1 Thes 1

လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ

၁

ၵႂၢမ်းတၵ်ႉလၢတ်ႈလႄႈတၢင်ႇၵျေးၸူး

၁ ၵဝ်၊ပေႃးလု၊ဢိၵ်ႇတင်းသိလွႃႇၼု၊တင်းတိမေႃးသေႇ၊ပၼ်ငိၼ်းၵႂႃႇတီႈၵူၼ်းၸိူဝ်းၸဝ်ႈဝဵင်းထိၵ်ႈသႃႇလေႃးၼိၵ်ႈတင်းလၢႆ၊ဢၼ်တႄႇယူႇၼႂ်းၽြႃးပေႃႈၸဝ်ႈတင်းၸဝ်ႈယေႇသုၶရိၸ်ႉၼၼ်ႉဢေႃႈ။

၂ ႁႂ်ႈသူႉၵျေးၸူးဢိၵ်ႇတင်းတၢင်းၼိမ်ဢၼ်ပဵၼ်မႃးၵႃႈတီႈပေႃႈၽြႃးပဵၼ်ၸဝ်ႈတင်းၸဝ်ႈယေႇသုၶရိၸ်ႉၼၼ်ႉမီးၼိူဝ်သူသေၵမ်းလူၺ်ႈ။

၃ ႁဝ်းၶုၵ်းၸႂ်လႆႈၶႆႈၸႂ်ထူပ်းတၢင်းဢၼ်သူမီးၸႂ်ဢၼ်ယုမ်ႇမၢတ်ႈလႄႈၵမ်ၵျၢင်ႉတၢင်းၵမ်တၢင်းၵျၢင်ႉဢဝ်ႁႅင်းၶတ်းၸႂ်ႁဵတ်းၼႂ်းတၢင်းႁၵ်ႉမႅတ်ႈတႃႇ၊မီးၸႂ်ဢၼ်မုင်ႈထႃႈမွင်းထႃႈၸဝ်ႈႁဝ်းၸဝ်ႈယေႇသုၶရိၸ်ႉလႄႈမၼ်ႈၶိုင်ႇယူႇၵႃႈတီႈၽၢႆႇၼႃႈၽြႃးပဵၼ်ၸဝ်ႈဢၼ်ပဵၼ်ပေႃႈႁဝ်းၼၼ်ႉလႄႈႁဝ်းတၢင်ႇၵျေးၸူးၽြႃးပဵၼ်ၸဝ်ႈယူႇတႃႇသေႇဢမ်ႇထၢတ်ႇဢေႃႈ။

၄ ပီႈၼွင်ႉဢၼ်ႁဝ်းႁၵ်ႉၶဝ်ဢိူၺ်း၊ႁူႉမၢတ်ႈလွင်ႈတၢင်းဢၼ်မၼ်းၸဝ်ႈလိူၵ်ႈၵဵပ်းဢဝ်သူၼၼ်ႉတႃႉ။

၅ တြႃးသတၢင်းသိူဝ်းပျေႃႇဢၼ်ႁဝ်းႁေႃးလၢတ်ႈၼႆႉပဵၼ်ၶေႃႈၵႂၢမ်းလၢႆလၢႆၵူၺ်းဢမ်ႇၸႂ်ႈ။ပဵၼ်တြႃးဢၼ်ပႃးမူၼ်ၽုင်းတၼ်းၶူဝ်း၊ဝိၺိၺ်ႇမူတ်းၸၢင်ႇၸဝ်ႈ၊တင်းတၢင်းဢၼ်ႁႂ်ႈၶုၵ်းၸႂ်လႆႈၼၼ်ႉဢေႃႈ။မႅၼ်ႈၵႃႈၼင်ႇဢၼ်သူႁူႉသူႁၼ်ႁဝ်းလႆႈယူႇၵႃႈၼႂ်းသူပုၼ်ႈသူၸိူဝ်ႉၼင်ႇႁိုဝ်ၼၼ်ႉယူႇဢေႃႈ။

၆ သူပဵၼ်ၵေႃႉဢၼ်ယိူင်ႈႁဝ်းတင်းၸဝ်ႈၽြႃးၼၼ်ႉဢေႃႈ။လွင်ႈမၼ်းၸမ်းပိၵ်ႉသမ်ႉသူမီးတၢင်းဢၼ်ယၢပ်ႇၽိုတ်ႇယႂ်ႇၼႃႇသေၵေႃႈသူယင်းႁပ်ႉၶၢမ်ႇဢဝ်ၼုၵ်ႉၵပၢတ်ႈတြႃးၸဝ်ႈၼႂ်းတၢင်းဢၼ်သိူဝ်းပျေႃႇဢၼ်ဝိၺိၺ်ႇမူတ်းၸၢင်ႇၸဝ်ႈပၼ်ၼၼ်ႉဢေႃႈ။

၇ ပိူဝ်ႈၼႆလႄႈသူပဵၼ်ပုင်ႇသၢၵ်ႈသေႇၵႃႈတီႈၶဝ်ၸိူဝ်းဢၼ်ယုမ်ႇမၢတ်ႈၵႃႈၼႂ်းမိူင်းမႃႇၵေႇတေႃးၼိတင်းမိူင်းဢၶႃႇယတင်းသဵင်ႈတင်းလူင်ၼၼ်ႉဢေႃႈ။

၈ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းၼုၵ်ႉၵပၢတ်ႈတြႃးၸဝ်ႈၽြႃးဢၼ်ဢွၵ်ႇသေၵႃႈတီႈသူပ်းသူၼၼ်ႉၸွတ်ႇသႃႇႁူင်ႁၢင်းၵႃႈၼႂ်းမိူင်းမႃႇၵေႇတေႃးၼိတင်းမိူင်းဢၶႃႇယၸိူဝ်းၼၼ်ႉယဝ်ႉၵူၺ်းဢမ်ႇၵႃးသတၢင်းသဵင်ၶၢဝ်ႇတၢင်းဢၼ်သူယုမ်ႇမၢတ်ႈၽြႃးပဵၼ်ၸဝ်ႈၼၼ်ႉၵေႃႈၸွတ်ႇတူဝ်ၵႂႃႇၵူႈတီႈၵူႈလႅၼ်ဢေႃႈ။ၵွပ်ႈႁွႆးၼႆႉလႄႈလွင်ႈဢၼ်ႁဝ်းတၵ်းလႆႈလၢတ်ႈၼၼ်ႉဢမ်ႇမီးသေၸိူဝ်ႉသေပိူင်ယဝ်ႉ။

၉ တူဝ်ၶဝ်မွၵ်ႇလၢတ်ႈလွင်ႈတၢင်းဢၼ်ႁဝ်းလႆႈၶၢမ်ႇတၢင်းဢၼ်သူႁပ်ႉတုင်းႁဝ်းၸိူဝ်ႉၼင်ႇႁိုဝ်ၼၼ်ႉယဝ်ႉ။ၶဝ်မွၵ်ႇလၢတ်ႈလွင်ႈဢၼ်သူပႄႇပႅတ်ႈရူၵ်ႈထူႉဢၼ်တွင်ႈဢၼ်တႅမ်ႈတင်းလၢႆသေလႄႈၶၢႆႉမႃးၸူးၵႃႈတီႈၽြႃးပဵၼ်ၸဝ်ႈ

၁၀ ဢၼ်မၢၼ်ႇမႅၼ်ႈၸိုဝ်ႈၸႂ်ဢၼ်ဢသၢၵ်ႈလိပ်းၼၼ်ႉလႄႈပႂ်ႉထႃႈလုၵ်ႈၸဝ်ႈဢၼ်ၽြႃးပဵၼ်ၸဝ်ႈႁႂ်ႈလုၵ်ႉသေၵႃႈတၢင်းတၢႆၶိုၼ်းလိပ်းမႃးဢၼ်တၵ်းလုၵ်ႉသေၵႃႈတီႈၵၢင်ႁၢဝ်လူင်းမႃးဢၼ်ပဵၼ်ၸဝ်ႈယေႇသုဢၼ်ၵႄႇၶျွတ်ႈဢဝ်ႁဝ်းလွတ်ႈဢွၵ်ႇသေၵႃႈၼႂ်းၽေးတၢမ်ႇၼၼ်ႉဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ