Shan Missions

လိၵ်ႈဢေႃးဝႃႇတႃႉႁေႇပြႄး

Chapter          ၁          ၂          ၃          ၄          ၅          ၆          ၇          ၈          ၉          ၁၀          ၁၁          ၁၂          ၁၃         

၁၁

တၢင်းယုမ်ႇမၢတ်ႈ

၁ တၢင်းဢၼ်ယုမ်ႇမၢတ်ႈၸမ်းပဵၼ်တၢင်းဢၼ်တမ်းၸႂ်ၼႂ်းလွင်ႈတၢင်းၸိူဝ်းဢၼ်မုင်ထႃႈမွင်းထႃႈဢၼ်ႁူႉၸႅင်ႈၸွႆးၸပ်းလွင်ႈတၢင်းၸိူဝ်းဢၼ်ဢမ်ႇပႆႇလႆႈႁၼ်ၼၼ်ႉဢေႃႈ။

၂ ၵွပ်ႈပိူဝ်ႈပႃႇရမီႇၼၼ်ႉလႄႈၵူၼ်းၵဝ်ႇမိူဝ်ႈဢွၼ်ၼႆႉၸိူဝ်းၼၼ်ႉလႆႈၶၢမ်ႇတၢင်းဢၼ်မၼ်းၸဝ်ႈယွင်ႈယေႃးဢေႃႈ။

၃ ၵွပ်ႈပိူဝ်ႈတၢင်းဢၼ်ယုမ်ႇမၢတ်ႈလႄႈႁဝ်းႁူႉလွင်ႈဢၼ်ဝႃႈၶိူင်ႈပိူင်ဢၼ်လႆႈႁၼ်ယူႇတေႃႈလဵဝ်ၸိူဝ်းၼႆႉပဵၼ်တၢင်းဢၼ်ၼုၵ်ႉၵပၢတ်ႈၽြႃးပဵၼ်ၸဝ်ႈၽၢၼ်ႇသၢင်းႁဵတ်းပဵၼ်မႃးလႄႈၶိူင်ႈပိူင်ဢၼ်တူၺ်းႁၼ်ယူႇၸိူဝ်းၼႆႉၵေႃႈဢမ်ႇၸႂ်ဝႃႈဢဝ်တင်းၶိုင်ႈပိူင်ဢၼ်ႁၼ်လႆႈၼၼ်ႉလႄႈႁဵတ်းပဵၼ်မႃးၼၼ်ႉဢေႃႈ။

တၢင်းယုမ်ႇမၢတ်ႈပူႇမွၼ်ႇ

၄ ၵွပ်ႈပိူဝ်ႈတၢင်းယုမ်ႇမၢတ်ႈလႄႈဢႃႇပေႇလပုၵ်ႉၸေႃႇယိၸ်ႉဢၼ်ယဵင်ႈၶႅၼ်းမျၢတ်ႈၼႃႇသယေိၸ်ႉဢၼ်ၵႃႇဢိၼပုၵ်ႉၸေႃႇတီႈၽြႃးပဵၼ်ၸဝ်ႈၼၼ်ႉဢေႃႈ။ၵွပ်ႈပိူဝ်ႈမၼ်းပုၵ်ႉၸေႃႇယိၸ်ႉၸိူဝ်ႉၼင်ႇၼၼ်လႄႈမၼ်းလႆႈၶၢမ်ႇတၢင်းဢၼ်မၢတ်ႈပဵၼ်ၵူၼ်းသိုဝ်ႈတေႃႇဢေႃႈ။ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်းၽြႃးပဵၼ်ၸဝ်ႈႁပ်ႉတုင်းဢဝ်တၢင်းဢၼ်မၼ်းပုၵ်ႉၸေႃႇၼၼ်ႉဢေႃႈ။ၵွပ်ႈႁွႆးၼႆႉလႄႈပဵၵ်ႉသမ်ႉမၼ်းတၢႆၵႂႃႇယဝ်ႉသေၵေႃႈတေႃႈလဵဝ်ၼႆႉမၼ်းယင်းႁေႃးလၢတ်ႈတြႃးယူႇၸွမ်းလူၺ်ႈတၢင်းယုမ်ႇမၢတ်ႈမၼ်းၼၼ်ႉဢေႃႈ။

၅ ၵွပ်ႈပိူဝ်ႈတၢင်းယုမ်ႇမၢတ်ႈလႄႈဢေးၼွၵ်ႉၼၼ်ႉလႆႈၶၢမ်ႇတၢင်းဢၼ်ဢဝ်ၵႂႃႇၵႃႈၼႂ်းၸၢတ်ႈၼႃႈႁႂ်ႈလႆႈၵၢင်းလွတ်ႈတင်းတၢင်းတၢႆဢေႃႈ။ပိူဝ်ႈဢၼ်ၽြႃးပဵၼ်ၸဝ်ႈဢဝ်မၼ်းၶၢမ်ႈၵႂႃႇၵႃႈၼႂ်းၸၢတ်ႈၼႃႈလႄႈမၼ်းဢမ်ႇလႆႈႁၼ်တၢင်းတၢႆ။ၵမ်းလိုၼ်းၵေႃႈဢမ်ႇလႆႈထူပ်းလႆႈႁၼ်မၼ်း။လွင်ႈမၼ်းၸမ်းၽြႃးပဵၼ်ၸဝ်ႈႁွင်ႉဢဝ်မၼ်းၵႂႃႇဢေႃႈ။ၸူဝ်ႈဢၼ်မၼ်းဢမ်ႇပႆႇၶၢမ်ႈၵႂႃႇၵႃႈၼႂ်းၸၢတ်ႈၼႃႈၼၼ်ႉမၼ်းလႆႈၶၢမ်ႇတၢင်းဢၼ်မၼ်းၸဝ်ႈၶၢမ်ႇသၢၵ်ႈသေႇဝႃႈမၼ်းပဵၼ်ၵေႃႉဢၼ်ထုၵ်ႇၸႂ်ၽြႃးပဵၼ်ၸဝ်ႈဢေႃႈ။

၆ ပေႃးဢမ်ႇမီးတၢင်းယုမ်ႇမၢတ်ႈၸိုင်ဢမ်ႇထုၵ်ႇၸႂ်ၽြႃးပဵၼ်ၸဝ်ႈလႆႈ။လွင်ႈမၼ်းၸမ်းၵေႃႉဢၼ်သုတ်ႉၸပ်းသုတ်ႉၸူးၵႃႈတီႈၽြႃးပဵၼ်ၸဝ်ႈၼၼ်ႉတၵ်းလႆႈယုမ်ႇမၢတ်ႈလွင်ႈဢၼ်ဝႃႈ၊-ၽြႃးပဵၼ်ၸဝ်ႈမီးယူႇ။မၼ်းၸဝ်ႈပၼ်ဢၵျူဝ်းတီႈၶဝ်ၸိူဝ်းဢၼ်ႁႃမၼ်းၸဝ်ႈယူႇဢၼ်ဝႃႈၼၼ်ႉဢေႃႈ။

၇ ၵွပ်ႈပိူဝ်ႈတၢင်းယုမ်ႇမၢတ်ႈလႄႈၼုဝ်းဢႃႇလႆႈၶၢမ်ႇပျႃႇတိၵ်ႈၸဝ်ႈဢၼ်ၽုၺ်ႇဢွၵ်ႇၼႄပျႃးလွင်ႈတၢင်းဢၼ်ဢမ်ႇပႆႇလႆႈႁၼ်ၸိူဝ်းၼၼ်ႉသေယဝ်ႉမီးၸႂ်ဢၼ်ၵူဝ်ႁႄလႄႈတႄႇႁဵတ်းႁိူဝ်းသၢင်းၽေႃးၼင်ႇႁိုဝ်တၵ်းလႆႈၵႄႇၶျွတ်ႈဢဝ်ၵူၼ်းႁိူၼ်းၵူၼ်းယေးမၼ်းၼၼ်ႉဢေႃႈ။မၼ်းတၢင်ႇဢပျႅတ်ႈၵႃႈၼိူဝ်ၵူၼ်းလေႃးၵီႇတင်းလၢႆလႄႈပဵၼ်ၵေႃႉဢၼ်ၶၢမ်ႇဢမူၺ်ႇတၢင်းဢၼ်သိုဝ်ႈတေႃႇဢၼ်ၸၢပ်ႈသႅင်ႇၵၼ်တင်းတၢင်းယုမ်ႇမၢတ်ႈၼၼ်ႉဢေႃႈ။

၈ ၵွပ်ႈပိူဝ်ႈတၢင်းယုမ်ႇမၢတ်ႈလႄႈဢႃႇပြႁၢမ်ႇၼၼ်ႉမိူဝ်ႈဢၼ်ၽြႃးပဵၼ်ၸဝ်ႈႁွင်ႉဢဝ်မၼ်းဢွၵ်ႇၵႂႃႇၸူးၵႃႈတီႈမိူင်းဢၼ်တၵ်းလႆႈၶၢမ်ႇဢမူၺ်ႇၼၼ်ႉၸိုင်မၼ်းယင်းဢမ်ႇႁူႉလွင်ႈဢၼ်တူဝ်ၸဝ်ႈၵဝ်ႇတၵ်းၵႂႃႇတီႈလႂ်တၢင်းလႂ်ၼၼ်ႉသေၵေႃႈမၼ်းထွမ်ႇဢဝ်လႄႈၵႂႃႇဢေႃႈ။

၉ ၵွပ်ႈပိူဝ်ႈတၢင်းယုမ်ႇမၢတ်ႈလႄႈမၼ်းလႆႈပဵၼ်ၶႅၵ်ႇယူႇၵႃႈၼႂ်းမိူင်းဢၼ်ၸၢပ်ႈသႅင်ႇၵၼ်တင်းၵတိၸဝ်ႈမိူၼ်ၸိူဝ်ႉၼင်ႇၶႅၵ်ႇဢၼ်ယူႇၵႃႈၼႂ်းမိူင်းဢၼ်ပိူၼ်ႈဢုပ်ႉပိူင်ႇၼၼ်ႉဢေႃႈ။မၼ်းယူႇၵႃႈၼႂ်းသုမ်ႉထဵင်လူၺ်ႈၵၼ်တင်းဢိၸၢၵ်ႉတင်းယႃႇၵုပ်ႉဢၼ်ပဵၼ်ၶဝ်ၸိူဝ်းဢၼ်တၵ်းလႆႈၶၢမ်ႇဢမူၺ်ႇၵတိၸဝ်ႈၼၼ်ႉဢေႃႈ။

၁၀ လွင်ႈမၼ်းၸမ်းမၼ်းမုင်ႈထႃႈမွင်းထႃႈဝဵင်းဢၼ်မၼ်ႈၶိူင်ႇဢၼ်ၽြႃးပဵၼ်ၸဝ်ႈတႄႇႁဵတ်းမႄးႁဵတ်းဝႆႉၼၼ်ႉဢေႃႈ။

၁၁ ၵွပ်ႈပိူဝ်ႈတၢင်းယုမ်ႇမၢတ်ႈမၼ်းလႄႈမေးမၼ်းၸႃႇရႃႇၼၼ်ႉလႆႈၶၢမ်ႇဢဝ်ဢၶႂၢင်ႉဢၼ်ပႃးပတိၵ်ႉသၼ်ႇထေႇၼႂ်းမိူဝ်ႈဢၼ်ဢသၢၵ်ႈဢရွႆႇမၼ်းပေႃးပူၼ်ႉၵႂႃႇယဝ်ႉၼၼ်ႉဢေႃႈ။လွင်ႈမၼ်းၸမ်းမၼ်းမၢတ်ႈၸဝ်ႈဢၼ်ဝႆႉၵတိၼၼ်ႉမီးသႅတ်ႈၸႃႇဢေႃႈ။

၁၂ ပိူဝ်ႈဢၼ်ပဵၼ်ၸိူဝ်ႉၼင်ႇၼၼ်လႄႈၵူၼ်းၵေႃႉၼိုင်ႈဢၼ်မိူၼ်ၸိူဝ်ႉၼင်ႇတၢႆယဝ်ႉၼၼ်ႉပဵၼ်ပေႃႈၵူၼ်းဢၼ်ၼမ်ၵိုၼ်းၼႃႇလူင်လၢင်မိူၼ်ၸိူဝ်ႉၼင်ႇလၢဝ်ၵၢင်ႁၢဝ်တင်းလၢႆမိူၼ်ၸိူဝ်ႉၼင်ႇမဵတ်ႉသၢႆးႁိမ်းၼမ်ႉသမ်ႇမုၵ်ႉတြႃႇဢၼ်ဢမ်ႇၼပ်ႉဢမ်ႇဢၢၼ်ႇလႆႈၼၼ်ႉဢေႃႈ။

၁၃ ၶဝ်ၸိူဝ်းဢၼ်ဝႃႈမႃးယဝ်ႉၸိူဝ်းၼၼ်ႉယင်းဢမ်ႇပႆႇလႆႈႁပ်ႉၶၢမ်ႇဢဝ်ၵျေးၸူးဢၼ်ၸၢပ်ႈသႅင်ႇၵၼ်တင်းၵတိၸဝ်ႈၼၼ်ႉလႄႈတၢႆၵႂႃႇၼႂ်းတၢင်းယုမ်ႇမၢတ်ႈၼၼ်ႉသေၵေႃႈယႃႇၶဝ်လႆႈယူႇတီႈၵႆသေလႄႈမုင်ႁၼ်ယူႇဢဝ်တင်းႁူဝ်ၸႂ်ၵွတ်ႇဢုမ်ႈယူႇလႄႈၶဝ်ႁပ်ႉတုင်းဢဝ်လွင်ႈဢၼ်ဝႃႈတူဝ်ၸဝ်ႈၵဝ်ႇပဵၼ်ၵူၼ်းတၢင်ႇဝၢၼ်ႈတၢင်ႇမိူင်းၶႅၵ်ႇဢႃႇၵၼ်ႇတူႉၵႃႈၼိူဝ်လိၼ်မိူင်းၼႆႉၼၼ်ႉဢေႃႈ။

၁၄ ၶဝ်ၸိူဝ်းဢၼ်ႁပ်ႉတုင်းဢဝ်ၸိူဝ်ႉၼင်ႇၼၼ်ၼၼ်ႉၼႄပျႃးလွင်ႈဢၼ်ၶဝ်ႁႃမိူင်းၶဝ်ၼၼ်ႉယူႇဢေႃႈ။

၁၅ ပေႃးၶဝ်ၶုၵ်းၸႂ်လႆႈၶႆႈၸႂ်ထူပ်းမိူင်းဢၼ်ၶဝ်ဢွၵ်ႇမႃးမိူဝ်ႈဢွၼ်တၢင်းၼၼ်ႉၸိုင်ၶဝ်မီးဢၶႂၢင်ႉဢၼ်လႆႈၶိုၼ်းမိူဝ်းၸူးၵႃႈတီႈမိူင်းၼၼ်ႉယူႇဢေႃႈ။

၁၆ ၵူၺ်းၵႃႈတေႃႈလဵဝ်ၼႆႉၶဝ်မီးၸႂ်ဢၼ်တူၵ်းဢၢင်ႈၶႂ်ႈလႆႈမိူင်းဢၼ်ယဵင်ႈၶႅၼ်းမျၢတ်ႈဢၼ်ပဵၼ်မိူင်းၵၢင်ႁၢဝ်ၼၼ်ႉဢေႃႈ။ပိူဝ်ႈၼႆလႄႈၽြႃးပဵၼ်ၸဝ်ႈဢမ်ႇဢူၵ်းဢမ်ႇဢၢႆလွင်ႈဢၼ်လႆႈၶၢမ်ႇတၢင်းဢၼ်ႁွင်ႉဝႃႈပဵၼ်ၽြႃးၶဝ်ၼၼ်ႉ။

၁၇ လွင်ႈမၼ်းၸမ်းမၼ်းၸဝ်ႈတႄႇႁဵတ်းဝဵင်းပုၼ်ႈဢၼ်ၶဝ်တၵ်းယူႇၼၼ်ႉဝႆႉယဝ်ႉ။

ၵွပ်ႈပိူဝ်ႈတၢင်းယုမ်ႇမၢတ်ႈလႄႈဢႃႇပြႁၢမ်ႇဢဝ်ဢိၸၢၵ်ႉပုၵ်ႉၸေႃႇၼႂ်းမိူဝ်ႈဢၼ်မၼ်းလႆႈၶၢမ်ႇတၢင်းဢၼ်ၽြႃးပဵၼ်ၸဝ်ႈၸၢမ်းတူၺ်းၼၼ်ႉဢေႃႈ။ၵေႃႉဢၼ်လႆႈၶၢမ်ႇဢဝ်ပျႃႇတိၵ်ႈၸဝ်ႈၼမ်ၼႃႇၼၼ်ႉဢဝ်လုၵ်ႈတူဝ်ၸဝ်ႈၵဝ်ႇၵေႃႉလဵဝ်ၵူၺ်းၼၼ်ႉပုၵ်ႉၸေႃႇဢေႃႈ။

၁၈ လွင်ႈဢၼ်ဢႃႇပြႁၢမ်ႇမီးပျႃႇတိၵ်ႈၸဝ်ႈဝႆႉပႃးၼိုင်ႈလႄႈဝႃႈၸမ်း၊-ၸိူဝ်ႉၶိူဝ်းမႂ်းတၵ်းတႄႇၼႂ်းဢိၸၢၵ်ႉၵူၺ်းဢေႃႈ၊ဝႃႈၼင်ႇၼႆၼၼ်ႉဢေႃႈ။

၁၉ မိူဝ်ႈဢၼ်မၼ်းပုၵ်ႉၸေႃႇၸိူဝ်ႉၼင်ႇၼၼ်ၼၼ်ႉၸိုင်မၼ်းၶုၵ်းၸႂ်လႆႈၶႆႈၸႂ်ထူပ်းလွင်ႈဢၼ်ၽြႃးပဵၼ်ၸဝ်ႈတတ်ႈၼိုင်ႇႁဵတ်းႁႂ်ႈလုၵ်ႉၵႃႈတၢင်းတၢႆၶိုၼ်းလိပ်းၼၼ်ႉယူႇဢေႃႈ။ၸွမ်းၼင်ႇၵႂၢမ်းဢူႉပမႃႇၸမ်းမၼ်းလႆႈလုၵ်ႈမၼ်းၵႃႈၼႂ်းတင်းတၢႆဢေႃႈ။

၂၀ ၵွပ်ႈပိူဝ်ႈတၢင်းယုမ်ႇမၢတ်ႈလႄႈဢိၸၢၵ်ႉဢဝ်လွင်ႈတၢင်းဢၼႃႇၵၢတ်ႈပၼ်တၢင်းလီတီႈယႃႇၵုပ်ႉတင်းဢေးသေႃးဢေႃႈ။

၂၁ ၵွပ်ႈပိူဝ်ႈတၢင်းယုမ်ႇမၢတ်ႈလႄႈယႃႇၵုပ်ႉၼၼ်ႉမိူဝ်ႈဢၼ်ၸမ်ၶိင်ႇဢၼ်မၼ်းတၵ်းတၢႆၼၼ်ႉမၼ်းပၼ်တၢင်းလီတီႈလုၵ်ႈၸၢႆးယုဝ်းသႅပ်ႉသွင်ၵေႃႉၼၼ်ႉလႄႈၵူဝ်းၵႂၢႆႇၵႃႈၼိူဝ်ပၢႆၶွၼ်ႉတဝ်ႉမၼ်းဢေႃႈ။

၂၂ ၵွပ်ႈပိူဝ်ႈတၢင်းယုမ်ႇမၢတ်ႈလႄႈယုဝ်းသႅပ်ႉၼၼ်ႉမိူဝ်ႈဢၼ်ဢသၢၵ်ႈမၼ်းသုတ်းၼၼ်ႉမၼ်းမွၵ်ႇၼႄလွင်ႈတၢင်းဢၼ်ၵူၼ်းမဵဝ်းဢိသရေႇလတင်းလၢႆလႆႈဢွၵ်ႇၵႂႃႇၼၼ်ႉသေလႄႈသင်ႇလၢတ်ႈဝႆႉလွင်ႈဢၼ်တၵ်းလႆႈသၢင်းၵျူဝ်ႇမၼ်းၸိူဝ်ႉၼင်ႇႁိုဝ်ၼၼ်ႉဢေႃႈ။

၂၃ ၵွပ်ႈပိူဝ်ႈတၢင်းယုမ်ႇမၢတ်ႈလႄႈပေႃႈမေႈမုဝ်းသေႇၵိူတ်ႇလဵင်ႉမၼ်းမႃးသေယဝ်ႉပိူဝ်ႈဢၼ်ႁၼ်မၼ်းပဵၼ်လုၵ်ႈဢွၼ်ႇဢၼ်ႁၢင်ႊလီၼၼ်ႉလႄႈယင်းဢမ်ႇၵူဝ်ဢမိင်ႉၶုၼ်ႁေႃၶမ်းလႄႈဢဝ်မၼ်းသိူင်ႇဝႆႉသၢမ်လိူၼ်တဵမ်တဵမ်ဢေႃႈ။

၂၄ ၵွပ်ႈပိူဝ်ႈတၢင်းယုမ်ႇမၢတ်ႈလႄႈမုဝ်းသေႇၼၼ်ႉမိူဝ်ႈဢၼ်ဢသၢၵ်ႈယႂ်ႇမႃးယဝ်ႉၼၼ်ႉၸိုင်ပႄႇပႅတ်ႈဢၶႂၢင်ႉဢၼ်လႆႈၶၢမ်ႇႁွင်ႉပဵၼ်လုၵ်ႈၸၢႆးၵႃႈတီႈလုၵ်ႈယိင်းၶုၼ်ႁေႃၶမ်းၽႃႇရေႃးၼၼ်ႉလႄႈ

၂၅ ယဵင်ႈၶႅၼ်းမီးၸႂ်ဢၼ်ၶႂ်ႈၶၢမ်ႇတုၵ်ႉၶႃႉတၢင်းၽၢၼ်လူၺ်ႈၵၼ်တင်းၵူၼ်းၽြႃးပဵၼ်ၸဝ်ႈတင်းလၢႆၼႃႇသေတၢင်းဢၼ်ၸၢမ်ႇၸႃးၵႃႇမၵုင်ႇဢၼ်မီးဢပျႅတ်ႈၼၼ်ႉဢမ်ႇၵႃးၵွပ်ႈပိူဝ်ႈဢၼ်ထၢင်ႇၼႂ်းၸႂ်လႄႈဝႃႈ၊-

၂၆ တုၵ်ႉၶႃႉတင်းဢၼ်သေႉသွမ်းၵွပ်ႈပိူဝ်ႈၸဝ်ႈၵႄႇၶျွတ်ႈဢၼ်တၵ်းမႃးၼၼ်ႉပဵၼ်ၸေးၸိမ်ႇဢၼ်ယဵင်ႈၶႅၼ်းမျၢတ်ႈၼႃႇသေၸေးၸိမ်ႇမိူင်းဢေႇၵႅပ်ႉတုၼၼ်ႉဢေႃႈ၊ဝႃႈၼင်ႇၼႆၼၼ်ႉဢေႃႈ။လွင်ႈမၼ်းၸမ်းမၼ်းထွၵ်ႈလူၺ်ႈဢၵျူဝ်းဢၼ်တၵ်းလႆႈၵမ်းလိုၼ်းၼၼ်ႉလႄႈမုင်ႈထႃႈမွင်းထႃႈယူႇဢေႃႈ။

၂၇ ၵွပ်ႈပိူဝ်ႈတၢင်းယုမ်ႇမၢတ်ႈလႄႈမၼ်းၼၼ်ႉယင်းဢမ်ႇၵူဝ်ဢမ်ႇႁႄတၢင်းၸႂ်မႆႈၶႂ်ႈၸႃႉၶုၼ်ႁေႃၶမ်းလႄႈပႅတ်ႈမိူင်းဢေႇၵႅပ်ႉတုၼၼ်ႉဝႆႉသေဢေႃႈ။လွင်ႈမၼ်းၸမ်းမၼ်းမီးတၢင်းဢၼ်တႄႇယူႇၼိမ်ယူႇမိူၼ်ၸိူဝ်ႉၼင်ႇဢၼ်မၼ်းလႆႈႁၼ်ၽြႃးပဵၼ်ၸဝ်ႈဢၼ်မၢၵ်ႇတႃတူၺ်းဢမ်ႇႁၼ်လႆႈၼၼ်ႉဢေႃႈ။

၂၈ ၵွပ်ႈပိူဝ်ႈတၢင်းယုမ်ႇမၢတ်ႈလႄႈမၼ်းပႂ်ႉၵမ်ပႂ်ႉၸွမ်းပွႆးပႃသၶႃႇဢိၵ်ႇတင်းတၢင်းဢၼ်ၸုပ်ႉၽႅတ်းလိူတ်ႈၼၼ်ႉႁႂ်ႈၵေႃႉဢၼ်ယႃႉပႅတ်ႈလုၵ်ႈတူၼ်ႈတင်းလၢႆၼၼ်ႉဢမ်ႇလႆတိူဝ်ႉလႆႈထုၵ်ႇလုၵ်ႈတူၼ်ႈၵူၼ်းဢိသရေႇလၸိူဝ်းၼၼ်ႉဢေႃႈ။

၂၉ ၵွပ်ႈပိူဝ်ႈတၢင်းယုမ်ႇမၢတ်ႈလႄႈၶဝ်ၼၼ်ႉလႆႈပႆတၢင်းၵႂႃႇၵႃႈၼႂ်းပၢင်ႇလၢႆႇဢေႇတုင်ႇမိူၼ်ၸိူဝ်ႉၼင်ႇပႆၵႂႃႇတၢင်းလွႆၼၼ်ႉဢေႃႈ။ၵူၼ်းဢေႇၵႅပ်ႉတုၸိူဝ်းၼၼ်ႉမိူဝ်ႈဢၼ်ဢၢင်ႈတၵ်းပႆၵႂႃႇၸိူဝ်ႉၼင်ႇၼၼ်ၼၼ်ႉၸိုင်၊ၶဝ်ၸူမ်ၼမ်ႉတၢႆဢေႃႈ။

၃၀ ၵွပ်ႈပိူဝ်ႈတၢင်းယုမ်ႇမၢတ်ႈလႄႈလမ်းဝဵင်းယေႇရိၶူဝ်းၼၼ်ႉၵိူၼ်ႇလူမ်ႉပင်းတူၵ်းၵႂႃႇမိူဝ်ႈဢၼ်လႆႈၶၢမ်ႇတၢင်းဢၼ်လဵပ်ႈႁွပ်ႈၸဵတ်းဝၼ်းတဵမ်တဵမ်ၼၼ်ႉဢေႃႈ။

၃၁ ၵွပ်ႈပိူဝ်ႈတၢင်းယုမ်ႇမၢတ်ႈလႄႈမေႈမွၵ်ႇယႃႈရႃႇၶပ်ႉၼၼ်ႉယင်းဢမ်ႇလူႉဢၼ်ႇလႅဝ်လူၺ်ႈၵၼ်တင်းၶဝ်ၸိူဝ်းဢၼ်တွပ်ႇထဵင်ၸိူဝ်းၼၼ်ႉလႄႈလႆႈၵတ်းယဵၼ်ၶျၢမ်းသႃႇၵွပ်ႈပိူဝ်ႈဢၼ်ႁဵတ်းၵေႃႉႁဵတ်းသေႈလူၺ်ႈၵၼ်တင်းၶဵဝ်လွတႆ်ႈးၼႂ်းၸိူဝ်းၼၼ်ႉလႄႈႁပ်ႉတုင်းဢဝ်ၶဝ်ၼၼ်ႉဢေႃႈ။

၃၂ လိူဝ်သေၼၼ်ႉတၵ်းမီးတီႈလၢတ်ႈၸိူဝ်ႉၼင်ႇႁိုဝ်လူးၵွၼ်ႇ။လၢတ်ႈလွင်ႈၸႃႉၸဵမ်ၵိတိဢုၼ်ႇ၊ပႃႇရၵ်ႉ၊သမ်ႇသုၼ်ႇ၊ယေႇၽထ၊တႃႇဝိတ်ႉ၊သမူၺ်ႇလႃႉ၊ဢိၵ်တင်းပရေႃးၽႅတ်ႈၸိူဝ်းၼၼ်ႉလႄႈဢမ်ႇသဵင်ႈလႆႈ။

၃၃ ၵွပ်ႈပိူဝ်ႈတၢင်းယုမ်ႇမၢတ်ႈလႄႈၶဝ်လႆႈပႄႉၼႅင်ႇတၢင်ႇဝၢၼ်ႈတၢင်ႇမိူင်းလႆႈၸီႇယၢင်ႇၸွမ်းၼင်ႇတြႃး၊

၃၄ လႆႈၶဝ်ႈၸၢမ်ႇၸႃးၵတိၸဝ်ႈ၊လႆႈဢိုတ်းဝႆႉသူပ်းသၢင်ႇသီႈ၊လႆႈႁႂ်ႈႁႅင်းၽႆးထၢတ်ႇယဵၼ်၊လႆႈၵၢင်းလွတ်ႈတင်းၽေးလၢပ်ႇ၊လႆႈလုၵ်ႉသေၵႃႈၼႂ်းတၢင်းၶႆႈတၢင်းပဵၼ်လႄႈႁွတ်ႈထိုင်တၢင်းဢၼ်ယူႇလီၵိၼ်ဝၢၼ်၊လႆႈတဵမ်ဝႆႉတင်းႁႅင်းဢၼ်တိုၵ်းသိုၵ်း၊လႆႈယႃႉပႅတ်ႈတပ်ႉသိုၵ်းၵူၼ်းတၢင်ႇၸိူဝ်ႉတၢင်ႇၶိူဝ်းၸိူဝ်းၼၼ်ႉဢေႃႈ။

၃၅ ၽူႈယိင်းၶဝ်ၵေႃႈသမ်ႉၶိုၼ်းလႆႈလုၵ်ႈလၢင်းတူဝ်ၸဝ်ႈၵဝ်ႇဢၼ်လုၵ်ႉၵႃႈတၢင်းတၢႆၶိုၼ်းလိပ်းၼၼ်ႉဢေႃႈ။ၵူၼ်းၵမ်ႈၽွင်ႈယင်းဢမ်ႇၶၢမ်ႇဢမ်ႇဢဝ်တၢင်းဢၼ်လွတ်ႈလႄႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးဢၼ်ယၢပ်ႇၼႃႇၼင်ႇႁိုဝ်တၵ်းလႆႈတၢင်းဢၼ်လုၵ်ႉၶိုၼ်းဢၼ်ယဵင်ႈၶႅၼ်းလီၼၼ်ႉဢေႃႈ။

၃၆ ၵမ်ႈၽွင်ႈၵေႃႈလႆႈၶၢမ်ႇတၢင်းဢၼ်သေႉသွမ်း၊တၢင်းဢၼ်ပေႃႉယႅၼ်ႉဢမ်ႇၵႃး၊လႆႈၶၢမ်ႇတၢင်းဢၼ်မတ်ႉၽုၵ်ႇဢိၵ်တင်းတၢင်းဢၼ်လႆႈယူႇၵႃႈၼႂ်းထွင်ႇဢေႃႈ။

၃၇ ၶဝ်လႆႈၶၢမ်ႇတၢင်းဢၼ်ဢဝ်တင်းမၢၵ်ႇႁိၼ်ထိမ်ႈတၢင်းဢၼ်ဢဝ်လဵၵ်းလိူဝ်ႈတႅပ်းၶၢတ်ႇပဵၼ်ပွတ်းပဵၼ်တွၼ်၊တၢင်းဢၼ်ၸၢမ်းတူၺ်းလႄႈယႃႉယူၵ်ႉ၊တၢင်းဢၼ်ဢဝ်လၢပ်ႇၼ်းၸိူဝ်းၼၼ်ႉဢေႃႈ။ၶဝ်ယၢၵ်ႈၼႃႇၽၢၼ်ၼႃႇလႄႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးယူႇ၊ၼုင်ႈမႆႊၼင်သူဝ်းၼင်ပေႉယူႇသေလႄႈၵႂႃႇမႃးယူႇဢေႃႈ။

၃၈ လေႃးၵႃႉၼႆႉဢမ်ႇထိူၵ်ႈဢမ်ႇတၢၼ်ႇၵၼ်တင်းၶဝ်။ၶဝ်လႆႈလႄႇၵႂႃႇလႄႇမႃးၵႃႈၼႂ်းထိူၼ်ႇၼႂ်းၶိူဝ်း၊ၼႂ်းၵႄႈႁူၺ်ႈၵႄႈလွႆ၊ၼႂ်းထမ်ႈၼႂ်းႁူးၼႂ်းၶူင်ႈလိၼ်လုၵ်းလိၼ်ဢေႃႈ။

၃၉ ၶဝ်တင်းသဵင်ႈတင်းလူင်ၸိူဝ်းၼၼ်ႉပဵၵ်ႉသမ်ႉႁွတ်ႈထိုင်တၢင်းဢၼ်ယွင်ႈယေႃးၵွပ်ႈပိူဝ်ႈတၢင်းဢၼ်ၶဝ်ယုမ်ႇမၢတ်ႈၼၼ်ႉသေၵေႃႈယင်းဢမ်ႇပႆႇလႆႈၶၢမ်ႇဢဝ်ၵျေးၸူးဢၵျူဝ်းၵႃႈၼင်ႇၵတိၸဝ်ႈမီးၼၼ်ႉ။

၄၀ ၽြႃးပဵၼ်ၸဝ်ႈၶိုင်ပွင်မႄးႁဵၼ်းဝႆႉၵျေးၸူးဢၼ်ယဵင်ႈၶႅၼ်းမျၢတ်ႈၼႃႇၼၼ်ႉပုၼ်ႈႁဝ်းလႄႈတၵ်းလႆႈတၢင်းဢၼ်တဵမ်ႈထူၼ်ႈလူၺ်ႈၵၼ်တင်းႁဝ်းၶဝ်ၼၼ်ႉဢေႃႈ။