Phi 1

လိၵ်ႈဢေႃးဝႃႇတႃႉၽိလိပ်ႉပိ

၁

ၵႂၢမ်းတၵ်ႉလၢတ်ႈ

၁ ၵဝ်၊ပေႃးလု၊ဢိၵ်ႇတင်းၼွင်ႉၵဝ်တိမေႃးသေႇဢၼ်ပဵၼ်ၵူၼ်းၸႂ်ႉၸဝ်ႈယေႇသုၶရိၸ်ႉ၊ပၼ်ငိၼ်းၵႂႃႇၵႃႈတီႈသူၸႃႉၸဵမ်ၵူၼ်းဢုပ်ႉၸိူဝ်းၸဝ်ႈဢိၵ်ႇတင်းၵူၼ်းပွင်ၸိူဝ်းၸဝ်ႈတင်းလၢႆတင်းၵူၼ်းမူတ်းၸၢင်ႇၸဝ်ႈယေႇသုၶရိၸ်ႉဢၼ်မီးၵႃႈၼႂ်းဝဵင်းၽိလိပ်ႉပိတင်းသဵင်ႈတင်းလူင်ဢေႃႈ။

၂ ႁႂ်ႈၵျေးၸူးဢိၵ်ႇတင်းတၢင်းၼိမ်ဢၼ်ပဵၼ်မႃးၵႃႈတီႈၽြႃးပေႃႈၸဝ်ႈဢိၵ်ႇတင်းၸဝ်ႈယေႇသုၶရိၸ်ႉၼၼ်ႉမီးၼိူဝ်သူသေၵမ်းလူၺ်ႈ။

တၢင်းဢၼ်တၢင်ႇၵျေးၸူးၽြႃးပဵၼ်ၸဝ်ႈ

၃ မိူဝ်ႈဢၼ်ၵဝ်ႁဵတ်းသူးတွင်းပထၼႃႇၵူႈပွၵ်ႈၼၼ်ႉၵဝ်မီးတင်းၸႂ်ဢၼ်သိူဝ်းပျေႃႇႁဵတ်းသူးတွင်းပထၼႃႇ

၄ ပုၼ်ႈသူတင်းသဵင်ႈတင်းလူင်ယူႇလႄႈမိူဝ်ႈဢၼ်ၵဝ်ၶုၵ်းၸႂ်လႆႈၶႆႈၸႂ်ထူပ်းသူၵူႈပွၵ်ႈၼၼ်ႉၵဝ်ထွၵ်ႈလူၺ်ႈ

၅ လွင်ႈဢၼ်သူၶဝ်ႈပႃးၼႂ်းသတၢင်းသိူဝ်းပျေႃႇၸႃႉၸဵမ်ဝၼ်းဢွၼ်ႈတၢင်းၼၼ်ႉတေႃႇထိုင်ႁွတ်ႈမိူဝ်ႈလဵဝ်ၼႆႉၼၼ်ႉလႄႈၵဝ်ယွင်ႈယေႃးၵျေးၸူးၸဝ်ႈယူႇဢေႃႈ။

၆ ၵဝ်တူၵ်းၵၢင်ၸႂ်လွင်ႈဢၼ်ဝႃႈ၊ၵေႃႉဢၼ်ၸႃႉႁဵတ်းလွင်ႈတၢင်းဢၼ်လီဢၼ်ငၢမ်းၵႃႈၼႂ်းသူၼၼ်ႉတၵ်းႁဵတ်းႁႂ်ႈယဝ်ႉတူဝ်တေႃႇထိုင်ႁွတ်ႈဝၼ်းၸဝ်ႈယေႇသုၶရိၸ်ႉၼၼ်ႉဢေႃႈ။

၇ ၵဝ်ၶုၵ်းၸႂ်လႆႈၶႆႈၸႂ်ထူပ်းသူၸိူဝ်ႉၼင်ႇၼႆဢေႃႈ။လွင်ႈမၼ်းၸမ်းၵွပ်ႈပိူဝ်ႈသူၵႃႈမီးတင်းသဵင်ႈတင်းလူင်ႁူမ်ႈပွင်းၵၼ်တင်းၵျေးၸူးၸဝ်ႈလူၺ်ႈၵၼ်တင်းၵဝ်ၼႂ်းတၢင်းဢၼ်ၵဝ်လႆႈၶၢမ်ႇတူၵ်းၵႅၼ်းဢိၵ်ႇတင်းၼႂ်းတၢင်းဢၼ်ၵဝ်ၶၢမ်ႇသၢၵ်ႈသေႇတြႃးသတၢင်းသိူဝ်းပျေႃႇလႄႈႁႂ်ႈတြႃးၼၼ်ႉတႄႇယူႇၼၼ်ႉဢေႃႈ။

၈ ၵဝ်မီးတင်းမႅတ်ႈတႃႇၵရူႉၼႃႇၸဝ်ႈယေႇသုသေလႄႈၸႂ်ထိုင်သူတင်းသဵင်ႈတင်းလူင်ထၼ်ႇႁိုဝ်ဝႃႈၼႆၽြႃးပဵၼ်ၸဝ်ႈပဵၼ်သၢၵ်ႈသေႇၽၢႆႇၵဝ်ဢေႃႈ။

၉ ၵဝ်သူးတွင်းၸိူဝ်ႉၼင်ႇႁိုဝ်ဝႃႈၼႆၸမ်းလွင်ႈၼင်ႇႁိုဝ်မႅတ်ႈတႃႇပႃႇရမီႇသူတၵ်းယႂ်ႇမႃးတဵမ်ထူၼ်ႈၼႂ်းၺၢၼ်ႇပိင်ႇၺႃႇၵူႈၸိူဝ်ႉၵူႈပိူင်လႄႈၸၵ်းၽႄႁူႉလွင်ႈတၢင်းဢၼ်

၁၀ ပႅၵ်ႇပိူင်ႈၵၼ်ၸိူဝ်းၼၼ်ႉဢိၵ်ႇတင်းလွင်ႈၼင်ႇႁိုဝ်သူတၵ်းပျေႉၸုမ်ႇတင်းတၢင်းၵမ်တၢင်းၵျၢင်ႉဢၼ်သိုဝ်ႈတေႃႇဢၼ်ၸၢင်ႊႁႂ်ႈမူၼ်ၽုင်းၽြႃးပဵၼ်ၸဝ်ႈထၢင်ႇသႃးၵွပ်ႈပိူဝ်ႈၸဝ်ႈယေႇသုၶရိၸ်ႉၼၼ်ႉလႄႈ

၁၁ မီးႁူဝ်ၸႂ်ဢၼ်ၶၢဝ်ၸၢင်ႇသေယဝ်ႉၵၢင်းလွတ်ႈတင်းလွင်ႈတၢင်းဢၼ်တၵ်းတိူဝ်ႉမႅၼ်ႈလႄႈလူမ်ႉတေႃႇထိုင်ႁွတ်ႈဝၼ်းၸဝ်ႈၶရိၸ်ႉၼၼ်ႉၸိုင်ၵဝ်ႁဵတ်းသူးတွင်းပထၼႃႇယူႇဢေႃႈ။

တၢင်းႁတ်းႁၢၼ်ပေႃးလုၼႂ်းထွင်ႇ

၁၂ ပီႈၼွင်ႉၶဝ်ဢိူၺ်း၊ၵဝ်ၶႂ်ႈႁႂ်ႈသူႁူႉလွင်ႈဢၼ်ဝႃႈဢမူႉလွင်ႈတၢင်းဢၼ်ႁွတ်ႈမႃးၵႃႈၼိူဝ်ၵဝ်ၸိူဝ်းၼၼ်ႉပဵၼ်လွင်ႈတၢင်းဢၼ်ပွင်ႁဵတ်းပွင်မႄးႁႂ်ႈတြႃးသတၢင်းသိူဝ်းပျေႃႇတူဝ်းတွၼ်းမႃးဢေႃႈ။

၁၃ ဢမူႉတၢင်းဢၼ်မတ်ႉၽုၵ်ဢၼ်ၵဝ်လႆႈၶၢမ်ႇၵွပ်ႈပိူဝ်ႈၸဝ်ႈၶရိၸ်ႉၼၼ်ႉထၢင်ႇသႃးၸွတ်ႇၸႅတ်ႇၵႂႃႇၵႃႈၼႂ်းႁေႃၶမ်းယဝ်ႉဢမ်ႇၵႃးထၢင်ႇသႃးၵူႈတီႈၵူႈလႅၼ်ယူႇဢေႃႈ။

၁၄ ပီႈၼွင်ႉၼႂ်းၸဝ်ႈၽြႃးၼမ်ၼႃႇမီးတၢင်းယုမ်ႇမၢတ်ႈမၼ်ႈၶိုင်ႇမႃးၵွပ်ႈပိူဝ်ႈတၢင်းဢၼ်ၵဝ်လႆႈၶၢမ်ႇတူၵ်းၵႅၼ်းၼၼ်ႉလႄႈမီးၸႂ်ႁတ်းႁၢၼ်ယဵင်ႈၶႅၼ်းႁတ်းႁေႃးလၢတ်ႈၼုၵ်ႉၵပၢတ်ႈတြႃးၸဝ်ႈဢေႃႈ။

၁၅ ၵူၼ်းၵမ်ႈၽွင်ႈမီးၸႂ်သၽေႃးဢၼ်ဢမ်ႇၼႃႇလူဝ်ႇၸႂ်ဢၼ်ၶႄႉၶဵင်ႇလႄႈႁေႃးလၢတ်ႈတြႃးၸဝ်ႈၶရိၸ်ႉဢေႃႈ။

၁၆ ၵမ်ႈၽွင်ႈၵေႃႈမီးၸႂ်ၸေႇတၼႃႇသေလႄႈႁေႃးလၢတ်ႈဢေႃႈ။ၶဝ်ၸိူဝ်းဢၼ်မီးၸႂ်မႅတ်ႈတႃႇလႄႈႁေႃးလၢတ်ႈတြႃးၸဝ်ႈၶရိၸ်ႉၼၼ်ႉၶဝ်ႁူႉလွင်ႈဢၼ်ၵဝ်ပဵၼ်ၵေႃႉဢၼ်လႆႈၶၢမ်ႇတၢင်းဢၼ်ၶၢၼ်းဝႆႉပုၼ်ႈဢၼ်တၵ်းၵမ်ႉထွၵ်ႈတြႃးသတၢင်းသိူဝ်းပျေႃႇၼၼ်ႉဢေႃႈ။

၁၇ ၶဝ်ၸမ်းဢမ်ႇမီးၸႂ်ဢၼ်ၶၢဝ်ၸၢင်ႇ။မီးတၢင်းၵျၢမ်ႇတၢင်းပွင်ၶႂ်ႈႁႂ်ႈတၢင်းဢၼ်ၵဝ်လႆႈၶၢမ်ႇၼႂ်းတၢင်းဢၼ်တူၵ်းၵႅၼ်းၼၼ်ႉယဵင်ႈၶႅၼ်းၼမ်မႃးလႄႈမီးၸႂ်ဢၼ်ၵူတ်ႉငေႃးလႄႈႁေႃးလၢတ်ႈဢေႃႈ။ပိူဝ်ႈၼႆလႄႈပဵၼ်ၸိူဝ်ႉၼင်ႇႁိုဝ်။

၁၈ မီးၸႂ်ၵူတ်ႉငေႃးလႄႈႁေႃးလၢတ်ႈသေဢမ်ႇဝႃႈမီးသႅတ်ႈၸႃႇလႄႈႁေႃးလၢတ်ႈသေဢမ်ႇဝႃႈႁေႃးလၢတ်ႈၸိူဝ်ႉၼင်ႇႁိုဝ်ၼႆၵေႃႈပဵၼ်တၢင်းဢၼ်ႁေႃးလၢတ်ႈတြႃးၸဝ်ႈၶရိၸ်ႉယူႇဢေႃႈ။ၵွပ်ႈပိူဝ်ႈလွင်ႈတၢင်းၼၼ်ႉလႄႈၵဝ်မီးတၢင်းဢၼ်သိူဝ်းပျေႃႇယူႇဢေႃႈ။

၁၉ ၵမ်းလိုၼ်းၵေႃႈၵဝ်တၵ်းသိူဝ်းပျေႃႇဢေႃႈ။ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းၵဝ်ႁူႉႁၼ်လွင်ႈဢၼ်ဝႃႈၵွပ်ႈပိူဝ်ႈတၢင်းဢၼ်သူသူးတွင်းဢိၵ်ႇတင်းၵွပ်ႈပိူဝ်ႈဝိၺိၺ်ႇၸဝ်ႈယေႇသုၶရိၸ်ႉၸွႆႈထႅမ်ၼၼ်ႉလွင်ႈတၢင်းၸိူဝ်းၼႆႉတၵ်းပဵၼ်လွင်ႈတၢင်းဢၼ်ၵႄႇၶျွတ်ႈဢဝ်ၵဝ်ဢေႃႈ။

၂၀ ၼႆႉပဵၼ်တၢင်းဢၼ်ၵဝ်မုင်ႈထႃႈမွင်းထႃႈဢၼ်ယႂ်ႇၼႃႇၼၼ်ႉလႄႈတူၵ်းဢၢင်ႈလွင်ႈဢၼ်ၵဝ်ယင်းတၵ်းဢမ်ႇလႆႈမီးတၢင်းဢၼ်လီဢူၵ်းလီဢၢႆလႃးလႃးလႄႈတၵ်းတဵမ်ဝႆႉတင်းတၢင်းဢၼ်ႁတ်းဢၼ်ႁၢၼ်သေလႄႈဢသၢၵ်ႈလိပ်းသေဢမ်ႇဝႃႈ၊တၢႆသေဢမ်ႇဝႃႈ၊တေႃႈလဵဝ်ၼႆႉမုၼ်ၽုင်းသရေႇၸဝ်ႈၶရိၸ်ႉတၵ်းထၢင်ႇသႃးယူႇၵႃႈၼႂ်းတူဝ်ၶိင်းၵဝ်မိူၼ်လိပ်းသေဢမ်ႇဝႃႈမိူဝ်ႈတၢႆသေဢမ်ႇဝႃႈဢေႃႈ။

၂၁ တၢင်းဢၼ်ၵဝ်ဢသၢၵ်ႈလိပ်းၸမ်းပဵၼ်ပုၼ်ႈၸဝ်ႈၶရိၸ်ႉဢေႃႈ။တၢင်းဢၼ်ၵဝ်တၢႆၸမ်းပဵၼ်ဢၼ်မႅတ်ႈဢေႃႈ။

၂၂ ပေႃးဢသၢၵ်ႈလိပ်းယူႇၼႂ်းတူဝ်ၶိင်းၼႆႉၸိုင်ပဵၼ်ဢၵျူဝ်းပုၼ်ႈၵဝ်ဢေႃႈ။ၼႂ်းဝႃႈၼၼ်သေၵေႃႈၵဝ်တၵ်းလႆႈလိူၵ်ႈဢဝ်ဢၵျူဝ်းဢၼ်လႂ်ဝႃႈၼႆၵဝ်ဢမ်ႇႁူႉ။

၂၃ ၵဝ်လႆႈယူႇၵႃႈၼႂ်းၵႄႈဝူင်ႈၵၢင်ဢၵျူဝ်းသွင်ပႃးၼၼ်ႉၵိတ်ႇၵႅပ်ႈၼႃႇဢေႃႈ။ၵဝ်မီးၸႂ်ဢၼ်တူၵ်းဢၢင်ႈၶႂ်ႈလၢႆသေၸၢတ်ႈၼႆႉလႄႈယူႇလူၺ်ႈၵၼ်တင်းၸဝ်ႈၶရိၸ်ႉဢေႃႈ။

၂၄ ယဵင်ႈၶႅၼ်းမျၢတ်ႈလီဢေႃႈ။ၵူၺ်းၵႃႈတၢင်းဢၼ်ယူႇၵႃႈၼႂ်းတူဝ်ၶိင်းၼႆႉၸိုင်ပဵၼ်တၢင်းဢၼ်လူဝ်ႇပုၼ်ႈသူဢေႃႈ။

၂၅ ၵွပ်ႈပိူဝ်ႈပွင်ႇၸႂ်ၸိူဝ်ႉၼင်ႇၼႆလႄႈၵဝ်တၵ်းလႆႈယူႇၵႃႈၼႂ်းတူဝ်ၶိင်းၼႆႉသေယဝ်ႉႁဵတ်းၵေႃႉႁဵတ်းသေႈလူၺ်ႈၵၼ်တင်းသူၵႃႈမီးတင်းသဵင်ႈတင်းလူင်ပုၼ်ႈလွင်ႈၼင်ႇႁိုဝ်တၢင်းသိူဝ်းပျေႃႇသူတၵ်းယႂ်ႇၵႂၢင်ႈမႃး

၂၆ တၵ်းတဵမ်ထူၼ်ႈၼႂ်းတၢင်းယုမ်ႇမၢတ်ႈႁႂ်ႈသူလႆႈဢိင်ပိုင်ႈၸဝ်ႈယေႇသုၶရိၸ်ႉသေလႄႈယဵင်ႈၶႅၼ်းမီးတၢင်းဢၼ်ဢုပ်ႇဝၢဝ်းလူၺ်ႈလွင်ႈၵဝ်ၵွပ်ႈပိူဝ်ႈဢၼ်ၵဝ်တၵ်းသမ်ႉၶိုၼ်းႁွတ်ႈထိုင်မႃးၵႃႈတီႈသူထႅင်ႈပွၵ်ႈၼိုင်ႈၼၼ်ႉဢေႃႈ။

ပုင်ႇသၢၵ်ႈသေႇၸဝ်ႈယေႇသု

၂၇ ၵဝ်ႁွတ်ႈထိုင်သေလႄႈ၊လႆႈႁၼ်သူတႂ်ႈတႃသေဢမ်ႇဝႃႈ၊ယၢၼ်ၵၼ်တင်းသူယူႇသေဢမ်ႇဝႃႈ၊လွင်ႈၼင်ႇႁိုဝ်ၵဝ်တၵ်းလႆႈႁူႉလႆႈငိၼ်းလွင်ႈတၢင်းဢၼ်သူယင်းဢမ်ႇၵူဝ်ဢမ်ႇသၼ်ႇၵွပ်ႈရၢၼ်ႇသူႇတင်းလၢႆလႃးလႃးလႄႈတႄႇယူႇၼႂ်းၸႂ်ဝိၺိၺ်ႇပႃးၼိုင်ႈၵူၺ်းလႄႈၽွမ်ႉၵၼ်ၶတ်းၸႂ်ပုၼ်ႈတၢင်းယုမ်ႇမၢတ်ႈဢၼ်ၸၢပ်ႈသႅင်ႇၵၼ်တင်းတြႃးသတၢင်းသိူဝ်းပျေႃႇၼၼ်ႉၸိုင်ႁဵတ်းဝၢတ်ႈလူင်ဝၢတ်ႈဢွၼ်ႇၸွမ်းၵႃႈၼင်ႇဢၼ်ထုၵ်ႇမႅၼ်ႈတင်းတြႃးသတၢင်းသိူဝ်းပျေႃႇၼၼ်ႉတႃႉ။

၂၈ လွင်ႈတၢင်းဢၼ်ဢမ်ႇၵူဝ်ဢမ်ႇသၼ်ႇၵွပ်ႈပိူဝ်ႈရၢၼ်ႇသူႇၼၼ်ႉၸိုင်ပဵၼ်ၼီႉမိၵ်ႈလၵ်ႈၶၼႃႇတၢင်းလူႉတၢင်းလႅဝ်ၶဝ်လႄႈ၊ပဵၼ်တၢင်းၵႄႇၶျွတ်ႈသူဢေႃႈ။ၼႆႉပဵၼ်တၢင်းဢၼ်ၽြႃးပဵၼ်ၸဝ်ႈၸီႇယၢင်ႇဢေႃႈ။

၂၉ လွင်ႈမၼ်းၸမ်းသူလႆႈဢၶႂၢင်ႉတၢင်းဢၼ်ယုမ်ႇမၢတ်ႈၸဝ်ႈၶရိၸ်ႉၼၼ်ႉၵူၺ်းဢမ်ႇၵႃးသူလႆႈဢၶႂၢင်ႉတၢင်းဢၼ်လႆႈၶၢမ်ႇတၢင်းဢၼ်ယၢၵ်ႈဢၼ်ၽၢၼ်ပုၼ်ႈၸဝ်ႈၶရိၸ်ႉၸိူဝ်ႉၼင်ႇဢၼ်သူလႆႈႁၼ်လႆႈငိၼ်းဢၼ်ၵဝ်လႆႈၶၢမ်ႇမႃးလႆႈၶၢမ်ႇယူႇၼၼ်ႉဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ