတ်ႈၵႂၢမ်းဢၼ်လၢႆလၢႆဢၼ်ဢမ်ႇပွင်ႇလွင်ႈၵႃႈသင်ဢၼ်ပႅတ်ႉလႅၼ်ၼၼ်ႉမီးၼမ်ၼႃႇဢေႃႈ။ 

၁၁ ၼႂ်းၶဝ်ၸိူဝ်းဢၼ်ၶၢမ်ႇတၢင်းဢၼ်ထိူဝ်ႁိမ်းၼၼ်ႉၵေႃႈယဵင်ႈၶႅၼ်းမီးၼမ်လႄႈတၵ်းလႆႈဢိုတ်းသူပ်းၶဝ်ၼၼ်ႉဢေႃႈ။ ၶဝ်ၼၼ်ႉၸၢင်ႊပၼ်ဢေႃးဝႃႇတႃႉဢၼ်ဢမ်ႇထုၵ်ႇလီပၼ်ဢၼ်ႁႂ်ႈၸႂ်ၸပ်းၸႂ်ၸွႆးၸီးပွႃးဢၼ်ဢမ်ႇမူတ်းသႂ်ၼၼ်ႉလႄႈႁဵတ်းႁႂ်ႈတင်းႁိူၼ်းတင်းယေးၶႂၢမ်ႈပိၼ်ႈပႅတ်ႈဢေႃႈ။ 

၁၂ သြႃႇပရေႃးႁိၵ်ႈဢၼ်ပဵၼ်ၸိူဝ်ႉၶိူဝ်းလဵဝ်ၵၼ်တင်းၶဝ်လႄႈၶဝ်ႈပႃးၼႂ်းၶဝ်ၼၼ်ႉၵေႃႉၼိုင်ႈလၢတ်ႈဝႃႈ၊-ၵူၼ်းၵရေႇတေႇတင်းလၢႆၸၢင်ႊပဵၼ်ၵေႃႉဢၼ်သုင်းမူႉသႃႇ၊တူဝ်ထိူၼ်ႇႁၢႆႉၵေႃႉဢၼ်ၶၢၼ်ႉဢိူၼ်လႄႈၵိၼ်ပူၼ်ႉၵိၼ်လိူဝ်ယူႇတႃႇသေႇ၊ဝႃႈၼင်ႇၼႆဢေႃႈ။ သၢၵ်ႈသေႇၼၼ်ႉမႅၼ်ႈဢေႃႈ။ 

၁၃ ပိူဝ်ႈၼႆလႄႈၼင်ႇႁိုဝ်တၢင်းယုမ်ႇမၢတ်ႈၶဝ်ပေႃးတမေၢၼ်ႇမႅၼ်ႈၸိုင်သင်ႇသွၼ်သုင်းမႃႉၶဝ်ၼႃႇၼႃႇတႃႉ။ 

၁၄ ယႃႇႁႂ်ႈၶဝ်ၸပ်းၸွႆးၵႂၢမ်းတၼ်ႇတႃႇရီႇယုတဢိၵ်ႇတင်းပိင်းၺၢပ်ႈၶဝ်ၸိူဝ်းဢၼ်ပႅတ်ႈဝႆႉသမ်ႇမႃႇတြႃးၼၼ်ႉလႄႈႁႂ်ႈၶဝ်လႆႈၶၢဝ်ၸၢင်ႇတႃႉ။ 

၁၅ တီႈၶဝ်ၸိူဝ်းဢၼ်ၶၢဝ်ၸၢင်ႇၼၼ်ႉလွင်ႈတၢင်းၵႃႈမီးတင်းသဵင်ႈတင်းလူင်ပဵၼ်ဢၼ်ၶၢဝ်ၸၢင်ႇဢေႃႈ။ တီႈၶဝ်ၸိူဝ်းဢၼ်ဢမ်ႇၶၢဝ်ၸၢင်ႇလႄႈဢမ်ႇယုမ်ႇမၢတ်ႈၼၼ်ႉလွင်ႈတၢင်းဢၼ်လႂ်သေဢမ်ႇဝႃႈပဵၼ်ဢၼ်ဢမ်ႇၶၢဝ်ၸၢင်ႇဢေႃႈ။ ႁူဝ်ၸႂ်ၶဝ်ဢိၵ်ႇတင်းၸႂ်ဢၼ်ႁူႉတူဝ်ၸဝ်ႈၵဝ်ႇၼၼ်ႉၵေႃႈဢမ်ႇၶၢဝ်ၸၢင်ႇ။ 

၁၆ ပဵၵ်ႉသမ်ႉၶဝ်ႁဵတ်းၸိူဝ်ႉၼင်ႇႁၢင်ႊႁူႉၸၵ်းၽြႃးပဵၼ်ၸဝ်ႈသေၵေႃႈတၢင်းႁဵတ်းတၢင်းသၢင်ႈၶဝ်ၼၼ်ႉပဵၼ်ဢၼ်ထဵင်ပႅတ်ႈမၼ်းၸဝ်ႈဢေႃႈ။ 

၁၇ ပဵၼ်ၵေႃႉဢၼ်လီႁင်ႈဢဵတ်ႇသဵတ်ႇ၊ၵေႃႉဢၼ်ဢမ်ႇထွမ်ႇဢမ်ႇဢဝ်၊ၵေႃႉဢၼ်ဢမ်ႇမီးၺၢၼ်ႇဢၼ်ၸၢင်ႊႁဵတ်းလွင်ႈတၢင်းဢၼ်လီဢၼ်ငၢမ်းသေၸိူဝ်ႉသေပိူင်။