လိၵ်ႈဢေႃးဝႃႇတႃႉႁေႇပြႄး
Chapter ၁ ၂ ၃ ၄ ၅ ၆ ၇ ၈ ၉ ၁၀ ၁၁ ၁၂ ၁၃
၁၀
၁ ၼႄးၼိုင်ႈၸမ်း၊ၵွပ်ႈပိူဝ်ႈပိင်းၺၢပ်ႈတြႃးဢမ်ႇၼႄပၼ်ပုင်ႇႁၢင်ႊဢၼ်ဢၵျူဝ်းမင်ႇၵလႃႇဢၼ်တၵ်းပဵၼ်ၵမ်းလိုၼ်းတင်းလၢႆၼၼ်ႉသေၶျႃႇလီငၢမ်းလႄႈၼႄပၼ်သၢႆငၢႆၵူၺ်းလႄႈလႆႈဢဝ်ယိၸ်ႉပုၵ်ႉၸေႃႇၵူႈပီႊၵူႈပီႊသေၵေႃႈဢမ်ႇႁႂ်ႈၶဝ်ၸိူဝ်းဢၼ်သုတ်ႉၸပ်းသုတ်ႉၸူးၵႃႈတီႈမၼ်းၸဝ်ႈၼၼ်ႉလႆႈတႄႇယူႇၵႃႈၼႂ်းတၢင်းဢၼ်ၸေးၸုမ်ႇၼၼ်ႉလႆႈ။
၂ ပေႃးႁႂ်ႈတႄႇယူႇလႆႈၸိုင်ၵမ်းလိုၼ်းၶဝ်တၵ်းဢမ်ႇလူဝ်ႇပုၵ်ႉၸေႃႇထႅင်ႈယဝ်ႉ။ပေႃးၶဝ်ၸိူဝ်းဢၼ်ႁဵတ်းဝၢတ်ႈၼၼ်ႉလႆႈႁွတ်ႈထိုင်တၢင်းဢၼ်မူတ်းသႂ်ပွၵ်ႈၼိုင်ႈယဝ်ႉၸိုင်ၵမ်းလိုၼ်းၶဝ်တၵ်းဢမ်ႇမီးလွင်ႈဢၼ်တၵ်းလႆႈသၢင်ႇဝူၺ်ႇၵႃႉတြႃးသေဢိတ်းယဝ်ႉ။
၃ ၵူၺ်းၵႃႈၼႂ်းလွင်ႈဢၼ်ပုၵ်ႉၸေႃႇယိၸ်ႉၼၼ်ႉပဵၼ်တၢင်းဢၼ်ႁဵတ်းႁႂ်ႈၶုၵ်းၸႂ်လႆႈၶႆႈၸႂ်ထူပ်းဢပျႅတ်ႈယူႇၵူႈပီႊဢေႃႈ။
၄ လွင်ႈမၼ်းၸမ်း၊လိူတ်ႈဝူဝ်း၊လိူတ်ႈပေႉၸိူဝ်းၼၼ်ႉဢမ်ႇဢဝ်ဢပျႅတ်ႈမူတ်းၵႂႃႇလႆႈ။
၅ ပိူဝ်ႈၼႆလႄႈၸဝ်ႈၶရိၸ်ႉမိူဝ်ႈဢၼ်ၵျွႃးမႃးၼႂ်းလေႃးၵႃႉၼႆႉၼၼ်ႉလၢတ်ႈလႄႈဝႃႈ၊-ဢူဝ်းၽြႃးပဵၼ်ၸဝ်ႈ၊ၸဝ်ႈႁဝ်းဢမ်ႇမီးဢလူဝ်ႇၶႂ်ႈလႆႈယိၸ်ႉၶိူင်ႈပိူင်တၢင်းပုၵ်ႉၸေႃႇတင်းလၢႆတီႈၶႃႈယဝ်ႉ။ၵူၺ်းၵႃႈၸဝ်ႈႁဝ်းမႄးႁႅၼ်းဝႆႉတူဝ်ၶိင်းပုၼ်ႈၵဝ်ၶႃႈတီႈၶႃႈယဝ်ႉ။
၆ ပိူဝ်ႈဢၼ်ၸဝ်ႈႁဝ်းဢမ်ႇထုၵ်ႇၸႂ်ၵျိူၵ်ႈၸႂ်ယိၸ်ႉဢၼ်တုတ်ႇၽႆးဢိၵ်ႇတင်းယိၸ်ႉဢၼ်ၽေႇဢပျႅတ်ႈတင်းလၢႆၼၼ်ႉလႄႈၵဝ်ၶႃႈႁပ်ႉတုင်းဢဝ်မႅၼ်ႈၸွမ်းၵႃႈၼင်ႇဢၼ်ဢဝ်လွင်ႈၵဝ်ၶႃႈတႅမ်ႈဝႆႉၵႃႈၼႂ်းၵဵၼ်ႁမ်းၵျၢမ်းလိၵ်ႈၼၼ်ႉလႄႈဝႃႈ၊-
၇ ၵဝ်ၶႃႈတၵ်းၵႂႃႇႁႂ်ႈလႆႈႁဵတ်းၸွမ်းဢလူဝ်ႇၸဝ်ႈႁဝ်းတီႈၶႃႈဢေႃႈ၊ဝႃႈၼင်ႇၼႆၼၼ်ႉယဝ်ႉတီႈၶႃႈ၊ဝႃႈၼင်ႇၼႆဢေႃႈ။
၈ ၸဝ်ႈၶရိၸ်ႉဢဝ်လွင်ႈဝၢတ်ႈဢၼ်တၵ်းလႆႈႁဵတ်းၸွမ်းၼင်ႇပိင်းၺၢပ်ႈတြႃးၼၼ်ႉသေလႄႈလၢတ်ႈဝႆႉဢွၼ်တၢင်းလႄႈဝႃႈ၊-ၸဝ်ႈႁဝ်းဢမ်ႇမီးဢလူဝ်ႇဢမ်ႇၶႂ်ႈလႆႈဢမ်ႇထုၵ်ႇၸႂ်ၵျိူၵ်ႈၸႂ်ယိၸ်ႉတင်းၶိူင်ႈပုၵ်ႉၸေႃႇတင်းလၢႆဢိၵ်ႇတင်းယိၸ်ႉဢၼ်တုတ်ႇၽႆးယိၸ်ႉဢၼ်ၽေႇဢပျႅတ်ႈတင်းလၢႆၼၼ်ႉတီႈၶႃႈ၊ဝႃႈၼင်ႇၼႆသေယဝ်ႉ၊လၢႆးသမ်ႉၼႂ်းလွင်ႈဢၼ်မၼ်းၸဝ်ႈလဝ်ႈလၢတ်ႈလႄႈဝႃႈ၊-
၉ ဢူဝ်းၽြႃးပဵၼ်ၸဝ်ႈ၊ၵဝ်ၶႃႈတၵ်းၵႂႃႇႁႂ်ႈလႆႈႁဵတ်းၸွမ်းဢလူဝ်ႇၸဝ်ႈႁဝ်းတီႈၶႃႈဢေႃႈ၊ဝႃႈၼင်ႇၼႆၼၼ်ႉ၊မၼ်းၸဝ်ႈပေႇပႅတ်ႈဝၢတ်ႈပထမၼၼ်ႉလႄႈႁႂ်ႈဝၢတ်ႈတုတိယၼၼ်ႉလႆႈတႄႇဢေႃႈ။
၁၀ မႅၼ်ႈၵႃႈၼင်ႇဢလူဝ်ႇၸဝ်ႈၼၼ်ႉလႄႈႁႂ်ႈႁဝ်းႁွတ်ႈထိုင်တၢင်းဢၼ်မူတ်းၸၢင်ႇၵွပ်ႈပိူဝ်ႈတၢင်းဢၼ်ပုၵ်ႉၸေႃႇတူဝ်ၶၼ်ႇထႃႇၸဝ်ႈယေႇသုပွၵ်ႈလဵဝ်ၵူၺ်းၼၼ်ႉဢေႃႈ။
၁၁ ယိတ်ႉပရေႃးႁိၵ်ႈၵူႈပႃးလႆႈၸုၵ်းယူႇလႄႈႁဵတ်းဝၢတ်ႈၵူႈဝၼ်း၊လႆႈပုၵ်ႉၸေႃႇယိၸ်ႉဢၼ်ဢမ်ႇၽေႇဢပျႅတ်ႈလႆႈၼၼ်ႉၶိူဝ်းၶိူဝ်းယႂ်းယႂ်းယူႇဢေႃႈ။
၁၂ ၸဝ်ႈၼၼ်ႉၸမ်းၸႃႉၸဵမ်မိူဝ်ႈဢၼ်ပုၵ်ႉၸေႃႇယိၸ်ႉဢၼ်ၼိုင်ႈဢၼ်ႁႂ်ႈလႆႈၽေႇဢပျႅတ်ႈၼၼ်ႉယဝ်ႉၼၼ်ႉလႄႈမၼ်းၸဝ်ႈၼင်ႈယူႇၵႃႈတီႈၽၢႆႇၶႂႃၽြႃးပဵၼ်ၸဝ်ႈဢေႃႈ။
၁၃ မၼ်းၸဝ်ႈပႂ်ႉထႃႈယူႇတေႃႇထိုင်ႁွတ်ႈရၢၼ်ႇသူႇတင်းလၢႆလႆႈၶၢမ်ႇတၢင်းဢၼ်ၶျႃးဝႆႉႁႂ်ႈလႆႈပဵၼ်တီႈတၢင်ႇတိၼ်မၼ်းၸဝ်ႈၼၼ်ႉဢေႃႈ။
၁၄ လွင်ႈမၼ်းၸမ်းမၼ်းၸဝ်ႈဢဝ်တင်းတၢင်းဢၼ်ပုၵ်ႉၸေႃႇပွၵ်ႈလဵဝ်ၵူၺ်းၼၼ်ႉလႄႈႁဵတ်းႁႂ်ႈၶဝ်ၸိူဝ်းဢၼ်မူတ်းၸၢင်ႇၼၼ်ႉလႆႈဢၵျူဝ်းတၢင်းဢၼ်ၸေးၸုမ်ႇထႃႇဝရႃႉဢေႃႈ။
၁၅ ၼင်ႇၼၼ်လႄႈၼႂ်းလွင်ႈဢၼ်ဝိၺိၺ်ႇမူတ်းၸၢင်ႇၸဝ်ႈပၼ်သၢၵ်ႈသေႇၵႃႈတီႈႁဝ်းၼၼ်ႉၸမ်း၊-
၁၆ ပတိၺိၺ်ႇတြႃးဢၼ်ၵဝ်တၵ်းပၼ်တီႈၶဝ်မိူဝ်ႈၶိင်ႇၵႃႇလႃႉၵမ်းလိုၼ်းၼၼ်ႉၸမ်းၵဝ်ထႃႇဝရႃႉၽြႃးတၵ်းဢဝ်ပိင်းၺၢပ်ႈတြႃးၵဝ်သႂၢင်းသႂ်ႇၵႃႈၼႂ်းဝိၺိၺ်ႇၶဝ်ဢေႃႈတၵ်းတႅမ်ႈသႂ်ႇဝႆႉၵႃႈၼိူဝ်ႁူဝ်ၸႂ်ၶဝ်ဢေႃႈ၊
၁၇ ဝႃႈၼင်ႇၼႆဝႆႉဢွၼ်တၢင်းသေယဝ်ႉ၊လၢႆးသမ်ႉမီးဢမိင်ႉဝႃႈ၊-ၵဝ်တၵ်းဢမ်ႇမၢတ်ႈတွင်းဝႆႉတၢင်းဢၼ်ၶဝ်ၽိတ်းပိူင်ႈပူၼ်ႉလိူဝ်တင်းလၢႆၼၼ်ႉ၊ဝႃႈၼင်ႇၼႆဢေႃႈ။
၁၈ ပေႃးမီးတၢင်းဢၼ်ပွႆႇလွတ်ႈဢပျႅတ်ႈယဝ်ႉၸိုင်ၵမ်းလိုၼ်းလွင်ႈဢၼ်တၵ်းလႆႈႁဵတ်းတၢင်းပုၵ်ႉၸေႃႇဢၼ်တၵ်းပွႆႇလွတ်ႈဢပျႅတ်ႈၼၼ်ႉဢမ်ႇမီးယဝ်ႉ။
ႁႂ်ႈတၢင်းယုမ်ႇမၢတ်ႈမၼ်ႈၶိူင်ႇ
၁၉ ပိူဝ်ႈၼႆလႄႈပီႈၼွင်ႉၶဝ်ဢိူၺ်း၊ၵွပ်ႈပိူဝ်ႈႁဝ်းဢိင်လိူတ်ႈၸဝ်ႈယေႇသုလႄႈမီးဢၶႂၢင်ႉဢၼ်ၸွမ်းၼႂ်းသဵၼ်ႈတၢင်းဢၼ်မႂ်ႇ၊ဢၼ်မီးဢသၢၵ်ႈ၊ဢၼ်မၼ်းၸဝ်ႈပွင်ႁဵတ်းပွင်မႄးဝႆႉလႄႈလွတ်ႈပွင်ႇၽႃႈၵင်ႈဢၼ်ပဵၼ်တူဝ်ၶိင်းမၼ်းၸဝ်ႈၼၼ်ႉၵႂႃႇလႄႈ
၂၀ ႁတ်းၶဝ်ႈၸူးၵႃႈၼႂ်းထႃႇၼႃႉတီႈမူတ်းၸၢင်ႇဢိၵ်ႇတင်းၵွပ်ႈပိူဝ်ႈဢၼ်မီးၶုၼ်ယိတ်ႉပရေႃးႁိၵ်ႈဢၼ်ဢုပ်ႉႁိူၼ်းၽြႃးပဵၼ်ၸဝ်ႈယူႇလႄႈ
၂၁ ႁဝ်းမီးသၽေႃးဢၼ်တဵမ်ဝႆႉတင်းသႅတ်ႈၸႃႇလႄႈတႄႇယူႇၼႂ်းတၢင်းဢၼ်ယုမ်ႇမၢတ်ႈဢၼ်ၵၢင်းလွတ်ႈတင်းဝိၸိၵိၵ်ႉသႃႇယူႇသေလႄႈၶၢမ်ႇတၢင်းဢၼ်
၂၂ ဢဝ်လိူတ်ႈၽႅတ်းသႂ်ႇႁႂ်ႈလႆႈၵၢင်းလွတ်ႈတင်းသၢင်ႇဝူၺ်ႇၵႃႉတြႃးဢိၵ်ႇတင်းတၢင်းဢၼ်ဢဝ်ၼမ်ႉဢၼ်သႂ်လီသုၵ်ႈပွတ်ႈတူဝ်ၵႃႇယႃႉႁဝ်းသေယဝ်ႉၶဝ်ႈသုတ်ႉၸပ်းသုတ်ႉၸူးၵႃႈတီႈၸဝ်ႈၼၼ်ႉတႃႉႁဝ်း။
၂၃ ႁပ်ႉတုင်းဢဝ်လွင်ႈတၢင်းဢၼ်မုင်ႈထႃႈမွင်းထႃႈၼၼ်ႉသေယဝ်ႉယင်းဢမ်ႇၶၢႆႉဢမ်ႇပုတ်ႈဢမ်ႇသုတ်ႈဢမ်ႇယွမ်းလႄႈတႄႇယူႇတႃႉႁဝ်း။
၂၄ လွင်ႈမၼ်းၸမ်းၸဝ်ႈဢၼ်ဝႆႉၵတိၼၼ်ႉတဵမ်ဝႆႉတင်းသႅတ်ႈၸႃႇယူႇဢေႃႈ။လိူဝ်သေၼၼ်ႉၵေႃႉၼိုင်ႈလႄႈၵေႃႉၼိုင်ႈၶႆႈၸႂ်လူတူၺ်းၵၼ်လႄႈႁႃဢဝ်ဢၶႂၢင်ႉဢၼ်တၵ်းလႆႈတိုၵ်းယူင်းၵၼ်၊ႁႂ်ႈလႆႈမီးၸႂ်မႅတ်ႈတႃႇဢိၵ်ႇတင်းႁႂ်ႈလႆႈၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢၼ်ငၢမ်းတႃႉႁဝ်း။
၂၅ ၸွမ်းၵႃႈၼင်ႇဢၼ်မီးထုင်းၸၢမ်ႇၵူၼ်းၵမ်ႈၽွင်ႈၼၼ်ႉယႃႇပဝေႄႈပႅတ်ႈလွင်ႈတၢင်းဢၼ်ၼင်ႇၵၼ်ၵၼ်ၸူႉၵၼ်တုမ်ၵၼ်ၼၼ်ႉလႄႈၵေႃႉၼိုင်ႈလႄႈၵေႃႉၼိုင်ႈတိုၵ်းယူင်းပၼ်ႁႅင်းၵၼ်တႃႉ။ပိူဝ်ႈဢၼ်ထွၵ်ႈလူၺ်ႈၶိင်ႇၵႃႇလႃႉၸမ်တၵ်းႁွတ်ႈမႃးၼၼ်ႉလႄႈယဵင်ႈၶႅၼ်းၵႆႉၶတ်းၸႂ်တႃႉ။
၂၆ ပေႃးႁဝ်းႁူႉၸႅင်ႈသမ်ႇမႃႇတြႃးယဝ်ႉသေယဝ်ႉသမ်ႉၸွမ်းဢလူဝ်ႇတူဝ်ၸဝ်ႈၵဝ်ႇသေလႄႈၶိုၼ်းၽိတ်းပိူင်ႈထႅင်ႈၸိုင်၊ၵမ်းလိုၼ်းယိတ်ႉဢၼ်တၵ်းပုၵ်ႉၸေႃႇႁႂ်ႈၽေႇဢပျႅတ်ႈၼၼ်ႉဢမ်ႇၵိုတ်းဢမ်ႇၵျၢၼ်ႇသင်ယဝ်ႉလႄႈ
၂၇ မီးလွင်ႈဢၼ်တၵ်းလႆႈလီၵူဝ်လီႁႄၼႃႇလူင်လၢင်ဢၼ်တၵ်းလႆႈၶၢမ်ႇတၢင်းဢၼ်ၸီႇယၢင်ႇပၼ်တၢမ်ႇဢိၵ်ႇတင်းတၵ်းလႆႈၶၢမ်ႇတၢင်းဢၼႆ်းၸႂ်မႆႈၸဝ်ႈတုတ်ႇယႃႉပႅတ်ႈၶဝ်ၸိူဝ်းဢၼ်ႁဵတ်းၶတ်းၼၼ်ႉဢေႃႈ။
၂၈ ၵေႃႉဢၼ်ပႄႇပႅတ်ႈတြႃးမုဝ်းသေႇၼၼ်ႉပေႃးမီးၵူၼ်းၶၢမ်ႇသၢၵ်ႈသေႇသွင်ၵေႃႉသၢမ်ၵေႃႉၸိုင်ယင်းဢမ်ႇလႆႈၶၢမ်ႇတၢင်းဢၼ်ဢိတ်းလူလႄႈတၵ်းလႆႈတၢႆဢေႃႈ။
၂၉ ၵေႃႉဢၼ်ဢဝ်တိၼ်ယဵပ်ႇၶၢမ်ႈလုၵ်ႈၽြႃးပဵၼ်ၸဝ်ႈယူႇ၊သေႉသွမ်းၵႃႈၼိူဝ်လိူတ်ႈပတိၺိၺ်ႇတြႃးၸဝ်ႈဢၼ်ႁႂ်ႈတူဝ်ၸဝ်ႈၵဝ်ႇမူတ်းၸၢင်ႇၼၼ်ႉလႄႈႁဵတ်းဢမ်ႇၼပ်ႉဢမ်ႇၶၢၼ်းတီႈဝိၺိၺ်ႇမူတ်းၸၢင်ႇၸဝ်ႈဢၼ်ၸၢင်ႊပၼ်သူႉၵျေးၸူးၼၼ်ႉတၵ်းလႆႈၶၢမ်ႇတၢမ်ႇယႂ်ႇၼႃႇလူင်လၢင်ၵုႈႁိုဝ်။
၃၀ ႁဝ်းႁူႉၸဝ်ႈဢၼ်မီးဢမိင်ႉဝႃႈ၊-ပဵၼ်ၶိင်ႇဢၼ်တၵ်းတွပ်ႇတႅၼ်းပၼ်ၸွမ်းၼင်ႇဢၼ်ဢပျႅတ်ႈမီးၼၼ်ႉဢေႃႈ။ၵဝ်တၵ်းတွပ်ႇတႅၼ်းဢေႃႈ။သမ်ႉဝႃႈထႅင်ႈ၊-ထႃႇဝရႃႉၽြႃးတၵ်းၸီႇယၢင်ႇတြႃးၵူၼ်းမၼ်းၸဝ်ႈတင်းလၢႆဢေႃႈ၊ဢၼ်ဝႃႈၼၼ်ႉဢေႃႈ။
၃၁ တၢင်းဢၼ်တူၵ်းႁွတ်ႈၵႃႈၼႂ်းမိုဝ်းၽြႃးပဵၼ်ၸဝ်ႈဢၼ်ဢသၢၵ်ႈလိပ်းယူႇလႄႈၸီႇယၢင်ႇၼၼ်ႉပဵၼ်ဢၼ်လီၵူဝ်လီႁႄၼႃႇလူင်လၢင်ဢေႃႈ။
၃၂ ၶုၵ်းၸႂ်လႆႈၶႆႈၸႂ်ထူပ်းၶိင်ႇၵႃႇလႃႉမိူဝ်ႈဢွၼ်ဢၼ်သူလႆႈႁပ်ႉဢဝ်ဢၼ်လႅင်းၼၼ်ႉလႄႈသူၸုၵ်းၶၢမ်ႇတုၵ်ႉၶႃႉဝူၺ်ႇတၼႃႇ
၃၃ ဢၼ်ယႂ်ႇၼႃႇဢၼ်သေႉသွၼ်းၼိၵ်ႈၸၢၵ်ႈငႅၼ်းသေးၽၢႆႇၼႃႈပိူၼ်ႈၸိူဝ်းၼၼ်ႉတႃႉ။
၃၄ သူမီးၸႂ်ဢိတ်းလူၶဝ်ၸိူဝ်းဢၼ်လႆႈၶၢမ်ႇတူၵ်းၵႅၼ်းၼၼ်ႉလႄႈမီးၸႂ်ဢၼ်မူၼ်ႈပျေႃႇလႄႈၶၢမ်ႇဢဝ်တၢင်းဢၼ်ပိူၼ်ႈႁိမ်ဢဝ်ဢုၵ်ႉၸႃႇၶူဝ်းလဵင်းသူၼၼ်ႉသေလႄႈႁူႉလွင်ႈဢၼ်ဝႃႈသူမီးထႃႇဝရႃႉၽၼ်ႇတႃႇဢၼ်ယဵင်ႈၶႅၼ်းမျၢတ်ႈၼႃႇပုၼ်ႈတူဝ်ၸဝ်ႈၵဝ်ႇၼၼ်ႉတႃႉ။
၃၅ ပိူဝ်ႈၼႆလႄႈယႃႇပေပႅတ်ႈဝႆႉတၢင်းဢၼ်ၸႂ်သူႁတ်းႁၢၼ်ဢၼ်ၸၢပ်ႈသႅင်ႇၵၼ်တင်းဢၵျူဝ်းဢၼ်ယႂ်ႇၼႃႇၼၼ်ႉ။
၃၆ သူႁဵတ်းၸွမ်းဢလူဝ်ႇၽြႃးပဵၼ်ၸဝ်ႈသေယဝ်ႉလွင်ႈၼင်ႇႁိုဝ်တၵ်းလႆႈဢၵျူဝ်းၵႃႈၼင်ႇဢၼ်ၵတိၸဝ်ႈမီးၼၼ်ႉၸိုင်သူတၵ်းလႆႈမီးၸႂ်တၢင်းဢၼ်ယိူၼ်ႉၶၢမ်ႇဢေႃႈ။
၃၇ ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်း၊ဢၼ်မီးမႃးလႄႈဝႃႈ၊-ၵေႃႉဢၼ်တၵ်းမႃးၼၼ်ႉယင်းဢမ်ႇၵိုတ်းဢမ်ႇသဝ်းဢမ်ႇထိူင်းဢမ်ႇၼၢၼ်းလႄႈတၵ်းႁွတ်ႈမႃးဢေႃႈ။
၃၈ ၵေႃႉဢၼ်သိုဝ်ႈတေႃႇၼၼ်ႉဢသၢၵ်ႈတၵ်းလိပ်းၵွပ်ႈပိူဝ်ႈတၢင်းယုမ်ႇမၢတ်ႈဢေႃႈ။ၸႂ်ဝိၺိၺ်ႇၵဝ်ဢမ်ႇထုၵ်ႇၸႂ်ၵျိူၵ်ႈၸႂ်တီႈၵေႃႉဢၼ်သုတ်ႈယွမ်းၵႂႃႇၼၼ်ႉ၊ဝႃႈၼင်ႇၼႆဢေႃႈ။
၃၉ ၵူၺ်းၵႃႈႁဝ်းၸမ်းပဵၼ်ၵေႃႉဢၼ်သုတ်ႈယွမ်းၵႂႃႇႁႂ်ႈလႆႈႁွတ်ႈတၢင်းလူႉတၢင်းလႅဝ်ဢမ်ႇၸႂ်ႈ။ပဵၼ်ၵေႃႉဢၼ်ယုမ်ႇမၢတ်ႈႁႂ်ႈၸႂ်ဝိၺိၺ်ႇႁွတ်ႈထိုင်တၢင်းဢၼ်ၵႄႇၶျွတ်ႈဢဝ်ၼၼ်ႉဢေႃႈ။
ထမ်ႇမႃႉ ၵျၢမ်းၵဝ်ႇ
ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ
ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ
လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ ပျႃႇတိၵ်ႉယူႇပႃႇရုင်ႇဢေႃႇပတိ
ၵျၢမ်းဢၼႃႇၵၢတ်ႈတိမိၶႃႇ ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး ၵျၢမ်းဢၼႃႇၵၢတ်ႈတိၸႃႇၶရိ
ထမ်ႇမႃႉ ၵျၢမ်းမႂ်ႇ
ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃ:ရဵၼ်ႇထုၽိုၼ်တုတိယ လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ ၵျၢမ်းပျႃႇတိၵ်ႈ