2 Pet 2

လိၵ်ႈဢေႃးဝႃႇတႃ့ပေႇတရုၽိုၼ်တုတိယ

၂

မိၵ်ႉသႃႇပရေႃးၽႅတ်ႈတင်းမိၵ်ႉသႃႇသြႃႇ

၁ ၼႂ်းဝႃႈၼၼ်သေၵေႃႈၵႃႈၼႂ်းၵူၼ်းၸိူဝ်းၼၼ်ႉမီးမိၵ်ႉသႃႇပရေႃးၽႅတ်ႈဢေႃႈ။ၵႃႈၼႂ်းသူၵေႃႈတၵ်းမီးမိၵ်ႉသႃႇသြႃႇဢၼ်ဢဝ်တင်းပရီႉယႄႇသေလႄႈသႂၢင်းသႂ်ႇဢယူႇမိၵ်ႉသႃႇတိၵ်ႉထိဢၼ်ၸၢင်ႊယႃႉၸၢင်ႊယူၵ်ႉဢၼ်ၸၢင်ႊထဵင်ပႅတ်ႈၸဝ်ႈဢၼ်သိုဝ်ႈဢၼ်ၶၢဝ်ၼၼ်ႉသေလႄႈႁဵတ်းႁႂ်ႈတၢင်းလူႉတၢင်းလႅဝ်ႁွတ်ႈထိုင်ၵႃႈၼိူဝ်တူဝ်ၶဝ်ၶၼ်ၶၼ်ၽႂ်းၽႂ်းၼၼ်ႉဢေႃႈ။

၂ ၵူၼ်းၼမ်ၼႃႇတၵ်းၸွမ်းထုင်းၸၢမ်ႇတၢင်းဢၼ်ၶဝ်ႁဵတ်းဢၼ်ၵူဝ်ႈၵိူၵ်ႇၼၼ်ႉလႄႈသရေႇသဵၼ်ႈတၢင်းသမ်ႇမႃႇတြႃးတၵ်းလူႉဢေႃႈ။

၃ ၶဝ်ၼၼ်ႉလေႃးၽႃႉပူၼ်ႉလိူဝ်ယူႇသေလႄႈတၵ်းဢဝ်တင်းၵႂၢမ်းဢၼ်ၸၢင်ႊၶျေႃးၸၢင်ႊဝွၼ်းၶၢႆသူၵိၼ်ဢေႃႈ။တၢင်းဢၼ်ၸီႇယၢင်ႇဢပျႅတ်ႈၶဝ်ၼၼ်ႉၵေႃႈၸႃႉၸဵမ်ၵမ်ႇၽႃႇၸႃႉတႄႇၼၼ်ႉဢမ်ႇၵိုတ်းဢမ်ႇသဝ်းမီးၼိူဝ်ၶဝ်ယဝ်ႉ။တၢင်းလူႉတၢင်းလႅဝ်ၶဝ်ၼၼ်ႉၵေႃႈဢမ်ႇၼွၼ်းဢမ်ႇလပ်း။

၄ လွင်ႈမၼ်းၸမ်းပေႃးၽြႃးပဵၼ်ၸဝ်ႈယင်းဢမ်ႇသေလၢႆတမၢၼ်ႇၵၢင်ႁၢဝ်ဢၼ်ၽိတ်းပိူင်ႈတင်းလၢႆၸိူဝ်းၼၼ်ႉလႄႈဢဝ်ၶဝ်ၶျႃးသႂ်ႇၵႃႈၼႂ်းငႃႈရၢႆးဢဝ်တင်းၸိူၵ်ႈလဵၵ်းၶျုၵ်ႈဝႆႉၼႂ်းလပ်းသိင်ႇ၊မတ်ႉၽုၵ်ႇဝႆႉပုၼ်ႈလွင်ႈၼင်ႇႁိုဝ်တၵ်းလႆႈၸႅတ်ႈထၢမ်ၸီႇယၢင်ႇၶဝ်ဢမ်ႇၵႃး

၅ မိူဝ်ႈဢၼ်မၼ်းၸဝ်ႈဢဝ်ၼမ်ႉထုမ်ႈမိူင်းယႃႉလူႉပႅတ်ႈၵူၼ်းဢၼ်ဢမ်ႇၵူဝ်းၵႂၢႆႇၽြႃးလႄႈပႂ်ႉလူႈပႂ်ႉတူၺ်းၼုဝ်းဢႃႇဢၼ်ႁေႃးလၢတ်ႈတြႃးတၢင်းသိုဝ်ႈတေႃႇဢိၵ်ႇတင်းၵူၼ်းၸဵတ်းၵေႃႉၼၼ်ႉဢမ်ႇၵႃးဢဝ်ၽႆးတုတ်ႇပႅတ်ႈဝဵင်းသေႃးတုမ်ႇ

၆ ဢိၵ်ႇတင်းဝဵင်းၵေႃးမေႃးရပႅတ်ႈလႄႈၸီႇယၢင်ႇပၼ်တၢမ်ႇသေယဝ်ႉ၊ႁႂ်ႈပဵၼ်ပုင်ႇသၢၵ်ႈသေႇဝႆႉတီႈၶဝ်ၸိူဝ်းဢၼ်ႁဵတ်းဢၼ်ဢမ်ႇတြႃးၵမ်းလိုၼ်းၼၼ်ႉ

၇ ဢမ်ႇၵႃးၵႄႇသႄႇၼုၵ်ႈဢဝ်လေႃးတဢၼ်သိုဝ်ႈတေႃႇဢၼ်လႆႈၶၢမ်ႇတၢင်းဢၼ်ၵူၼ်းဢၼ်ဢမ်ႇတြႃးၵူၼ်းဢၼ်ၵူဝ်ႈၵိူၵ်ႇၶဝ်ယႃႉယူၵ်ႉၼၼ်ႉဢေႃႈ။

၈ မၼ်းပဵၼ်ၵေႃႉဢၼ်သိုဝ်ႈတေႃႇဢၼ်လႆႈယူႇၼႂ်းၶဝ်ၸိူဝ်းဢၼ်ဢမ်ႇတြႃးၼၼ်ႉလႄႈမၢၵ်ႇတႃမၼ်းလႆႈႁၼ်ႁူမၼ်းလႆႈငိၼ်းလွင်ႈတၢင်းဢၼ်ဢမ်ႇတြႃးၶဝ်ၼၼ်ႉလႄႈပဵၼ်တၢင်းဢၼ်ၼိၵ်ႈၸၢၵ်ႈငႅၼ်းသေးႁူဝ်ၸႂ်မၼ်းဢၼ်သိုဝ်ႈတေႃႇၼၼ်ႉၼႃႇလူင်လၢင်ၵူႈမိူဝ်ႈၵူႈဝၼ်းဢမ်ႇထၢတ်ႇယူႇၼၼ်ႉဢေႃႈ။

၉ ထႃႇဝရႃႉၽြႃးတတ်ႈၼိုင်ႇလႆႈႁႂ်ႈလႆႈၵႄႇသႄႇၼုၵ်ႈဢဝ်ၶဝ်ၸိူဝ်းဢၼ်မူၼ်ႈပျေႃႇၼႂ်းဝၢတ်ႈၽြႃးတင်းလၢႆလွတ်ႈဢွၵ်ႇသေၵႃႈၼႂ်းတၢင်းဢၼ်ၸၢမ်းတူၺ်းယႃႉယူၵ်ႉၼၼ်ႉလႄႈဢဝ်ၶဝ်ၸိူဝ်းဢၼ်ဢမ်ႇတြႃးၸိူဝ်းၼၼ်ႉၶျူၵ်ႈဝႆႉပုၼ်ႈဝၼ်းဢၼ်တၵ်းၸီႇယၢင်ႇတြႃးႁႂ်ႈၶဝ်လႆႈၶၢမ်ႇတၢမ်ႇဢေႃႈ။

၁၀ ၶဝ်ၸိူဝ်းဢၼ်ၸွမ်းဢလူဝ်ႇၵႃႇမၵုင်ႇၵီႉလေႇသႃႇဢၼ်ၸွႆးၸပ်းဢၼ်ၵူဝ်ႈၵိူၵ်ႇလႄႈႁဵတ်းဢမ်ႇပေႃးၼင်ႇႁိုဝ်တီႈဢႃႇၼႃႇၸၢၵ်ႈၼၼ်ႉယဵင်ႈၶႅၼ်းလႆႈၶၢမ်ႇတၢမ်ႇဢေႃႈ။ၶဝ်ပဵၼ်ၵေႃႉဢၼ်ႁတ်းၸွမ်းဢလူဝ်ႇတူဝ်ၸဝ်ႈၵဝ်ႇလႄႈသေႉသွမ်းၶဝ်ၸိူဝ်းဢၼ်မူၼ်တၼ်းၶူဝ်းယႂ်ႇၼၼ်ႉဢေႃႈ။

၁၁ တမၢၼ်ႇၵၢင်ႁၢဝ်တင်းလၢႆၸမ်းပဵၵ်ႉသမ်ႉမီးႁႅင်းတၼ်းၶူဝ်းဢၼ်ယႂ်ႇသေၶဝ်သေၵေႃႈဢမ်ႇႁဵတ်းတၢင်းဢၼ်သေႉဢၼ်သွမ်းတၢင်ႇဢပျႅတ်ႈတီႈၶဝ်ၸိူဝ်းဢၼ်မူၼ်တၼ်းၶူဝ်းယႂ်ႇၼၼ်ႉၵႃႈတီႈၽၢႆႇၼႃႈၽြႃးပဵၼ်ၸဝ်ႈ။

၁၂ ၵူၼ်းၸိူဝ်းၼၼ်ႉႁဵတ်းတၢင်းဢၼ်သမ်ႇမုၵ်ႉသေႉသွမ်းဢၼ်ၶဝ်ဢမ်ႇႁူႉၼၼ်ႉလႄႈၶဝ်မိူၼ်တရိၵ်ႈသၢၼ်ႇၸႅတ်ႈၸႅတ်ႈပုၼ်ႈဢၼ်တၵ်းလႆႈၶၢမ်ႇတီႉဢဝ်လႄႈဢဝ်တၢႆပႅတ်ႈလႄႈလူႉလႅဝ်ၼၼ်ႉဢေႃႈ။

လၢၵ်ႈၶၼႃႇတင်းတၢင်းႁဵတ်းၵေႃႉဢၼ်ပႅတ်ႉလႅၼ်

၁၃ ၶဝ်တၵ်းလႆႈၶၢမ်ႇတၢင်းဢၼ်ဢဝ်တုၵ်ႇၶႃႉတွပ်ႇတႅၼ်းၸိူဝ်ႉၼင်ႇဢၼ်ၶဝ်ႁဵတ်းတုၵ်ႉၶႃႉတီႈပိူၼ်ႈၼၼ်ႉဢေႃႈ။ၶဝ်မီးၸႂ်သၽေႃးဢၼ်ၸၢမ်ႇၸႃးၵႃႇမၵုင်ႇပူၼ်ႉလိူဝ်ၼႂ်းမိူဝ်ႈဢၼ်ႁဵတ်းပွႆးၵိၼ်ပွႆးၶူပ်းလူၺ်ႈၵၼ်တင်းသူၼၼ်ႉလႄႈၶဝ်မီးမၢၵ်ႇတႃဢၼ်တဵမ်ဝႆႉတင်းၵီႉလေႇသႃႇဢၼ်ၽိတ်းပိူင်ႈမေးပိူၼ်ႈလႄႈယင်းဢမ်ႇႁဵတ်းတူႉၸရိူၵ်ႈလႄႈဢမ်ႇယူႇလႆႈ။

၁၄ ၶဝ်ၸၢင်ႊၸူဝ်းဢဝ်ၶဝ်ၸိူဝ်းဢၼ်ႁူဝ်ၸႂ်ဢမ်ႇမၼ်ႈၶိူင်ႇၼၼ်ႉႁႂ်ႈလႆႈၸွမ်းၵႂႃႇၵႃႈၼႂ်းဢပျႅတ်ႈလႄႈၵႂႃႇၵႂႃႇမႃးမႃးၼႂ်းတၢင်းဢၼ်လေႃးၽႃႉပူၼ်ႉလိူဝ်လႄႈပဵၼ်လုၵ်ႈဢၼ်ၵိၼ်ႇဢၼ်ဝႃႈယူႇ၊

၁၅ ပိူင်ႈဢွၵ်ႇသေၵႃႈၼႂ်းသဵၼ်ႈတၢင်းဢၼ်သိုဝ်ႈတေႃႇၵႂႃႇယူႇလႄႈၸွမ်းသဵၼ်ႈတၢင်းပႃႇလမ်း၊လုၵ်ႈၸၢႆးပေႃႇသေႃႇ၊ဢၼ်ၸွႆးၸပ်းၵႃႊၶၼ်လွင်ႈတၢင်းဢၼ်ဢမ်ႇတြႃးလႄႈလႆႈၶၢမ်ႇတၢင်းဢၼ်သင်ႇသွၼ်သုင်းမႃႉၵွပ်ႈပိူဝ်ႈတူႉၸရိူၵ်ႈတူဝ်ၸဝ်ႈၵဝ်ႇၼၼ်ႉဢေႃႈ။

၁၆ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းမႃႉလီႈဢၼ်ဢမ်ႇမေႃလၢတ်ႈၵႂၢမ်းၼၼ်ႉလၢတ်ႈၵႂၢမ်းၵူၼ်းမႃးလႄႈႁၢမ်ႈတၢပ်ႈႁႄႉၶႅၼ်တၢင်းမိူၵ်ႈပရေႃးၽႅတ်ႈဢေႃႈ။

တုၵ်ႉၶႃႉတၢင်းဢၼ်ပႅတ်ႉလႅၼ်

၁၇ ၶဝ်ၼၼ်ႉပဵၼ်ၸိူဝ်ႉၼင်ႇၼမ်ႉမေႃႇဢၼ်ဢမ်ႇမီးၼမ်ႉဢိၵ်ႇတင်းၽႃႉၽူၼ်ဢၼ်လူမ်းထူဝ်းလႄႈပိဝ်ၵႂႃႇၼၼ်ႉဢေႃႈ။တၢင်းလပ်းသိင်ႇထႃႇဝရႃႉဢၼ်လိုၵ်ႉၼႃႇၼၼ်ႉသိမ်းဝႆႉပုၼ်ႈၶဝ်ၸိူဝ်းၼၼ်ႉဢေႃႈ။

၁၈ လွင်ႈမၼ်းၸမ်းၶဝ်လၢတ်ႈၵႂၢမ်းသုင်ဢၼ်ပဵၼ်လၢႆလၢႆဢမ်ႇပွင်ႇလွင်ႈၵႃႈသင်လႄႈဢဝ်တင်းတၢင်းဢၼ်ၸႃႇတိပၵတိၸွႆးၸပ်းတၢင်းဢၼ်ၵီႉလေႇသႃႇပူၼ်ႉလိူဝ်ၸိူဝ်းၼၼ်ႉၸူဝ်းဢဝ်ၶဝ်ၸိူဝ်းဢၼ်ၸင်ႇတႄႇၸႃႉပၢႆဢွၵ်ႇသေၵႃႈၼႂ်းၵူၼ်းဢၼ်ၽိတ်းပိူင်ႈမႃးၼၼ်ႉၶိုၼ်းႁႂ်ႈၶဝ်လႆႈၵႂႃႇၵႃႈၼႂ်းဢပျႅတ်ႈဢေႃႈ။

၁၉ ပဵၵ်ႉသမ်ႉၶဝ်ဝႃႈတၵ်းလႆႈမီးဢၶႂၢင်ႉဢၼ်လွတ်ႈဢေႃႈ၊ဝႃႈၼင်ႇၼႆသေၵေႃႈတူဝ်ၶဝ်ၸမ်းပဵၼ်ၶႃႈတၢင်းဢၼ်တူႇၼဝ်ႈယူႇၼၼ်ႉယူႇဢေႃႈ။ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းလွင်ႈတၢင်းဢၼ်ပႄႉၼႅင်ႇၵူၼ်းၼၼ်ႉပဵၼ်ၸဝ်ႈမၼ်းလႄႈမၼ်းၵေႃႈပဵၼ်ၶႃႈလွင်ႈတၢင်းၼၼ်ႉဢေႃႈ။

၂၀ ပေႃးလႆႈၵၢင်းလွတ်ႈတင်းတၢင်းဢၼ်ၵူဝ်ႈဢၼ်ၵိူၵ်ႇလေႃးၵီႇၵွပ်ႈပိူဝ်ႈတၢင်းဢၼ်ႁူႉၸၵ်းၸဝ်ႈၵႄႇၶျွတ်ႈဢၼ်ပဵၼ်ၸဝ်ႈယေႇသုၶရိၸ်ႉၼၼ်ႉသေယဝ်ႉသမ်ႉၶိုၼ်းၶမ်တူင်ႇႁဵဝ်ႉလႄႈသုမ်းၶိုၼ်းၸိုင်ဢၼ်ပဵၼ်ၵမ်းလိုၼ်းယဵင်ႈၶႅၼ်းႁၢႆႉၼႃႇသေဢၼ်ပဵၼ်ဢွၼ်တၢင်းၼၼ်ႉဢေႃႈ။

၂၁ ပေႃးဢမ်ႇႁူႉသဵၼ်ႈတၢင်းတြႃးဢၼ်သိုဝ်ႈတေႃႇၼၼ်ႉၸိုင်ယဵင်ႈၶႅၼ်းလီၼႃႇသေတၢင်းဢၼ်ႁူႉသဵၼ်ႈတၢင်းၼၼ်ႉသေယဝ်ႉၵမ်းလိုၼ်းသမ်ႉၶိုၼ်းပႄႇပႅတ်ႈပိင်းၺၢပ်ႈဢၼ်မူတ်းၸၢင်ႇဢၼ်တူဝ်ၸဝ်ႈၵဝ်ႇလႆႈၶၢမ်ႇႁူဢဝ်ယဝ်ႉၼၼ်ႉဢေႃႈ။

၂၂ မိူၼ်ၼင်ႇၵႂၢမ်းထုင်းမိူဝ်ႈၵွၼ်ႇဢၼ်ဝႃႈ၊မႃၶိုၼ်းၵိၼ်ႁၢၵ်ႊတူဝ်ၸဝ်ႈၵဝ်ႇဢၼ်ဝႃႈၼၼ်ႉဢေႃႈ။မူၵေႃႈသုၵ်ႈသီယဝ်ႉသမ်ႉၶိုၼ်းဢိူၵ်ႇၵႃႈၼႂ်းၵူမ်ႇဢေႃႈ၊ဝႃႈၼင်ႇၼႆၼၼ်ႉမႅၼ်ႈၼႂ်းၶဝ်ၼၼ်ႉဢေႃႈ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ