1 Pet 2

လိၵ်ႈဢေႃးဝႃႇတႃႉပေႇတရုၽိုၼ်ပထမ

၂

၁ ပိူဝ်ႈၼႆလႄႈပေႃးသူလႆႈၸိမ်းတူၺ်းၵျေးၸူးၸဝ်ႈၽြႃးဢမၢၼ်ႇၶၼ်ပဵၼ်ယဝ်ႉၸိုင်ပႄႇပႅတ်ႈတၢင်းဢၼ်ဢမ်ႇၼႃႇလူဝ်ႇၵူႈၸိူဝ်ႉၵူႈပိူင်၊တၢင်းဢၼ်ပႅတ်ႉလႅၼ်ၵူႈၸိူဝ်ႉၵူႈပိူင်၊တၢင်းဢၼ်ၸၢင်ႊထိမ်ႇၸၢင်ႊမႅပ်းလႂ်၊

၂ တၢင်းဢၼ်သီႇၵေႉႁေႈတႃလႂ်၊တၢင်းဢၼ်သေႉသွမ်းလႂ်၊ၵႃႈမီးတင်းသဵင်ႈတင်းလူင်ၼၼ်ႉသေလႄႈဢွၼ်ၵၼ်မီးၸႂ်ဢၼ်ၶႂ်ႈၵိၼ်ၼမ်ႉၼူမ်းၼုၵ်ႉၵပၢတ်ႈတြႃးၸဝ်ႈၼႃႇလူင်လၢင်

၃ မိူၼ်ၸိူဝ်ႉၼင်ႇလုၵ်ႈဢွၼ်ႇဢၼ်ၸင်ႇၸႃႉၵိူတ်ႇလဵင်ႉမႃးၼၼ်ႉႁႂ်ႈတၢင်းဢၼ်ၵႄႇၶျွတ်ႈဢဝ်ၼၼ်ႉလႆႈယႂ်ႇမႃးၵွပ်ႈပိူဝ်ႈၼမ်ႉၼူမ်းၸႅတ်ႈတြႃးၸဝ်ႈၼၼ်ႉတႃႉ။

ၸဝ်ႈယေႇသုပဵၼ်ၼင်ႇမၢၵ်ႇႁိၼ်ၸဵင်ႇတိူၵ်ႈ

၄ သူႁွတ်ႈထိုင်ၵႃႈတီႈၸဝ်ႈဢၼ်ပဵၼ်မၢၵ်ႇႁိၼ်ဢသၢၵ်ႈလိပ်းဢၼ်ၵူၼ်းတင်းလၢႆပႄႇပႅတ်ႈဝႆႉလႄႈၽြႃးပဵၼ်ၸဝ်ႈလိူၵ်ႈၵဵပ်းဢဝ်ႁႂ်ႈမီးသရေႇၼၼ်ႉဢေႃႈ။

၅ သူလႆႈၶၢမ်ႇတၢင်းဢၼ်တႄႇႁဵတ်းပဵၼ်ႁၢၼ်ႉပဵၼ်ထၢပ်ႈမိူၼ်ၸိူဝ်ႉၼင်ႇမၢၵ်ႇႁိၼ်ဢသၢၵ်ႈလိပ်းၼၼ်ႉသေယဝ်ႉပဵၼ်တိူၵ်ႈထမ်ႇမႃႉဢေႃႈ။ပဵၼ်မဵဝ်းယိတ်ႉပရေႃးႁိၵ်ႈဢၼ်မူတ်းၸၢင်ႇႁႂ်ႈလႆႈပုၵ်ႉၸေႃႇထမ်ႇမႃႉယိၸ်ႉဢၼ်ထုၵ်ႇၸႂ်ၽြႃးပဵၼ်ၸဝ်ႈၵွပ်ႈပိူဝ်ႈၸဝ်ႈယေႇသုၶရိၸ်ႉၼၼ်ႉဢေႃႈ။

၆ ၼင်ႇၼၼ်လႄႈၵျၢမ်းလိၵ်ႈမႃးလႄႈဝႃႈၸမ်း၊-ၵဝ်ဢဝ်မၢၵ်ႇႁိၼ်ငဝ်ႈႁၢၵ်ႈၸဵင်ႇတိူၵ်ႈမျၢတ်ႈဢၼ်လိူၵ်ႈၵဵပ်းဢဝ်ၼၼ်ႉၶျႃးဝႆႉၵႃႈၼိူဝ်လွႆၸိဢုၼ်ႇဢေႃႈ။ၵေႃႉဢၼ်ဢိင်ပိုင်ႈမၢၵ်ႇႁိၼ်ၼၼ်ႉဢမ်ႇမီးတၢင်းဢၼ်လီဢူၵ်းလီဢၢႆဝႃႈၼင်ႇၼႆဢေႃႈ။

၇ ပိူဝ်ႈၼႆလႄႈတီႈသူၸိူဝ်းဢၼ်မီးတၢင်းဢၼ်ယုမ်ႇမၢတ်ႈၼၼ်ႉမၢၵ်ႇႁဵၼ်ၼၼ်ႉပဵၼ်မူၼ်သရေႇဢေႃႈ။တီႈၶဝ်ၸိူဝ်းဢၼ်ဢမ်ႇယုမ်ႇမၢတ်ႈၼၼ်ႉၸမ်းမၢၵ်ႇႁိၼ်ဢၼ်ၵူၼ်းႁဵတ်းတိူၵ်ႈၶဝ်ပႅတ်ႈဝႆႉၼၼ်ႉၵမ်းလိုၼ်းပဵၼ်မၢၵ်ႇႁိၼ်ၸိၵ်းၸွမ်လႄႈပဵၼ်မၢၵ်ႇႁိၼ်ဢၼ်ႁႂ်ႈတိူဝ်ႉမႅၼ်ႈလႄႈလူမ်ႉဢေႃႈ။

၈ ၶဝ်တိူဝ်ႉမႅၼ်ႈလႄႈလူမ်ႉၵွပ်ႈပိူဝ်ႈၶဝ်ဢမ်ႇထွမ်ႇဢဝ်ၼုၵ်ႉၵပၢတ်ႈတြႃးဢၼ်မၼ်းၸဝ်ႈမၵ်းၶၢၼ်းပုၼ်ႈၶဝ်ဝႆႉၼၼ်ႉဢေႃႈ။

၉ သူၸမ်းပဵၼ်မဵဝ်းဢၼ်မၼ်းၸဝ်ႈလိူၵ်ႈၵဵပ်းဢဝ်မဵဝ်းၶုၼ်ယိတ်ႉပရေႃးႁိၵ်ႈ၊မဵဝ်းၵူၼ်းဢၼ်မူတ်းၸၢင်ႇ၊ဢိၵ်ႇတင်းမုၵ်ႉၸုမ်းဢၼ်မၼ်းၸဝ်ႈထိူၵ်ႈပိူင်ႇႁႂ်ႈလႆႈၽုၺ်ႇဢွၵ်ႇၼႄပျႃးမူၼ်ၵုင်ႇၵျေးၸူးမျၢတ်ႈၸဝ်ႈဢၼ်ႁွင်ႉဢဝ်သူဢွၵ်ႇသေၵႃႈၼႂ်းဢၼ်လပ်းသိင်ႇလႄႈသႂၢင်းသႂ်ႇၵႃႈၼႂ်းဢၼ်လႅင်းဢၼ်လီဢၢမ်းၼႃႇၼၼ်ႉဢေႃႈ။

၁၀ မိူဝ်ႈဢွၼ်ၼႆႉၼၼ်ႉပဵၼ်မုၵ်ႉပဵၼ်ၸုမ်းၽြႃးပဵၼ်ၸဝ်ႈဢေႃႈ။မိူဝ်ႈဢွၼ်ၼႆႉၼၼ်ႉပဵၵ်ႉသမ်ႉဢမ်ႇလႆႈၶၢမ်ႇၵျေးၸူးၵရူႉၼႃႇၸဝ်ႈသေၵေႃႈမိူဝ်ႈလဵဝ်ၼႆႉလႆႈၶၢမ်ႇဢဝ်ဢေႃႈ။

ၵူၼ်းယုမ်ႇမၢတ်ႈတင်းၵူၼ်းဢၼ်ဢမ်ႇယုမ်ႇမၢတ်ႈ

၁၁ သူၸိူဝ်းဢၼ်ၵဝ်ႁၵ်ႉဢိူၺ်း၊ၼင်ႇႁိုဝ်သူတၵ်းဝပေႅတ်ႈတၢင်းဢၼ်တူဝ်ၵႃႇယႃႉၸွႆးၸပ်းဢၼ်ၸၢင်ႊတိုၵ်းတေႃးၵၼ်တင်းၸႂ်ဝိၺိၺ်ႇၼၼ်ႉၸိုင်ၵဝ်တွင်းပၢၼ်ႇသူၸိူဝ်းဢၼ်ပဵၼ်ၸိူဝ်ႉၼင်ႇၶႅၵ်ႇဢႃႇၵၼ်ႇတူႉၼၼ်ႉယူႇဢေႃႈ။

၁၂ ဢွၼ်ၵၼ်ၵမ်ၵျၢင်ႉဢၼ်ထုၵ်ႇဢၼ်လီၵႃႈၼႂ်းၵူၼ်းသႃႇသၼႃႇပႃႉတင်းလၢႆတႃႉ။ၼႂ်းလွင်ႈတၢင်းဢၼ်ၶဝ်တၢင်ႇဢပျႅတ်ႈသေႉသွမ်းသူၼၼ်ႉၼင်ႇႁိုဝ်ၶဝ်တၵ်းထွၵ်ႈလူၺ်ႈတၢင်းၵမ်တၢင်းၵျၢင်ႉသူဢၼ်လီဢၼ်ငၢမ်းၼၼ်ႉသေလႄႈယွင်ႈယေႃးၵျေးၸူးၽြႃးပဵၼ်ၸဝ်ႈၼႂ်းဝၼ်းဢၼ်မၼ်းၸဝ်ႈတၵ်းလူႈတူၺ်းလႄႈၸီႇယၢင်ႇၼၼ်ႉတႃႉ။

ၵူၼ်းယုမ်ႇမၢတ်ႈတင်းဝၢၼ်ႈမိူင်း

၁၃ ထွၵ်ႈလူၺ်ႈၼႃႈၽြႃးပဵၼ်ၸဝ်ႈသေလႄႈဢွၼ်ၵၼ်ႁပ်ႉတုင်းဢဝ်ဢမိင်ႉၶုၼ်ႁေႃၶမ်း၊

၁၄ ၸဝ်ႈဝုၼ်ႇ၊ဢၼ်ပဵၼ်ၽူႈဢုပ်ႉပိူင်ႇ၊တၢင်းဢၼ်ၸဝ်ႈဝုၼ်ႇဢၼ်လႆႈဢၶႂၢင်ႉၸီႇယၢင်ႇတြႃးတႅပ်တတ်းပၼ်တၢမ်ႇတီႈၵူၼ်းႁၢႆႉယုၵ်ႈယွင်ႈၵူၼ်းလီၼၼ်ႉလႄႈဢွၼ်ၵၼ်ႁပ်ႉတုင်းဢဝ်တၢင်းဢၼ်ၶဝ်ၸီႇယၢင်ႇဢုပ်ႉပိူင်ႇၼၼ်ႉတႃႉ။

၁၅ လွင်ႈမၼ်းၸမ်းၽြႃးပဵၼ်ၸဝ်ႈမီးဢလူဝ်ႇၶႂ်ႈႁႂ်ႈသူဢဝ်တင်းတၢင်းႁဵတ်းဢၼ်မၢၼ်ႇဢၼ်မဵၼ်ႈၼၼ်ႉသေယဝ်ႉႁဵတ်းႁႂ်ႈၶဝ်ၸိူဝ်းဢၼ်ႁၢႆႉမိူၵ်ႈၼၼ်ႉတဵတ်ႇယဵၼ်ဢေႃႈ။

၁၆ ယူႇမိူၼ်ၼင်ႇၵူၼ်းလွတ်ႈလႅဝ်းတႃႉ။ၼႂ်းဝႃႈၼၼ်သေၵေႃႈယႃႇပေသုင်းတိုဝ်းတၢင်းဢၼ်လွတ်ႈလႅဝ်းၼၼ်ႉသေလႄႈႁဵတ်းလွင်ႈတၢင်းဢၼ်ဢမ်ႇလီဢမ်ႇငၢမ်းၸိူဝ်းၼၼ်ႉ။

၁၇ ဢသၢၵ်ႈလိပ်းၸိူဝ်ႉၼင်ႇၶႃႈၵူၼ်းၸႂ်ႉၽြႃးပဵၼ်ၸဝ်ႈတႃႉ။ႁဵတ်းရူဝ်ႇသေႇၵူဝ်ယမ်ၵူၼ်းတင်းသဵင်ႈတင်းလူင်တႃႉ။ႁၵ်ႉပႅင်းပီႈၼွင်ႉၵူၼ်းယုမ်ႇမၢတ်ႈတင်းလၢႆတႃႉ။ရူဝ်ႇသေႇၵူဝ်ယမ်ၽြႃးပဵၼ်ၸဝ်ႈတႃႉ။မီးတၢင်းဢၼ်ရူဝ်ႇသေႇၵူဝ်ယမ်ၶုၼ်ႁေႃၶမ်းတႃႉ။

ၵူၼ်းၸႂ်ႉတင်းၸဝ်ႈ

၁၈ ၵူၼ်းဢွၼ်ႇဢၼ်လႆႈၶၢမ်ႇတၢင်းၸႂ်ႉတၢင်းသွႆၶဝ်ဢိူၺ်း၊မီးတၢင်းဢၼ်ရူဝ်ႇသေႇၵူဝ်ယမ်သေလႄႈဢွၼ်ၵၼ်ႁပ်ႉတုင်းဢဝ်တၢင်းဢၼ်ၸဝ်ႈသူဢုပ်ႉပိူင်ႇၼၼ်ႉတႃႉ။ၸဝ်ႈၼၼ်ႉမီးၸႂ်ဢၼ်လီဢၼ်ငၢမ်းလႄႈမီးသၽေႃးဢၼ်ၼိမ်သိမ်ႇဢူၼ်ႈဢွၼ်ႇသေဢမ်ႇဝႃႈ၊မီးသၽေႃးဢၼ်လိူင်းၵျမ်းသေဢမ်ႇဝႃႈ၊ႁပ်ႉတုင်းဢဝ်တႃႉ။

၁၉ လွင်ႈမၼ်းၸမ်းၵွပ်ႈပိူဝ်ႈၼႃႈၽြႃးပဵၼ်ၸဝ်ႈလႄႈပေႃးလႆႈၶၢမ်ႇတၢင်းဢၼ်သေႉသွမ်းဢၼ်ဢမ်ႇတြႃးလႄႈသူယိူၼ်ႉၶၢမ်ႇတၢင်းဢၼ်ၸဵပ်းၸႂ်ၸိုင်ပဵၼ်တၢင်းဢၼ်လီယုၵ်ႉယွင်ႈဢေႃႈ။

၂၀ ပေႃးလႆႈယိူၼ်ႉၶၢမ်ႇတၢမ်ႇၵွပ်ႈပိူဝ်ႈဢပျႅတ်ႈဢၼ်တူဝ်ၸဝ်ႈၵဝ်ႇၽိတ်းပိူင်ႈၼၼ်ႉၸိုင်တၵ်းမီးလွင်ႈယွင်ႈယေႃးၸိူဝ်ႉၼင်ႇႁိုဝ်။ပေႃးလႆႈၶၢမ်ႇၵွပ်ႈပိူဝ်ႈႁဵတ်းလွင်ႈတၢင်းဢၼ်လီဢၼ်ငၢမ်းၼၼ်ႉၸိုင်တၵ်းမီးတၢင်းဢၼ်ယုၵ်ႉယွင်ႈၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ။

ၸဝ်ႈယေႇသုပဵၼ်ပုင်ႇသၢၵ်ႈသေႇ

၂၁ လွင်ႈမၼ်းၸမ်း၊မၼ်းၸဝ်ႈႁွင်ႉဢဝ်သူႁႂ်ႈသူလႆႈပဵၼ်ၸိူဝ်ႉၼင်ႇၼၼ်ယဝ်ႉ။ၸဝ်ႈၶရိၸ်ႉၶၢမ်ႇပုၼ်ႈသူလႄႈဝႆႉပုင်ႇသၢၵ်ႈသေႇတီႈသူႁႂ်ႈသူလႆႈၸွမ်းႁွႆးတိၼ်မၼ်းၸဝ်ႈဢေႃႈ။မၼ်းၸဝ်ႈဢမ်ႇႁဵတ်းတူႉၸရိူၵ်ႈ။

၂၂ ၵႃႈၼႂ်းသူပ်းမၼ်းၸဝ်ႈၵေႃႈဢမ်ႇမီးမူႉသႃႇ။မိူဝ်ႈဢၼ်လႆႈၶၢမ်ႇတၢင်းဢၼ်သေႉသွမ်းၼၼ်ႉၵေႃႈမၼ်းၸဝ်ႈဢမ်ႇၶိုၼ်းသေႉသွမ်း။

၂၃ မိူဝ်ႈဢၼ်လႆႈၶၢမ်ႇတၢင်းတၢႆၼၼ်ႉၵေႃႈဢမ်ႇႁိုတ်းဢမ်ႇလွၵ်ႇလႄႈဢဝ်တူဝ်ၸဝ်ႈၵဝ်ႇဢၢပ်ႈတီႈၶုၼ်ဢၼ်ၸီႇယၢင်ႇတြႃးၼၼ်ႉဢေႃႈ။

၂၄ မၼ်းၸဝ်ႈဢဝ်တူဝ်ၸဝ်ႈၵဝ်ႇၶၢမ်ႇဢဝ်ဢပျႅတ်ႈႁဝ်းတင်းလၢႆၵႃႈၼိူဝ်သဝ်လၵ်းဝႃးမိုဝ်းလႄႈႁႂ်ႈႁဝ်းလႆႈပဵၼ်ဢၼ်တၢႆၵႃႈတီႈၼႂ်းဢပျႅတ်ႈတြႃးလႄႈၶိုၼ်းႁႂ်ႈဢသၢၵ်ႈလိပ်းၵႃႈတီႈၼႂ်းတၢင်းဢၼ်သိုဝ်ႈတေႃႇဢၼ်ႁဵတ်းႁႂ်ႈတၢင်းၶႆႈတၢင်းပဵၼ်သူလႆႈႁၢႆၵႂႃႇၵွပ်ႈပိူဝ်ႈႁွႆးတၢမ်ႇမၼ်းၸဝ်ႈၼၼ်ႉဢေႃႈ။

၂၅ မိူဝ်ႈဢွၼ်ၼႆႉၼၼ်ႉသူၽိတ်းတၢင်းယူႇမိူၼ်ၸိူဝ်ႉၼင်ႇသူဝ်းဢၼ်ႁၢႆၵႂႃႇၼၼ်ႉဢေႃႈ။တေႃႈလဵဝ်ၼႆႉၸမ်းသူသမ်ႉၶိုၼ်းႁွတ်ႈထိုင်ၵႃႈတီႈၵေႃႉဢၼ်လႅင်ႉထိင်းသူဝ်းဢၼ်ပဵၼ်ၸဝ်ႈဢၼ်လူႈတူၺ်းဢုပ်ႉပိူင်ႇဝိၺိၺ်ႇသူၼၼ်ႉယဝ်ႉ။

ထမ်ႇမႃႉ ၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ ၵျၢမ်းဢၼ်ဢွၵ်ႇၵွႃႇ ၵျၢမ်းဢၼ်ႁဵတ်းဝၢတ်ႈ

ၵျၢမ်းဢၼ်ယူႇၼႂ်းထိူၼ်ႇ ၵျၢမ်းဢၼ်ႁေႃးတြႃး လိၵ်ႈမၢတ်ႈလွင်ႈယေႃးသု

လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး ဝုတ်ႉထုရုထ

ထမ်ႇမႃႉရႃႇၸဝၢင်ႇၽိုၼ်ပထမ ထမ်ႇမႃႉရႃႇၸဝၢင်ႇၽိုၼ်တုတိယ

ထမ်ႇမႃႉရႃႇၸဝၢင်ႇၽိုၼ်တတိယ ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ

ရႃႇၸဝၢင်ႇၶျူၵ်ႉၽိုၼ်ပထမ ရႃႇၸဝၢင်ႇၶျူၵ်ႉၽိုၼ်တုတိယ

လိၵ်ႈမၢတ်ႈလွင်ႈဢေႇၸရ လိၵ်ႈမၢတ်ႈလွင်ႈၼေႇႁမိ ဝုတ်ႉထုဢေးသတႃႇ

ဝုတ်ႉထုယေႃႇၽ ၵျၢမ်းသႃႇလၢမ်ႇ ၵျၢမ်းလိၵ်ႈသုၵ်ႉတၢမ်ႇ

ၵျၢမ်းလိၵ်ႈတေႇသၼႃႇ

လိၵ်ႈႁဵတ်းၵႂၢမ်းသေႃးလမုၼ်ႇ ၵျၢမ်းဢၼႃႇၵၢတ်ႈတိဢိသႃႇယ

ၵျၢမ်းဢၼႃႇၵၢတ်ႈတိယေႇရမိ တၢင်းဢၼ်ယေႇရမိပွင်ႉၶင်းပွင်ႉဝႃႈ