Shan Missions

လိၵ်ႈဢေႃးဝႃႇတႃ့ၵေႃးရဵၼ်ႇထုၽိုၼ်တုတိယ

Chapter     ၁          ၂          ၃          ၄          ၅          ၆          ၇          ၈          ၉          ၁၀           ၁၁          ၁၂          ၁၃     

၅

ၵၢၼ်သႃႇသၼႃႇဢၼ်ႁတ်းႁၢၼ်

၁ ႁဝ်းႁူႉလွင်ႈဢၼ်ပေႃးႁိူၼ်းလိၼ်ႁဝ်းဢၼ်ပဵၼ်သုမ်ႉယႃႇယီႇၼႆႉလူႉၸိုင်ႁဝ်းမီးႁိူၼ်းၼိၵ်ႉၸႃႉထႃႇဝရႃႉဢၼ်ဢမ်ႇဢဝ်တင်းမိုဝ်းၵူၼ်းႁဵတ်းဢၼ်ၽြႃးပဵၼ်ႈၸဝ်ႈၽၢၼ်ႇသၢင်းႁဵတ်းပဵၼ်ဝႆႉၼၼ်ႉလႄႈမီးယူႇၵႃႈၼႂ်းမိူင်းၵၢင်ႁၢဝ်ပုၼ်ႉၼၼ်ႉယူႇဢေႃႈ။

၂ ၼႂ်းမိူဝ်ႈဢၼ်ႁဝ်းယင်းမီးယူႇၼႂ်းႁိူၼ်းလိၼ်ၼႆႉႁဝ်းမီးၸႂ်ၶင်းၶီၶင်းၽၢၼ်တူၵ်းဢၢင်ႈၶႂ်ႈၶၢမ်ႇတၢင်းဢၼ်ဢဝ်ႁိူၼ်းဢၼ်မီးၵႃႈတီႈၵၢင်ႁၢဝ်ၼၼ်ႉၼုင်ႈမႆႊၼႃႇလူင်လၢင်ဢေႃႈ။

၃ ပေႃးလႆႈၼုင်ႈႁေႃႇၸိုင်ႁဝ်းတၵ်းယူႇတူဝ်ပူၺ်ယူႇဢမ်ႇၸႂ်ႈ။

၄ ႁဝ်းၸိူဝ်းဢၼ်ယူႇၼႂ်းသုမ်ႉထဵင်ၼႆႉႁၢပ်ႇၶူဝ်းဢၼ်ၼၵ်းၼႃႇလူင်လၢင်ယူႇသေလႄႈၶင်းၶီၶင်းၽၢၼ်ယူႇဢေႃႈ။ၵွပ်ႈပိူဝ်ႈၶႂ်ႈၶၢမ်ႇတၢင်းဢၼ်ယူႇတူဝ်ပူၺ်လႄႈၶင်းၶီၶင်းၽၢၼ်ဢမ်ႇၸႂ်ႈ။ႁဝ်းၶင်းၶီၶင်းၽၢၼ်ၵွပ်ႈပိူဝ်ႈၶႂ်ႈၶၢမ်ႇတၢင်းဢၼ်ဢဝ်ဢၼ်မၼ်ႈဢၼ်ၶိူင်ႇၼုင်ႈႁေႃႇႁႂ်ႈလွင်ႈတၢင်းဢၼ်ၸၢင်ႊတၢႆၼၼ်ႉသုမ်းႁၢႆၵႂႃႇၵႃႈၼႂ်းတၢင်းဢၼ်ဢသၢၵ်ႈလိပ်းၼၼ်ႉဢေႃႈ။

၅ ၵေႃႉဢၼ်ပွင်မႄးႁဝ်းႁႂ်ႈလႆႈၶၢမ်ႇဢၵျူဝ်းၸိူဝ်ႉၼင်ႇၼၼ်ၼၼ်ႉၸမ်းပဵၼ်ၽြႃးပဵၼ်ၸဝ်ႈဢၼ်ပၼ်ၸရၢၼ်ႇဢၼ်ပဵၼ်ဝိၺိၺ်ႇၸဝ်ႈတီႈႁဝ်းၼၼ်ႉဢေႃႈ။

၆ ပိူဝ်ႈၼႆလႄႈႁဝ်းႁူႉလွင်ႈဢၼ်မိူဝ်ႈဢၼ်ႁဝ်းယင်းမီးယူႇၼႂ်းတူဝ်ၶၼ်ႇထႃႇၼႆႉႁဝ်းလႆႈၵႆၵၼ်တင်းၸဝ်ႈၽြႃးယူႇဢေႃႈ။

၇ ႁဝ်းဢသၵ်ႈလိပ်းၸွမ်းၼင်ႇတၢင်းယုမ်ႇမၢတ်ႈဢေႃႈ။

၈ ဢမ်ႇၸႂ်ႈၸွမ်းတၢင်းႁၼ်ၼၼ်ႉ။ႁဝ်းႁတ်းလၢတ်ႈဝႃႈႁဝ်းမီးဢလူဝ်ႇယိင်ႈၶႅၼ်းၶႂ်ႈယူႇၵႃႈတီႈႁိူၼ်းလူၺ်ႈၵၼ်တင်းၸဝ်ႈၽြႃးၼႃသေယူႇၼႂ်းတူဝ်ၶၼ်ႇထႃႇၼႆႉဢေႃႈ။

၉ ႁဝ်းယူႇၵႃႈတီႈႁိူၼ်းၼႂ်းတူဝ်ၶၼ်ႇထႃႇၼႆႉသေဢမ်ႇဝႃႈယူႇၵႃႈတီႈဢၼ်ၵႆသေဢမ်ႇဝႃႈ၊ႁဝ်းမီးတၢင်းဢၼ်ၶတ်းၸႂ်ႁႂ်ႈလႆႈပဵၼ်ၵေႃႉဢၼ်ထုၵ်ႇၸႂ်ၸဝ်ႈၽြႃးဢေႃႈ။

၁၀ လွင်ႈမၼ်းၸမ်းႁဝ်းၵူႈၵေႃႉတၵ်းလႆႈၸုၵ်းၵႃႈတီႈၽၢႆႇၼႃႈပလၢင်ႇတြႃးၸဝ်ႈၶရိၸ်ႉႁႂ်ႈလႆႈၶၢမ်ႇဢၵျူဝ်းဢပျႅတ်ႈႁင်းၽႂ်ႁင်းမၼ်းၵႃႈၼင်ႇဢၼ်တၢင်းၵမ်တၢင်းၵျၢင်ႉဢၼ်ႁဝ်းၵမ်ၵျၢင်ႉလီဢမ်ႇလီၼႂ်းမိူဝ်ႈဢၼ်မီးၼႂ်းတူဝ်ၶၼ်ႇထႃႇၼၼ်ႉဢေႃႈ။

ၵၢၼ်သႃႇသၼႃႇဢၼ်ႁႂ်ႈၶိုၼ်းထုၵ်ႇမေႃၵၼ်

၁၁ ပိူဝ်ႈၼႆလႄႈႁဝ်းႁူႉလွင်ႈတၢင်းဢၼ်လီၵူဝ်လီႁႄဢၼ်ၸၢပ်ႈသႅင်ႇၵၼ်တင်းၸဝ်ႈၽြႃးၼၼ်ႉသေလႄႈႁဝ်းတိုၵ်းယူင်းၸူဝ်းဢဝ်ၵူၼ်းတင်းလၢႆဢေႃႈ။ၸိူဝ်ႉၼင်ႇဢၼ်ႁဝ်းထၢင်ႇသႃးယူႇၵႃႈတီႈၽၢႆႇၼႃႈၽြႃးပဵၼ်ၸဝ်ႈယူႇၼၼ်ႉၸႂ်သူဢၼ်ႁူႉတူဝ်ၸဝ်ႈၵဝ်ႇၼၼ်ႉၵေႃႈထၢင်ႇသႃးယူႇဢေႃႈ။

၁၂ ႁဝ်းသမ်ႉၶိုၼ်းယွင်ႈတူဝ်ၸဝ်ႈၵဝ်ႇၵႃႈတီႈၽၢႆႇၼႃႈသူဢမ်ႇၸႂ်ႈ။ႁဝ်းပၼ်ဢၶႂၢင်ႉတီႈသူႁႂ်ႈသူလႆႈမီးဢၶႂင်ႉတၢင်းဢၼ်ဢဝ်ၵုင်ႇၵွပ်ႈပိူဝ်ႈႁဝ်းလႄႈႁႂ်ႈသူတၵ်းလႆႈၽေႇလိတ်ႈၵႂၢမ်းၶဝ်ၸိူဝ်းဢၼ်ဢုပ်ႇဝၢဝ်းၸွမ်းၼင်ႇတႃၶဝ်တူၺ်းႁၼ်ၼၼ်ႉသူၺ်းလႄႈဢမ်ႇၸႂ်ၸွမ်းၼင်ႇႁူဝ်ၸႂ်ၶဝ်ၼၼ်ႉဢေႃႈ။

၁၃ ပေႃးႁဝ်းပဵၼ်ၵူၼ်းယွင်ႇၸိုင်ပဵၼ်ပုၼ်ႈၽြႃးပဵၼ်ၸဝ်ႈဢေႃႈ။ပေႃးႁဝ်းပဵၼ်ၵူၼ်းလီၸိုင်ပဵၼ်ပုၼ်ႈသူဢေႃႈ။

၁၄ လွင်ႈမၼ်းၸမ်းႁဝ်းတူၵ်းၵၢင်ၸႂ်ဝႃႈပေႃးၵေႃႉၼိုင်ႈၶၢမ်ႇတၢႆပုၼ်ႈၵူၼ်းတင်းသဵင်ႈတင်းလူင်ၸိုင်၊ၵူၼ်းတင်းသဵင်ႈတင်းလူင်တၢႆယဝ်ႉဢေႃႈ။

၁၅ မၼ်းၸဝ်ႈၶၢမ်ႇတၢႆပုၼ်ႈၵူၼ်းတင်းသဵင်ႈတင်းလူင်လႄႈၵူၼ်းတင်းသဵင်ႈတင်းလူင်ဢၼ်ဢသၢၵ်ႈလိပ်းယူႇၼၼ်ႉတၵ်းဢမ်ႇလႆႈလိပ်းပုၼ်ႈတူဝ်ၸဝ်ႈၵဝ်ႇလႄႈတၵ်းလႆႈလိပ်းႁႂ်ႈလႆႈၸွမ်းဢလူဝ်ႇၵေႃႉဢၼ်ၶၢမ်ႇတၢႆပုၼ်ႈၶဝ်လႄႈသမ်ႉလုၵ်ႉၶိုၼ်းၼၼ်ႉဢေႃႈ။

၁၆ ၵွပ်ႈၼႆလႄႈၸႃႉၸဵမ်တေႃႈလဵဝ်ၼႆႉၵႂႃႇႁဝ်းဢမ်ႇမၢတ်ႈၵူၼ်းၸွမ်းၼင်ႇၸႃႇတိၵုၼ်း။မိူဝ်ႈဢွၼ်တၢင်းႁဝ်းဢဝ်တင်းၸႃႇတိၵူၼ်းလႄႈမၢတ်ႈၸဝ်ႈၶရိၸ်ႉသေၵေႃႈၸႃႉၸဵမ်တေႃႈလဵဝ်ၼႆႉၵႂႃႇႁဝ်းဢမ်ႇမၢတ်ႈၸိူဝ်ႉၼင်ႇၼၼ်ယဝ်ႉ။

၁၇ ၵူၼ်းဢၼ်ဝႃႈၸမ်းပေႃးမီးၼႂ်းၸဝ်ႈၶရိၸ်ႉၸိုင်ပဵၼ်ၵူၼ်းမႂ်ႇဢေႃႈ။လွင်ႈတၢင်းဢၼ်ၵဝ်ႇၸိူဝ်းၼၼ်ႉၶၢႆႉပုတ်ႈသေလႄႈလွင်ႈတၢင်းၵႃႈမီးတင်းသဵင်ႈတင်းလူင်ပဵၼ်ဢၼ်မႂ်ႇယဝ်ႉ။

၁၈ လွင်ႈတၢင်းၼႆႉၸမ်းပဵၼ်ၵွပ်ႈပိူဝ်ႈၽြႃးပဵၼ်ၸဝ်ႈဢၼ်ႁႂ်ႈတၢင်းၽိတ်းႁဝ်းယဵၼ်ၵႂႃႇၵွပ်ႈပိူဝ်ႈၸဝ်ႈၶရိၸ်ႉလႄႈပၼ်ဢၶႂၢင်ႉႁႂ်ႈလႆႈတြႃးမိၵ်ႈသႁႃႇယႃႉတၢင်းဢၼ်ထုၵ်ႇၵၼ်တင်းမၼ်းၸဝ်ႈၼၼ်ႉတီႈႁဝ်းဢေႃႈ။

၁၉ တြႃးၼၼ်ႉၸမ်းၽြႃးပဵၼ်ၸဝ်ႈမီးယူႇၵႃႈၼႂ်းၸဝ်ႈၶရိၸ်ႉလႄႈဢမ်ႇမၢတ်ႈဢမ်ႇမၢႆဢပျႅတ်ႈၵူၼ်းလေႃးၵီႇတင်းလၢႆလႄႈႁႂ်ႈတၢင်းၽိတ်းၶဝ်ယဵၼ်သေယဝ်ႉဢၢပ်ႈပၼ်တြႃးမိၵ်ႈသႁႃႇယႃႉတၢင်းဢၼ်ထုၵ်ႇၵၼ်တင်းမၼ်းၸဝ်ႈၼၼ်ႉတီႈႁဝ်းဢေႃႈ။

၂၀ ပိူဝ်ႈၼႆလႄႈႁဝ်းၼႆႉပဵၼ်သၢၼ်ႇတမၢၼ်ႇၸဝ်ႈၶရိၸ်ႉဢေႃႈ။ၵႃႈၼင်ႇဢၼ်ၽြႃးပဵၼ်ၸဝ်ႈဢဝ်ႁဝ်းလႄႈတိုၵ်းယူင်းၸူဝ်းဢဝ်သူၼၼ်ႉႁဝ်းပဵၼ်တၢင်တူဝ်ၸဝ်ႈၶရိၸ်ႉလႄႈတွင်းပၢၼ်ႇၸူဝ်းဢဝ်သူလႄႈဝႃႈ၊-သူႁႂ်ႈတၢင်းၽိတ်းသူယဵၼ်လႄႈၶိုၼ်းႁဵတ်းမိၵ်ႈသႁႃႇယႃႉတၢင်းဢၼ်ထုၵ်ႇၵၼ်တင်းၽြႃးပဵၼ်ၸဝ်ႈတႃႉ၊ဝႃႈၼင်ႇၼႆဢေႃႈ။

၂၁ ၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်ဝႃႈၼႆၸမ်းၽြႃးပဵၼ်ၸဝ်ႈႁႂ်ႈၵေႃႉဢၼ်ၵၢင်းလွတ်ႈတင်းဢပျႅတ်ႈၼၼ်ႉပဵၼ်ၵေႃႉဢၼ်မီးဢပျႅတ်ႈပုၼ်ႈႁဝ်းဢေႃႈ။လွင်ႈမၼ်းၸမ်းၼင်ႇႁိုဝ်ႁဝ်းတၵ်းပဵၼ်တၢင်းသိုဝ်ႈတေႃႇၽြႃးပဵၼ်ၸဝ်ႈၵုႈၼႂ်းမၼ်းၸဝ်ႈၼၼ်ႉဢေႃႈ။